Innlent

Nico­le Leigh Mo­sty ráðin leik­skóla­stjóri í Vík í Mýr­dal

Magnús Jochum Pálsson skrifar
Nicole Leigh Mosty hefur starfað sem forstöðukona Fjölmenningarseturs frá 2021 en hefur núna verið ráðin tímabundið sem leikskólastjóri í Mýrdalshreppi.
Nicole Leigh Mosty hefur starfað sem forstöðukona Fjölmenningarseturs frá 2021 en hefur núna verið ráðin tímabundið sem leikskólastjóri í Mýrdalshreppi. Vísir

Nicole Leigh Mosty hefur verið ráðin í starf leikskólastjóra leikskólans Mánalands í Vík í Mýrdal.

Sveitarstjórn Mýrdalshrepps staðfesti á fundi sínum í dag tímabundna ráðningu Nicole og á vef Mýrdalshrepps segir að hún muni taka við starfinu í byrjun júní.

Nicole er menntuð í kennslufræðum og hefur langa reynslu af leikskólastörfum. Hún er með B.Ed. gráðu í leikskólakennarafræðum og M.Ed. gráðu í náms- og kennslufræði. Hún vann við ýmis störf á leikskólanum Múlaborg á árunum 2000 til 2009. Þá fór hún yfir á leikskólann Ösp í Fellahverfinu og var þar aðstoðarleikskólastjóri í tvö ár og síðan leikskólastjóri í fimm ár frá 2011 til 2016. 

Nicole var alþing­ismaður fyr­ir Bjarta framtíð á ár­un­um 2016-2017 og verk­efna­stjóri hjá þjón­ustumiðstöð Breiðholts á árunum 2018-2021.

Frá árinu 2021 hefur hún gegnt stöðu forstöðumanns Fjölmenningarseturs en hún var skipuð af Ásmundi Einari Daðasyni, mennta- og barnamálaráðherra, til fimm ára. Nicole mun ekki sitja út fimm ára tímann þar sem Fjölmenningarsetur var lagt niður og hlutverk þess fært undir Vinnumálastofnun þann 23. apríl síðastliðinn.

Leikskólar Stjórnsýsla Mýrdalshreppur Vistaskipti

Tengdar fréttir

Sögu­leg skipun for­stöðu­manns Fjöl­menningar­seturs

Nicole Leigh Mosty hefur verið skipuð í embætti forstöðumanns Fjölmenningarseturs til fimm ára. Hún tekur til starfa þann 1. mars. Greint er frá skipun Ásmundar Einar Daðasonar, félags- og barnamálaráðherra, á vef stjórnarráðsins.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið