„Maður er ekki í pólitík fyrir sjálfa sig heldur fyrir aðra“ Máni Snær Þorláksson skrifar 29. mars 2023 09:01 Formaður Samfylkingarinnar segir mikilvægt að hlusta á fólkið í landinu. