Bylgju­lestin verður á Akur­eyri 17. júní

Lestarstjórarnir Vala Eiríks, Svali og Erna Hrönn ætla að koma sér vel fyrir á MA lóðinni við Lystigarðinn á Akureyri þar sem þau verða í beinni útsendingu á Bylgjunni á laugardag frá kl. 12 til 16.

Eins og venjulega munu þau ræða við hlustendur, heimamenn og aðra gesti en búast má við miklum fjölda gesta í miðbænum á sjálfan þjóðhátíðardaginn. Mikið fjör verður í kringum Bylgjulestarbílinn þar sem samstarfsaðilar Bylgjulestarinnar munu setja upp leiki og gefa alls kyns varning.

„Það er alveg óhætt að reikna með mikilli gleði og góðri skemmtun,“ segir Vala Eiríks, einn lestarstjóra morgundagsins. „Við munum bjóða upp á frábæra gesti, lifandi tónlist, leiki, góðan mat og dýrmæta samveru. Bylgjulestin er voðalega heimilisleg og við fögnum öllum þeim sem vilja koma og heilsa upp á okkur.“

Geggjaðir matarvagnar frá Götubitanum verða með okkur á Akureyri en það eru Silli kokkur, 2Guys og Dons Donuts.

Kíktu við og taktu þátt í fjörinu, svalaðu þorstanum með sykurlausu appelsíni, gæddu þér á góðgæti frá Nóa Siríus og skemmtu þér með okkur í boði Orku náttúrunnar, Vodafone, Heklu, Samgöngustofu og Nettó. 

Völu finnst Akureyri vera frábær yfir sumartímann. „Strax og ég keyri inn fyrir Gellunesti finn ég hvernig slaknar á sál og líkama, allt er hægara á Akureyri sem er frábært. Yfir bænum er ró en samt er nóg um að vera. Það er stutt í fallega náttúruna og sveitastemningu, frábærar sundlaugar og líklega skemmtilegustu rennibrautir landsins sem er í Akureyrarlaug. Svo er veðrið alltaf best fyrir norðan.“

Bylgjulestin lagði af stað fyrsta laugardag í júní en fyrsti viðkomustaðurinn var Grindavík þar sem fjölskylduhátíðin Sjóarinn síkáti fór fram. Síðasta laugardag stoppaði hún í Hveragerði og á næstu vikum mun hún ferðast vítt og breitt um landið, m.a. á Húsavík og Akranesi.

Næsta laugardag, 24. júní, mun Bylgjulestin heimsækja Stykkishólm og er óhætt að búast við góðri stemningu í bænum þann daginn.

Bylgjulestin, björt og brosandi um allt land í sumar.