Rússar sagðir vilja leiða saman hægri og vinstri Kjartan Kjartansson skrifar 22. apríl 2023 08:17 Mótmælendur í Berlín í febrúar halda á lofti spjaldi gegn NATO og stríðinu í Úkraínu. Andstaða við stuðning við Úkraínumenn sameinar nú hægri og vinstri jaðar þýskra stjórnmála. Vísir/EPA Stjórnvöld í Kreml hafa það sem yfirlýst markmið sitt að grafa undan stuðningi í Þýskalandi við málstað Úkraínu með því að leiða saman vinstri og hægri jaðrana í þarlendum stjórnmálum. Flokkar hvor á sínum jaðrinum hafa haldið sameiginlega viðburði gegn stríðinu í Þýskalandi að undanförnu. Leynileg gögn sem evrópskar leyniþjónustustofnanir komust yfir frá því á seinni hluta síðasta árs sýna að stjórnvöld í Kreml ræddu fyrst um að ýta undir hreyfingu gegn stríðinu í Úkraínu til að grafa undan stuðningi við Úkraínumenn í september, að sögn Washington Post. Sérstaklega vildu þeir hjálpa til við að mynda bandalag á milli vinstrijaðarflokksins Vinstrisins (þ. Die Linke) og Söhru Wagenknecht, mest áberandi þingmanns hans, annars vegar og hægrijaðarflokksins Valkosts fyrir Þýskaland (AfD) hins vegar. Wagenknecht hefur verið hávær gagnrýnandi stuðnings þýskra stjórnvalda við Úkraínu. Ekkert kemur fram í rússneskum gögnunum um samskipti á milli útsendara rússneskra stjórnvalda við mögulega bandamenn í Þýskalandi. Washington Post segir hins vegar að rannsókn blaðsins sýni að í það minnsta einn náinn ráðgjafi Wagenknecht og nokkrir liðsmenn AfD hafi verið í sambandi við rússneska embættismenn um það leyti sem Kremlverjar ræddi um að reyna að hafa áhrif á þýsk stjórnmál, sér í vil. Auk þess að reyna að ýta undir bandalag ólíkra stjórnmálaafla í Þýskalandi eru Rússar sagðir hafa rætt um að styðja mótmæli jafnt hægri- og vinstriöfgamanna gegn þýsku ríkisstjórninni. Sahra Wagenknecht (t.h.) er 53 ára gamall fyrrverandi kommúnisti frá Austur-Þýskalandi. Henni hefur ítrekað lent saman við forystu flokks síns og íhugar að stofna sín eigin. Á myndinni ávarpar hún mótmælin í Berlín 25. febrúar. Yfirskrift þeirra var „Uppreisn fyrir frið“.Vísir/EPA Skrifuðu stefnuyfirlýsingu fyrir AfD Draumur rússneskra embættismanna var að hjálpa til við að mynda bandalag sem gæti unnið meirihluta í kosningum, hvort sem það væri á sveitarstjórnarstigi eða í landsmálum. Þá vildu þeir blása byr í segl AfD þannig að flokkurinn næði meira fylgi en þeim þrettán prósentum sem hann hafði þá í könnunum. Ráðgjafar Kremlarstjórnar gengu jafnvel svo langt að skrifa drög að stefnuyfirlýsingu fyrir AfD þar sem refsiaðgerðir gegn Rússlandi væru sagðar andstæðar hagsmunum Þýskalands. „Óhæfir stjórnmálamenn sem eru ekki færir um að meta afleiðingar ákvarðanna sinna hafa dregið Þýskalandi inn í átök við Rússland, náttúrulegan bandamann landsins okkar og þjóðar,“ sagði í drögunum. Ekki er ljóst hvort að plaggið komst í hendur þýska flokksins. AfD hefur þó haldið á loft rökum Rússa um stríðið í Úkraínu. Þar á meðal að Bandaríkin hafi á einhvern hátt borið ábyrgð á því að það braust út og að Rússar verji sig einfaldlega fyrir útþenslustefnu Atlantshafsbandalagsins til austurs. Fulltrúar flokksins hafa þegið dýrar boðsferðir til Rússlands. Aðferðir Rússa nú eru sagðar gamalkunnar frá því í kalda stríðinu þegar þeir reyndu að hafa áhrif á og nýta sér friðarhreyfinguna í Þýskalandi og víðar til þess að grafa undan vestrænni samstöðu. Þjóðverjar og fleiri vestrænar þjóðir senda Úkraínumönnum vopn til að verjast innrás Rússa. Stjórnvöld í Kreml vilja grafa undan stuðningi við málstað Úkraínumanna í Evrópu og Bandaríkjunum til þess að hjálpa stríðsrekstrinum.Vísir/EPA Sögð kanslaraefni