Innlent

Séra Kristján á­fram vígslu­biskup í Skál­holti

Atli Ísleifsson skrifar
Séra Kristján Björnsson.
Séra Kristján Björnsson. Þjóðkirkjan

Séra Kristján Björnsson hefur verið endurkjörinn vígslubiskup í Skálholtsumdæmi. Þetta varð ljóst í hádeginu þegar kjörinu lauk, en það stóð yfir dagana 7. til 12. júní. 

Á vef Þjóðkirkjunnar segir að kjörið hafi verið rafrænt, en Kristján hlaut 425 atkvæði, eða tæplega 55 prósent atkvæða. 

„Sr. Arna Grétarsdóttir, sóknarprestur í Reynivallaprestakalli fékk 267 atkvæði eða 34,54% og sr. Dagur Fannar Magnússon sóknarprestur í Skálholtsprestakalli fékk 73 atkvæði eða 9,44% atkvæða.

Á kjörskrá voru 1444 og greiddu 773 atkvæði eða 53,53%.

Átta tóku ekki afstöðu,“ segir á vef Þjóðkirkjunnar. 

Kristján var fyrst kjörinn vígslubiskup árið 2018.

Ísland skiptist í tvö vígslubiskupsdæmi - Skálholtaumdæmi og Hólaumdæmi. Vígslubiskupar starfa í umboði biskups og hafa tilsjón með kristnihaldi í umdæmum sínum, veita andlega leiðsogn og efla kirkjulíf. 

Þjóðkirkjan Bláskógabyggð
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið