Enrique staddur í Lundúnum í viðræðum

Það er Skysports sem greinir frá þessu. 

Enrique hefur verið utan þjálfarabransans síðan hann hætti störfum hjá spænska knattspyrnusambandinu eftir heimsmeistaramótið sem fram fór í Katar í desember síðastliðnum. 

Talið er að Enrique sé einn sjö kandídata í starfið hjá Chelsea sem sagði Graham Potter upp störfum á sunnudaginn síðasta. 

Auk Enrique hafa Julian Nagelsmann, Mauricio Pochettino, Ruben Amorim, Oliver Glasner og Luciano Spalletti verið nefndir til sögunnar sem mögulegir arftakar Potter á Brúnni. 

Þá er einnig mögulegt að Frank Lampard endurnýi kynnin við stjórastólinn hjá Chelsea en Lampard var á Stamford Bridge þegar Chelsea gerði markalaust jafntefli við Liverpool í ensku úrvalsdeildinni í gærkvöldi.