Innlent

Kvöld­fréttir Stöðvar 2

Vésteinn Örn Pétursson skrifar
Kolbeinn Tumi Daðason segir fréttirnar.
Kolbeinn Tumi Daðason segir fréttirnar. Vísir

Yfir tólf hundruð eru látin í blóðugum átökum Ísraelsmanna og Hamas. Umsátursástand ríkir á Gasaströndinni þar sem hafa lokað fyrir vatn og rafmagn til íbúa.

Í kvöldfréttum Stöðvar 2 verður farið ítarlega yfir stöðuna fyrir botni Miðjarðarhafs. Þá verður rætt við farastjóra íslenska hópsins sem er á leið til Íslands frá Ísrael í gegnum Jórdaníu auk þess sem utanríkisráðherra mætir í myndver og fer yfir stöðuna í beinni.

Verulega hefur dregið úr byggingu nýrra íbúða síðasta árið á sama tíma og íbúðaþörf eykst hratt. Fjöldi nýrra, fullbúinna íbúða sem standa auðar hefur sexfaldast milli ára. Við heyrum í verktaka um viðvörunarbjöllur á fasteignamarkaði.

Þá kynnum við okkur veðrið á næstunni en appelsínugular viðvaranir eru í gildi á landinu á morgun og kíkjum á mjaldrasysturnar í Eyjum.

Í Íslandi í dag hittir Vala Matt einn vinsælasta förðunarfræðing landsins sem ofkeyrði sig í vinnu en losnaði við verki með breyttu matarræði.

Þetta og fleira á samtengdum rásum Bylgjunnar og Stöðvar 2 klukkan 18:30.

Kvöldfréttir Stöðvar 2
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið