Erlent

Minnst 35 látin eftir gríðar­mikil flóð í Suður-Kóreu

Sólrún Dögg Jósefsdóttir skrifar
Meira en 6,400 íbúar Cheongiu hafa rýmt heimili sín vegna flóðanna.
Meira en 6,400 íbúar Cheongiu hafa rýmt heimili sín vegna flóðanna. EPA

Að minnsta kosti 35 manns hafa látið lífið og meira en tíu er enn saknað vegna flóða í Suður-kóresku borginni Cheongiu í gær. 

Miklar björgunaraðgerðir eru í gangi í Cheongiu eftir úrhelli í gær sem olli gríðarmiklum flóðum í borginni. í frétt BBC segir að nær 300 millimetrar af regni hafi fallið í Suður-Kóreu í gær. Til samanburðar falla 1,000 til 1,800 millimetrar í landinu á einu ári.

Viðbragðsaðilar í Suður-Kóreu vinna nú að því að bjarga fólki úr undirgöngum í borginni en talið er að fimmtán bifreiðar séu enn fastar inni í göngunum. Sagt er að úrhellið hafi brostið svo fljótt á að flætt hafi inn í göngin áður en ökumönnum tókst að yfirgefa þau. 

Ekki er vitað hve margra er saknað inni í undirgöngunum. Þegar hafa níu lík fundist í björgunaraðgerðum við göngin. 

Meira en 6,400 íbúar Cheongiu hafa rýmt heimili sín vegna flóðanna, sem valdið hafa bæði skriðuföllum og rafmagnsleysi víðs vegar um landið.

Þá segir að nær 300 millimetrar af regni hafi fallið í Suður-Kóreu í gær. Til samanburðar falla 1,000 til 1,800 millimetrar í landinu á einu ári. 

Suður-Kórea Náttúruhamfarir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið