Knattspyrnumaðurinn Gylfi Sigurðsson og eiginkona hans Alexandra Helga Ívarsdóttir hafa keypt sér einbýlishús í Garðabæ. Húsið er við Brúnás og var nokkuð mikið fjallað um það þegar það fór á sölu í janúar á þessu ári.
Fjallað var fyrst um kaup hjónanna á Smartland á mbl.is.
Húsið var teiknað af Sigurði Hallgrímssyni arkítekt og byggt árið 2005. Í húsinu er meðal annars að finna tíu herbergi, þrjú baðherbergi, fimm svefnherbergi, tvöfaldan bílskúr og heitan pott. Þegar húsið fór á sölu í janúar var fasteignamat þess um 200 milljónir en óskað var eftir tilboði í húsið.
Hægt er að sjá myndir af húsinu í fréttinni hér að neðan.