bæði vinstris og hægris Hvort sem það var fyrir tilstilli Rússa eða ekki hafa þeir fengið óskir sínar uppfylltar að hluta. Um þrettán þúsund manns tóku þátt í mótmælum þar sem þess var krafist að þýska ríkisstjórnin hætti að senda vopn til Úkraínumanna í Berlín í febrúar. Á mótmælunum ávarpaði Wagenknecht mannfjöldann og tengdi vopnasendingarnar við innrás nasista í Sovétríkin í síðari heimsstyrjöldinni. „Við viljum ekki að Þýskaland dragist dýpra inn í þetta stríð,“ sagði Wagenknecht sem skoðanakannanir benda til að gæti fengið allt að fjórðung atkvæða í kosningum. Fjöldi félaga í AfD tók þátt í mótmælunum og fagnaði orðum Wagenknecht, þar á meðal Jürgen Elsässer, ritstjóri hægrijaðartímaritsins Compact. Tímaritið lýsti því nýlega yfir á forsíðu sinni að Wagenknecht væri besta kanslaraefnið sem væri í boði. Hún væri frambjóðandi bæði fyrir vinstrið og hægrið. Wagenknecht hefur sagt opinberlega að hún íhugi að stofna sinn eigin stjórnmálaflokk. Wagenknecht sjálf útilokaði bandalag eða samstarf við AfD í yfirlýsingu sem hún sendi Washington Post vegna fréttar blaðsins. Það væri fáránlegt að gefa í skyn að hún hefði verið í nokkurs konar samskiptum við rússneska embættismenn eða fulltrúa þeirra um slíkt. Rússland Innrás Rússa í Úkraínu Þýskaland Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Heimamanna bíður það verkefni að finna nafn á nýja lónið sem er komið til að vera Innlent Helga aðeins 15 mínútur að landa fyrsta laxinum Innlent Hítará hefur fundið sér nýjan farveg Innlent Veiðileyfasali fékk engar bætur dæmdar fyrir þjófnað í Kjarrá Innlent Sigurþór ráðinn framkvæmdastjóri SVFR Innlent Dularfulla minkagildruhvarfið Innlent Allt eftirlit hert vegna veiðiþjófa við Elliðaár Innlent Fleiri fréttir Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Vill bjóða NATO að byggja nýjan flugvöll í Færeyjum Þorir að veðja bjór á að hún verði áfram forsætisráðherra Lokað á grein um barnadráp í Bretlandi Drápu fangaverði og hjálpuðu fanga að strjúka „Rússnesku lögin“ samþykkt í Georgíu Bendlaði Trump beint við þagnargreiðslurnar Sjá meira
Leynileg gögn sem evrópskar leyniþjónustustofnanir komust yfir frá því á seinni hluta síðasta árs sýna að stjórnvöld í Kreml ræddu fyrst um að ýta undir hreyfingu gegn stríðinu í Úkraínu til að grafa undan stuðningi við Úkraínumenn í september, að sögn Washington Post. Sérstaklega vildu þeir hjálpa til við að mynda bandalag á milli vinstrijaðarflokksins Vinstrisins (þ. Die Linke) og Söhru Wagenknecht, mest áberandi þingmanns hans, annars vegar og hægrijaðarflokksins Valkosts fyrir Þýskaland (AfD) hins vegar. Wagenknecht hefur verið hávær gagnrýnandi stuðnings þýskra stjórnvalda við Úkraínu. Ekkert kemur fram í rússneskum gögnunum um samskipti á milli útsendara rússneskra stjórnvalda við mögulega bandamenn í Þýskalandi. Washington Post segir hins vegar að rannsókn blaðsins sýni að í það minnsta einn náinn ráðgjafi Wagenknecht og nokkrir liðsmenn AfD hafi verið í sambandi við rússneska embættismenn um það leyti sem Kremlverjar ræddi um að reyna að hafa áhrif á þýsk stjórnmál, sér í vil. Auk þess að reyna að ýta undir bandalag ólíkra stjórnmálaafla í Þýskalandi eru Rússar sagðir hafa rætt um að styðja mótmæli jafnt hægri- og vinstriöfgamanna gegn þýsku ríkisstjórninni. Sahra Wagenknecht (t.h.) er 53 ára gamall fyrrverandi kommúnisti frá Austur-Þýskalandi. Henni hefur ítrekað lent saman við forystu flokks síns og íhugar að stofna sín eigin. Á myndinni ávarpar hún mótmælin í Berlín 25. febrúar. Yfirskrift þeirra var „Uppreisn fyrir frið“.Vísir/EPA Skrifuðu stefnuyfirlýsingu fyrir AfD Draumur rússneskra embættismanna var að hjálpa til við að mynda bandalag sem gæti unnið meirihluta í kosningum, hvort sem það væri á sveitarstjórnarstigi eða í landsmálum. Þá vildu þeir blása byr í segl AfD þannig að flokkurinn næði meira fylgi en þeim þrettán prósentum sem hann hafði þá í könnunum. Ráðgjafar Kremlarstjórnar gengu jafnvel svo langt að skrifa drög að stefnuyfirlýsingu fyrir AfD þar sem refsiaðgerðir gegn Rússlandi væru sagðar andstæðar hagsmunum Þýskalands. „Óhæfir stjórnmálamenn sem eru ekki færir um að meta afleiðingar ákvarðanna sinna hafa dregið Þýskalandi inn í átök við Rússland, náttúrulegan bandamann landsins okkar og þjóðar,“ sagði í drögunum. Ekki er ljóst hvort að plaggið komst í hendur þýska flokksins. AfD hefur þó haldið á loft rökum Rússa um stríðið í Úkraínu. Þar á meðal að Bandaríkin hafi á einhvern hátt borið ábyrgð á því að það braust út og að Rússar verji sig einfaldlega fyrir útþenslustefnu Atlantshafsbandalagsins til austurs. Fulltrúar flokksins hafa þegið dýrar boðsferðir til Rússlands. Aðferðir Rússa nú eru sagðar gamalkunnar frá því í kalda stríðinu þegar þeir reyndu að hafa áhrif á og nýta sér friðarhreyfinguna í Þýskalandi og víðar til þess að grafa undan vestrænni samstöðu. Þjóðverjar og fleiri vestrænar þjóðir senda Úkraínumönnum vopn til að verjast innrás Rússa. Stjórnvöld í Kreml vilja grafa undan stuðningi við málstað Úkraínumanna í Evrópu og Bandaríkjunum til þess að hjálpa stríðsrekstrinum.Vísir/EPA Sögð kanslaraefni bæði vinstris og hægris Hvort sem það var fyrir tilstilli Rússa eða ekki hafa þeir fengið óskir sínar uppfylltar að hluta. Um þrettán þúsund manns tóku þátt í mótmælum þar sem þess var krafist að þýska ríkisstjórnin hætti að senda vopn til Úkraínumanna í Berlín í febrúar. Á mótmælunum ávarpaði Wagenknecht mannfjöldann og tengdi vopnasendingarnar við innrás nasista í Sovétríkin í síðari heimsstyrjöldinni. „Við viljum ekki að Þýskaland dragist dýpra inn í þetta stríð,“ sagði Wagenknecht sem skoðanakannanir benda til að gæti fengið allt að fjórðung atkvæða í kosningum. Fjöldi félaga í AfD tók þátt í mótmælunum og fagnaði orðum Wagenknecht, þar á meðal Jürgen Elsässer, ritstjóri hægrijaðartímaritsins Compact. Tímaritið lýsti því nýlega yfir á forsíðu sinni að Wagenknecht væri besta kanslaraefnið sem væri í boði. Hún væri frambjóðandi bæði fyrir vinstrið og hægrið. Wagenknecht hefur sagt opinberlega að hún íhugi að stofna sinn eigin stjórnmálaflokk. Wagenknecht sjálf útilokaði bandalag eða samstarf við AfD í yfirlýsingu sem hún sendi Washington Post vegna fréttar blaðsins. Það væri fáránlegt að gefa í skyn að hún hefði verið í nokkurs konar samskiptum við rússneska embættismenn eða fulltrúa þeirra um slíkt.
Rússland Innrás Rússa í Úkraínu Þýskaland Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Heimamanna bíður það verkefni að finna nafn á nýja lónið sem er komið til að vera Innlent Helga aðeins 15 mínútur að landa fyrsta laxinum Innlent Hítará hefur fundið sér nýjan farveg Innlent Veiðileyfasali fékk engar bætur dæmdar fyrir þjófnað í Kjarrá Innlent Sigurþór ráðinn framkvæmdastjóri SVFR Innlent Dularfulla minkagildruhvarfið Innlent Allt eftirlit hert vegna veiðiþjófa við Elliðaár Innlent Fleiri fréttir Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Vill bjóða NATO að byggja nýjan flugvöll í Færeyjum Þorir að veðja bjór á að hún verði áfram forsætisráðherra Lokað á grein um barnadráp í Bretlandi Drápu fangaverði og hjálpuðu fanga að strjúka „Rússnesku lögin“ samþykkt í Georgíu Bendlaði Trump beint við þagnargreiðslurnar Sjá meira