Erlent

Frestaði verkefnum vegna tannpínu

Ólafur Björn Sverrisson skrifar
Joe Biden Bandaríkjaforseti er áttræður en við hestaheilsu, að sögn læknis Hvíta hússins.
Joe Biden Bandaríkjaforseti er áttræður en við hestaheilsu, að sögn læknis Hvíta hússins. Win McNamee/Getty

Joe Biden Bandaríkjaforseti frestaði fundi, þar sem rætt var um næsta leiðtoga NATO, sem og öðrum verkefnum, vegna tveggja rótfyllingaraðgerða á jafnmörgum dögum í vikunni.

Reuters hefur þetta eftir upplýsingafulltrúa Hvíta hússins. 

„Forsetinn hefur það bara fínt og hann mun örugglega vinna í bústaðnum síðdegis í dag,“ sagði Karine Jean Pierre upplýsingafulltrúi að lokinni fyrri aðgerðinni.

Biden kvartaði undan tannpínu á sunnudag, var sendur í röntgenmyndatöku og í framhaldinu í aðgerð á Walter Reed sjúkrahúsinu og framseldi vald sitt til varaforseta Kamölu Harris.

„Aðgerðin fór vel,“ skrifaði læknirinn Kevin O'Connor um meðferðina. „Það voru engir fylgikvillar.“ 

Jens Stoltenberg, framkvæmdastjóri NATO, lætur af embætti í september eftir níu ára starf. Leitin að arftaka hans stendur enn yfir en Biden hefur ekki lýst yfir stuðingi við nokkurn kandídat.

Bandaríkin Joe Biden NATO
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið