Innlent

Kvöld­fréttir Stöðvar 2

Sólrún Dögg Jósefsdóttir skrifar
Margrét Helga Erlingsdóttir les fréttir á Stöð 2, klukkan hálf sjö í kvöld.
Margrét Helga Erlingsdóttir les fréttir á Stöð 2, klukkan hálf sjö í kvöld.

Í kvöldfréttum okkar fjöllum við um hluthafafund Íslandsbanka, sem blásið var til í skugga bankasölumálsins. Ný stjórn var kjörin og fráfarandi stjórnarformaður baðst afsökunar á því sem misfórst við framkvæmd útboðsins.

Eins heyrum við frá föður ungs manns sem er þroskaskertur og glímir við fíknivanda. Faðirinn segir að ef ekkert verði að gert muni það enda með dauðsfalli, annað hvort sonar hans eða einhvers annars.

Við ræðum við forstjóra Alþjóðalögreglunnar Interpol, sem varar við gervigreindarvæðingu glæpasamtaka og segir alþjóðlega samvinnu löggæsluyfirvalda sjaldan hafa verið jafn mikilvæga. Eins heyrum við frá ferð félagsmálaráðherra á Pride í Færeyjum, verðum í beinni frá risavöxnu fótboltamóti í Laugardal og Magnús Hlynur tekur stöðuna á Hvammstanga, þar sem eru ókeypis lóðir og nóg leikskólapláss.

Þetta og meira til í kvöldfréttum Stöðvar 2 klukkan hálf sjö í kvöld, á samtengdum rásum Stöðvar 2 og Bylgjunnar.

Kvöldfréttir Stöðvar 2
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið