Sat á þremur og hálfu kílói af kókaíni Árni Sæberg skrifar 21. ágúst 2023 14:04 Maðurinn kom til landsins í með flugi frá Spáni og í við skoðun mátti sjá litlar pakkningar í slöngunum á dekkjum hjólastólsins. Laurent Georges Pascal Ruaud, 59 ára gamall Dóminíki, hefur verið dæmdur til þriggja og hálfs árs fangelsisvistar fyrir stórfellt fíkniefnalagabrot. Hann flutti þrjú og hálft kíló af kókaíni til landsins í dekkjum og rörum hjólastóls sem hann notaðist við á leiðinni til landsins. Í dómi Héraðsdóms Reykjaness, sem kveðinn var upp þann 4. ágúst en birtur nýverið, er hvorki aldur né þjóðerni mannsins tiltekið en í frétt DV frá því í júní kemur bæði fram. Í dómnum segir að við skoðun á hjólastólnum, sem maðurinn kom til landsins í með flugi frá Spáni, hafi mátt sjá litlar pakkningar í slöngunum á dekkjunum. Tekið hafi verið forpróf sem benti til þess að í pakkningunum hafi verið kókaín og heróín. Kókaín í öllum rörum „Efnið barst okkur í bláum hjólastól en talið var að búið væri að koma fyrir fíkniefnum í stólnum. Við rannsókn á stólnum kom í ljós að búið var að koma fyrir efnum í dekkjum þ.e. slöngum og sparra en það er hringurinn sem notaður er til að ýta sér áfram og voru þetta samtals 192 einingar. Þá var einnig búið að fela efni í grind stólsins og reyndist vera efni í nær öllum rörum stólsins, samtals 101 stk heilar einingar ásamt mulningi sem myndaðist þegar verið var að ná efninu út samtals 293 heilar einingar og mulningur,“ segir í skýrslu tæknideildar lögreglustjórans á höfuðborgarsvæðinu. Í málinu lá fyrir matsgerð rannsóknarstofu Háskóla Íslands í lyfja-og eiturefnafræði þar sem sagði að efnið hafi verið kókaín af styrkleika 52 til 82 prósent. Sagðist nota hjólastól vegna bifhjólaslyss Ruaud gaf skýrslu hjá lögreglu í mars þessa árs þar sem meðal annars er haft eftir honum að hann hafi lent í vélhjólaslysi sjö til átta mánuðum áður. og þurfi hjólastól því hann geti ekki gengið. Hann hafði komið með tvo síma með sér til landsins og veitt lögreglu leyfi til þess að skoða innihald þeirra. Í öðrum þeirra fundust tíu ljósmyndir dagsettar í lok janúar þessa ár sem sýna hann standandi. Kannaðist ekkert við efnið Fyrir dómi sagðist Ruaud ekkert kannast við efnin sem fundust í hjólastólnum. Hann kvaðst hafa komið til landsins til þess að taka ljósmyndir og hafa ákveðið að fara í ferðina með einnar eða tveggja vikna fyrirvara. Vinur hans hefði borgað fyrir ferðina þar sem hann hafi ekki verið með greiðslukort á sér þegar hann ákvað að skella sér til Íslands. Þegar hann var inntur eftir því hvernig hann teldi efnin hafa komist í stólinn sagði hann að hann hefði farið í tveggja vikna ferðalag í mars og þá skilið stólinn eftir á hóteli. Hann kvaðst telja tvo möguleika fyrir hendi, annað hvort hefði einhver skipt á stólum eða að „fíkniefnin hafi ekki átt að fara til Íslands hefur hafi átt að senda þau til [...]