Erlent

Tvö hundruð látnir hið minnsta í lestarslysi

Ólafur Björn Sverrisson skrifar
Búist er við því að tala látinna hækki.
Búist er við því að tala látinna hækki. AP

Að minnsta kosti 207 manns létust í lestarslysi í Odisha-ríki á austur-Indlandi í dag þegar þrjár lestar skullu saman.

BBC greinir frá því að farþegalest hafi farið af sporinu og klesst á lest sem kom úr gagnstæðri átt. Þá er þriðja lestin talin hafa klesst á þær fyrri skömmu síðar. 

Björgunaraðgerðir standa enn yfir og hafa 207 verið úrskurðaðir látnir. Búist er við því að sú tala hækki eftir því sem líður á nóttina. 

Narendra Modi, forsætisráðherra Indlands kveðst vera í uppnámi vegna slyssins. „Öll möguleg aðstoð er veitt þeim sem tengjast slysinu,“ skrifaði hann á Twitter.

Í frétt indversku fréttaveitunnar ANI er haft eftir manni sem komst lífs af úr slysinu:

„Að minnsta kosti tíu til fimmtán manns hrúguðust ofan á mig þegar slysið varð. Allt varð vitlaust. Ég var undir hrúgunni. Ég slasaðist á hendi og baki. Þegar ég kom út sá ég að einhver hafði misst höndina, einhver hafði misst löppina og andlit eins var alveg afmyndað.“

Indland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið