Áverkar eftir skósóla Magnúsar á þeim látna Bjarki Sigurðsson skrifar 30. mars 2023 12:22 Magnús Aron Magnússon í dómsal í gær. Vísir/Vilhelm Mynstur var á áverkum á hægri hlið ennis Gylfa Bergmann Heimissonar sem samsvara skósóla Magnúsar Arons Magnússonar sem ákærður er fyrir að hafa myrt Gylfa. Höggin sem ollu áverkunum komu ofan frá. Í þessari frétt verður farið yfir þá áverka sem Gylfi hlaut og því rétt að vara við þeim lýsingum sem fylgja. Aðalmeðferð í máli saksóknara gegn Magnúsi Aroni Magnússyni heldur áfram í dag. Magnús er ákærður fyrir að hafa veist að Gylfa Bergmann Heimissyni með þeim afleiðingum að sá síðarnefndi lést. Fyrir dómi í gær lýsti Magnús því hvernig atburðarásin hafi verið umrætt kvöld fyrir utan heimili þeirra beggja í Barðavogi, en þeir bjuggu í sama húsi en á sitthvorri hæðinni. Þá sagðist hann ekki hafa gert atlögu að Gylfa á meðan hann lá liggjandi fyrir utan húsið. Nágrannar þeirra sem báru vitni lýstu því þó að Magnús hafi virst traðka á efri hluta líkama Gylfa á meðan hann lá hreyfingarlaus á jörðinni. Bæði íslenskur réttarlæknir sem starfar í Danmörku og réttarlæknir hér á landi gáfu vitnisburð sinn í dag. Sú sem býr í Danmörku var fyrst en sá hún meðal annars um að meta áverka á Magnúsi en áverkarnir voru myndaðir og ljósmyndir sendar út. „Það er áverki á utanverðum ökklanum, hægra megin. Ferskur áverki sem ég kalla skrámu. Það voru líka á sitthvorum úlniðnum, húðblæðing og litabreytingar. Þessar breytingar koma vegna skjóts kraft og gætu verið eftir til dæmis handjárn,“ sagði læknirinn. Benti hún á að á ljósmyndunum sem hún fékk sendar voru blóðkámur á svæðum á líkama Magnúsar svo þar hafi hún ekki geta ákvarðað hvort áverkar séu þar undir. Hinn réttarlæknirinn sem búsettur er hér á landi og skoðaði Magnús einnig hafði sömu sögu að segja. Þar sköruðu sig þó úr áverkar á vinstri baugfingri. Áverkarnir samsvara þeim sem veitt hefur öðrum hnefahögg og tönn móttakans fer í fingurinn. Læknirinn í Danmörku hafði einmitt sagt að hún hefði viljað skoða hnúa Magnúsar betur. Á Gylfa fundust hins vegar talsververðir áverkar. Læknirinn í Danmörku sagði að aðallega hafi þeir verið á höfði, þá sérstaklega í andliti og á efri hluta höfuðsins, hálsi og á herðum. „Það eru einnig dreifðir áverkar á búknum og útlimunum, griplimum og ganglimum. Á griplimum eru þeir staðsettir á bakhliðinni en engir á lófahliðinni. Þessir áverkar í andliti og á höfði og hálsi eru talsverðir, miklar blæðingar, skurðir, skrámur, blæðingar og mar í andlitsvöðvum, umfangsmikið brot í andliti, það má nánast segja að andlitið hafi verið þrykkt inn,“ sagði læknirinn í Danmörku. Þá voru einnig umtalsverðir áverkar á yfirborði hálsins og í djúpvefjum, meðal annars brot á brjóskhluta og barka. Fyrir utan þá áverka sem sáust á yfirborðinu mátti finna blæðingar á yfirborði heilans. Á hægri hlið ennis Gylfa voru munstraðir áverkar. Tóku áverkarnir útlit sitt af yfirborði þess hlutar sem olli áverkanum. Voru þeir samsvarandi skósólanum á þeim skóm sem Magnús klæddist þetta kvöld og til að kalla þá fram þurfti beinan kraft beint á andlitið. Læknirinn sagði þá passa við það að Gylfi hafi verið liggjandi í grasinu á bakinu og þá hafi komið kraftur ofan frá og niður. Var sú lýsing í samræmi við lýsingar nágranna þeirra sem urðu vitni að atvikinu en ekki í samræmi við lýsingar Magnúsar. Einnig mátti finna áverka á griplimum Gylfa sem samsvara varnaráverkum. Voru þeir á bakhlið limanna en ekki mátti finna mörg merki þar um að Gylfi hafi slegið mikið frá sér. Bentu þeir til þess að hann hafi ekki verið mjög aggresívur. Dánarorsök Gylfa voru höfuðáverkar og áverkar á hálsi sem ollu því að öndun hans var torvelduð. Voru báðir þættir samverkandi og ekki hægt að staðfesta hvort annað hvort hafi vegið þyngra. Gylfi var nokkuð ölvaður þegar hann lést en það gæti hafa haft áhrif á dómgreind hans, samhæfni og viðbrögð. Hann var ekki ofurölvi eða hjálparlaus en áfengismagnið var ekki það sem dró hann til dauða og hafði ekki áhrif á dánarorsökina. Hinn læknirinn sagði mest það sama og sú sem býr í Danmörku. Hann sagði þurfa mikinn kraft til að framkalla þá áverka sem fundust á Gylfa. „Ef skalinn er sá kraftur sem felst í þeim stimpingum sem eru á manna milli er þetta klárlega a efsta stigi og með því ofsamesta sem sést í árásum þar sem ekki eru notuð áhöld,“ sagði læknirinn. Sagði hann Gylfa einnig hafa haft útbreidda áverka á yfirborðinu, marbletti á hálsinum og mjúkvöðvablæðingar. Skjaldbrjósk og tungubein hafi verið brotin og djúpar blæðingar voru á aftanverðum vöðvum hálsins. Efst á hryggnum var mikið mar sem lá djúpt ofan í efsta hluta brjóstbaksins. Þá voru ýmsir minniháttar marblettir og smásár á útlimum. Manndráp í Barðavogi Reykjavík Dómsmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Verkefnið skapi níutíu störf og meðallaunin verði um 1,4 milljón á mánuði Innlent Grunaður um að hafa ráðið konu sinni bana Innlent Svona var Pallborðið með Höllu, Katrínu og Steinunni Ólínu Innlent Sjálfstæðisflokkurinn kvelji barnafólk með vettlingagjörningi Innlent Fluttur á sjúkrahús eftir að ekið var á Útlendingastofnun Innlent Leiðin í vinnuna smám saman þrefaldast: „Þetta er eins og í einhverri bíómynd“ Innlent „Það er ástæða fyrir því að farið er í að rannsaka þetta andlát“ Innlent Biðst afsökunar á að hafa kallað skemmdarvarginn „fífl“ Innlent Halla Hrund fjórfaldar fylgi sitt á milli kannanna Innlent Segja valdarán framið og kirkju aðventista klofna Innlent Fleiri fréttir Fannst hennar tími vera kominn Sakar ríkisstjórnina um að ætla að afhenda fiskeldinu firðina til eilífðar Miðflokkurinn staðfestir sig sem þriðji stærsti flokkurinn Leiðin í vinnuna smám saman þrefaldast: „Þetta er eins og í einhverri bíómynd“ Ákærð fyrir að hafa orðið syni sínum að bana Stórfjölgun ofbeldisbrota, firðir í hættu og hönnunarstuldur „Við næðum eflaust meiri árangri ef borgarstjóri myndi væla minna“ Össur segir Jóni Gnarr að „hætta að væla“ Staðfesta gæsluvarðhald tveggja sakborninga Óbreytt frumvarp þýði útrýmingu villta laxins Fluttur á sjúkrahús eftir að ekið var á Útlendingastofnun Húsfélagið má ekki klippa á tengil rafvirkjameistara Sjálfstæðisflokkurinn kvelji barnafólk með vettlingagjörningi Enn kröftugt gos úr einum gíg Börn sofi ekki úti í gosmóðunni suðvestanlands Velkomin í Verbúðina II Halla Hrund fjórfaldar fylgi sitt á milli kannanna Ákærðir fyrir þaulskipulagða skotárás gegn feðginum á aðfangadag Sextán hundruð vettlingar fyrir börnin sem bíða Verkefnið skapi níutíu störf og meðallaunin verði um 1,4 milljón á mánuði Aðstoðarrektor í Bandaríkjunum verður rektor Háskólans á Akureyri Bjarni vill taka daginn snemma Svona var Pallborðið með Höllu, Katrínu og Steinunni Ólínu Freista þess að halda veitingamanninum bak við lás og slá Furðar sig á ávirðingum vegna kaupa á vínarbrauði Tvö manndráp á skömmum tíma „Það er ástæða fyrir því að farið er í að rannsaka þetta andlát“ Vill geta vísað flóttafólki úr landi innan tveggja sólarhringa Réðst á barn sem gerði dyraat Grunaður um að hafa ráðið konu sinni bana Sjá meira
Í þessari frétt verður farið yfir þá áverka sem Gylfi hlaut og því rétt að vara við þeim lýsingum sem fylgja. Aðalmeðferð í máli saksóknara gegn Magnúsi Aroni Magnússyni heldur áfram í dag. Magnús er ákærður fyrir að hafa veist að Gylfa Bergmann Heimissyni með þeim afleiðingum að sá síðarnefndi lést. Fyrir dómi í gær lýsti Magnús því hvernig atburðarásin hafi verið umrætt kvöld fyrir utan heimili þeirra beggja í Barðavogi, en þeir bjuggu í sama húsi en á sitthvorri hæðinni. Þá sagðist hann ekki hafa gert atlögu að Gylfa á meðan hann lá liggjandi fyrir utan húsið. Nágrannar þeirra sem báru vitni lýstu því þó að Magnús hafi virst traðka á efri hluta líkama Gylfa á meðan hann lá hreyfingarlaus á jörðinni. Bæði íslenskur réttarlæknir sem starfar í Danmörku og réttarlæknir hér á landi gáfu vitnisburð sinn í dag. Sú sem býr í Danmörku var fyrst en sá hún meðal annars um að meta áverka á Magnúsi en áverkarnir voru myndaðir og ljósmyndir sendar út. „Það er áverki á utanverðum ökklanum, hægra megin. Ferskur áverki sem ég kalla skrámu. Það voru líka á sitthvorum úlniðnum, húðblæðing og litabreytingar. Þessar breytingar koma vegna skjóts kraft og gætu verið eftir til dæmis handjárn,“ sagði læknirinn. Benti hún á að á ljósmyndunum sem hún fékk sendar voru blóðkámur á svæðum á líkama Magnúsar svo þar hafi hún ekki geta ákvarðað hvort áverkar séu þar undir. Hinn réttarlæknirinn sem búsettur er hér á landi og skoðaði Magnús einnig hafði sömu sögu að segja. Þar sköruðu sig þó úr áverkar á vinstri baugfingri. Áverkarnir samsvara þeim sem veitt hefur öðrum hnefahögg og tönn móttakans fer í fingurinn. Læknirinn í Danmörku hafði einmitt sagt að hún hefði viljað skoða hnúa Magnúsar betur. Á Gylfa fundust hins vegar talsververðir áverkar. Læknirinn í Danmörku sagði að aðallega hafi þeir verið á höfði, þá sérstaklega í andliti og á efri hluta höfuðsins, hálsi og á herðum. „Það eru einnig dreifðir áverkar á búknum og útlimunum, griplimum og ganglimum. Á griplimum eru þeir staðsettir á bakhliðinni en engir á lófahliðinni. Þessir áverkar í andliti og á höfði og hálsi eru talsverðir, miklar blæðingar, skurðir, skrámur, blæðingar og mar í andlitsvöðvum, umfangsmikið brot í andliti, það má nánast segja að andlitið hafi verið þrykkt inn,“ sagði læknirinn í Danmörku. Þá voru einnig umtalsverðir áverkar á yfirborði hálsins og í djúpvefjum, meðal annars brot á brjóskhluta og barka. Fyrir utan þá áverka sem sáust á yfirborðinu mátti finna blæðingar á yfirborði heilans. Á hægri hlið ennis Gylfa voru munstraðir áverkar. Tóku áverkarnir útlit sitt af yfirborði þess hlutar sem olli áverkanum. Voru þeir samsvarandi skósólanum á þeim skóm sem Magnús klæddist þetta kvöld og til að kalla þá fram þurfti beinan kraft beint á andlitið. Læknirinn sagði þá passa við það að Gylfi hafi verið liggjandi í grasinu á bakinu og þá hafi komið kraftur ofan frá og niður. Var sú lýsing í samræmi við lýsingar nágranna þeirra sem urðu vitni að atvikinu en ekki í samræmi við lýsingar Magnúsar. Einnig mátti finna áverka á griplimum Gylfa sem samsvara varnaráverkum. Voru þeir á bakhlið limanna en ekki mátti finna mörg merki þar um að Gylfi hafi slegið mikið frá sér. Bentu þeir til þess að hann hafi ekki verið mjög aggresívur. Dánarorsök Gylfa voru höfuðáverkar og áverkar á hálsi sem ollu því að öndun hans var torvelduð. Voru báðir þættir samverkandi og ekki hægt að staðfesta hvort annað hvort hafi vegið þyngra. Gylfi var nokkuð ölvaður þegar hann lést en það gæti hafa haft áhrif á dómgreind hans, samhæfni og viðbrögð. Hann var ekki ofurölvi eða hjálparlaus en áfengismagnið var ekki það sem dró hann til dauða og hafði ekki áhrif á dánarorsökina. Hinn læknirinn sagði mest það sama og sú sem býr í Danmörku. Hann sagði þurfa mikinn kraft til að framkalla þá áverka sem fundust á Gylfa. „Ef skalinn er sá kraftur sem felst í þeim stimpingum sem eru á manna milli er þetta klárlega a efsta stigi og með því ofsamesta sem sést í árásum þar sem ekki eru notuð áhöld,“ sagði læknirinn. Sagði hann Gylfa einnig hafa haft útbreidda áverka á yfirborðinu, marbletti á hálsinum og mjúkvöðvablæðingar. Skjaldbrjósk og tungubein hafi verið brotin og djúpar blæðingar voru á aftanverðum vöðvum hálsins. Efst á hryggnum var mikið mar sem lá djúpt ofan í efsta hluta brjóstbaksins. Þá voru ýmsir minniháttar marblettir og smásár á útlimum.
Manndráp í Barðavogi Reykjavík Dómsmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Verkefnið skapi níutíu störf og meðallaunin verði um 1,4 milljón á mánuði Innlent Grunaður um að hafa ráðið konu sinni bana Innlent Svona var Pallborðið með Höllu, Katrínu og Steinunni Ólínu Innlent Sjálfstæðisflokkurinn kvelji barnafólk með vettlingagjörningi Innlent Fluttur á sjúkrahús eftir að ekið var á Útlendingastofnun Innlent Leiðin í vinnuna smám saman þrefaldast: „Þetta er eins og í einhverri bíómynd“ Innlent „Það er ástæða fyrir því að farið er í að rannsaka þetta andlát“ Innlent Biðst afsökunar á að hafa kallað skemmdarvarginn „fífl“ Innlent Halla Hrund fjórfaldar fylgi sitt á milli kannanna Innlent Segja valdarán framið og kirkju aðventista klofna Innlent Fleiri fréttir Fannst hennar tími vera kominn Sakar ríkisstjórnina um að ætla að afhenda fiskeldinu firðina til eilífðar Miðflokkurinn staðfestir sig sem þriðji stærsti flokkurinn Leiðin í vinnuna smám saman þrefaldast: „Þetta er eins og í einhverri bíómynd“ Ákærð fyrir að hafa orðið syni sínum að bana Stórfjölgun ofbeldisbrota, firðir í hættu og hönnunarstuldur „Við næðum eflaust meiri árangri ef borgarstjóri myndi væla minna“ Össur segir Jóni Gnarr að „hætta að væla“ Staðfesta gæsluvarðhald tveggja sakborninga Óbreytt frumvarp þýði útrýmingu villta laxins Fluttur á sjúkrahús eftir að ekið var á Útlendingastofnun Húsfélagið má ekki klippa á tengil rafvirkjameistara Sjálfstæðisflokkurinn kvelji barnafólk með vettlingagjörningi Enn kröftugt gos úr einum gíg Börn sofi ekki úti í gosmóðunni suðvestanlands Velkomin í Verbúðina II Halla Hrund fjórfaldar fylgi sitt á milli kannanna Ákærðir fyrir þaulskipulagða skotárás gegn feðginum á aðfangadag Sextán hundruð vettlingar fyrir börnin sem bíða Verkefnið skapi níutíu störf og meðallaunin verði um 1,4 milljón á mánuði Aðstoðarrektor í Bandaríkjunum verður rektor Háskólans á Akureyri Bjarni vill taka daginn snemma Svona var Pallborðið með Höllu, Katrínu og Steinunni Ólínu Freista þess að halda veitingamanninum bak við lás og slá Furðar sig á ávirðingum vegna kaupa á vínarbrauði Tvö manndráp á skömmum tíma „Það er ástæða fyrir því að farið er í að rannsaka þetta andlát“ Vill geta vísað flóttafólki úr landi innan tveggja sólarhringa Réðst á barn sem gerði dyraat Grunaður um að hafa ráðið konu sinni bana Sjá meira