“. Hann hefði ekki þá haft þá áætlun að fara til Íslands. Þá sagði hann að hann hefði ekki verið að pæla í smáatriðum og að hjólastóll væri eins og hver annar stóll. Þess vegna hafi hann ekki tekið eftir því að stólnum hefði verið skipt út. Skýringar fjarstæðukenndar og með ósennileikablæ Í niðurstöðukafla dómsins reifar dómari þá möguleika sem Ruaud sagði vera fyrir hendi til að skýra efnin í stólnum. Annars vegar að einhver þriðji maður hafi skipt stólnum hans út fyrir stól fullan af kókaíni og hins vegar að einhver hefði fyllt stól hans af kókaíni á meðan hann var í geymslu á hóteli. Fyrri skýringuna segir dómarinn vera „fjarstæðukennda“. Sú seinni sé sennilegri en þó með miklum „ósennileikablæ“. „Þykir óhjákvæmilegt að leggja til grundvallar að þegar ákærði fluttihjólastólinn til Íslands hafi hann vitað eða hlotið að vita að í honum væru fíkniefni. Flutti hann stólinn engu að síður til landsins og í ljósi framanritaðs er hann sannur að sök samkvæmt ákæru og hefur unnið sér til refsingar,“ segir í dóminum. Ruaud var því dæmdur til þriggja og hálfs árs fangelsis og til greiðslu alls sakarkostnaður, um 3,6 milljónir króna. Dómsmál Fíkniefnabrot Dóminíska lýðveldið Smygl Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Svakalegt að sjá fylgisaukningu Höllu Hrundar Innlent Mennirnir tóku annan starfsmannanna hálstaki Innlent Helga lenti einnig í vandræðum Innlent Líklegt að það styttist í brotmörk Innlent Minni lyfjanotkun og meiri vellíðan í sérstöku heilabilunarþorpi Innlent Gefur lítið fyrir útskýringar fréttastjórans Innlent Harvey Weinstein lagður inn á spítala Erlent Uppgangur Höllu Hrundar fari fyrir brjóstið á „valdastéttinni“ Innlent Lögregla kölluð út vegna ungmenna til leiðinda í sundlaug Innlent Forsetavaktin 2024: Hver verður sjöundi forseti lýðveldisins? Innlent Fleiri fréttir Lögregla kölluð út vegna ungmenna til leiðinda í sundlaug Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Tíu kílómetrar eftir af hundrað: Gangan miklu erfiðari en hann óraði fyrir 800 milljóna króna hreinsistöð byggð á Selfossi Sveddi sagður með tengsl við ítölsku mafíuna Vara við því að fara gangandi að gosinu Kastaði glerflösku í höfuð manns og gisti í fangaklefa „Það er enginn sem verndar son okkar“ Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Landsréttur komi fram við ákæruvaldið eins og lítið barn Mannasættir sem óttist ekki að standa í fæturnar Sjá meira
Í dómi Héraðsdóms Reykjaness, sem kveðinn var upp þann 4. ágúst en birtur nýverið, er hvorki aldur né þjóðerni mannsins tiltekið en í frétt DV frá því í júní kemur bæði fram. Í dómnum segir að við skoðun á hjólastólnum, sem maðurinn kom til landsins í með flugi frá Spáni, hafi mátt sjá litlar pakkningar í slöngunum á dekkjunum. Tekið hafi verið forpróf sem benti til þess að í pakkningunum hafi verið kókaín og heróín. Kókaín í öllum rörum „Efnið barst okkur í bláum hjólastól en talið var að búið væri að koma fyrir fíkniefnum í stólnum. Við rannsókn á stólnum kom í ljós að búið var að koma fyrir efnum í dekkjum þ.e. slöngum og sparra en það er hringurinn sem notaður er til að ýta sér áfram og voru þetta samtals 192 einingar. Þá var einnig búið að fela efni í grind stólsins og reyndist vera efni í nær öllum rörum stólsins, samtals 101 stk heilar einingar ásamt mulningi sem myndaðist þegar verið var að ná efninu út samtals 293 heilar einingar og mulningur,“ segir í skýrslu tæknideildar lögreglustjórans á höfuðborgarsvæðinu. Í málinu lá fyrir matsgerð rannsóknarstofu Háskóla Íslands í lyfja-og eiturefnafræði þar sem sagði að efnið hafi verið kókaín af styrkleika 52 til 82 prósent. Sagðist nota hjólastól vegna bifhjólaslyss Ruaud gaf skýrslu hjá lögreglu í mars þessa árs þar sem meðal annars er haft eftir honum að hann hafi lent í vélhjólaslysi sjö til átta mánuðum áður. og þurfi hjólastól því hann geti ekki gengið. Hann hafði komið með tvo síma með sér til landsins og veitt lögreglu leyfi til þess að skoða innihald þeirra. Í öðrum þeirra fundust tíu ljósmyndir dagsettar í lok janúar þessa ár sem sýna hann standandi. Kannaðist ekkert við efnið Fyrir dómi sagðist Ruaud ekkert kannast við efnin sem fundust í hjólastólnum. Hann kvaðst hafa komið til landsins til þess að taka ljósmyndir og hafa ákveðið að fara í ferðina með einnar eða tveggja vikna fyrirvara. Vinur hans hefði borgað fyrir ferðina þar sem hann hafi ekki verið með greiðslukort á sér þegar hann ákvað að skella sér til Íslands. Þegar hann var inntur eftir því hvernig hann teldi efnin hafa komist í stólinn sagði hann að hann hefði farið í tveggja vikna ferðalag í mars og þá skilið stólinn eftir á hóteli. Hann kvaðst telja tvo möguleika fyrir hendi, annað hvort hefði einhver skipt á stólum eða að „fíkniefnin hafi ekki átt að fara til Íslands hefur hafi átt að senda þau til [...]“. Hann hefði ekki þá haft þá áætlun að fara til Íslands. Þá sagði hann að hann hefði ekki verið að pæla í smáatriðum og að hjólastóll væri eins og hver annar stóll. Þess vegna hafi hann ekki tekið eftir því að stólnum hefði verið skipt út. Skýringar fjarstæðukenndar og með ósennileikablæ Í niðurstöðukafla dómsins reifar dómari þá möguleika sem Ruaud sagði vera fyrir hendi til að skýra efnin í stólnum. Annars vegar að einhver þriðji maður hafi skipt stólnum hans út fyrir stól fullan af kókaíni og hins vegar að einhver hefði fyllt stól hans af kókaíni á meðan hann var í geymslu á hóteli. Fyrri skýringuna segir dómarinn vera „fjarstæðukennda“. Sú seinni sé sennilegri en þó með miklum „ósennileikablæ“. „Þykir óhjákvæmilegt að leggja til grundvallar að þegar ákærði fluttihjólastólinn til Íslands hafi hann vitað eða hlotið að vita að í honum væru fíkniefni. Flutti hann stólinn engu að síður til landsins og í ljósi framanritaðs er hann sannur að sök samkvæmt ákæru og hefur unnið sér til refsingar,“ segir í dóminum. Ruaud var því dæmdur til þriggja og hálfs árs fangelsis og til greiðslu alls sakarkostnaður, um 3,6 milljónir króna.
Dómsmál Fíkniefnabrot Dóminíska lýðveldið Smygl Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Svakalegt að sjá fylgisaukningu Höllu Hrundar Innlent Mennirnir tóku annan starfsmannanna hálstaki Innlent Helga lenti einnig í vandræðum Innlent Líklegt að það styttist í brotmörk Innlent Minni lyfjanotkun og meiri vellíðan í sérstöku heilabilunarþorpi Innlent Gefur lítið fyrir útskýringar fréttastjórans Innlent Harvey Weinstein lagður inn á spítala Erlent Uppgangur Höllu Hrundar fari fyrir brjóstið á „valdastéttinni“ Innlent Lögregla kölluð út vegna ungmenna til leiðinda í sundlaug Innlent Forsetavaktin 2024: Hver verður sjöundi forseti lýðveldisins? Innlent Fleiri fréttir Lögregla kölluð út vegna ungmenna til leiðinda í sundlaug Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Tíu kílómetrar eftir af hundrað: Gangan miklu erfiðari en hann óraði fyrir 800 milljóna króna hreinsistöð byggð á Selfossi Sveddi sagður með tengsl við ítölsku mafíuna Vara við því að fara gangandi að gosinu Kastaði glerflösku í höfuð manns og gisti í fangaklefa „Það er enginn sem verndar son okkar“ Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Landsréttur komi fram við ákæruvaldið eins og lítið barn Mannasættir sem óttist ekki að standa í fæturnar Sjá meira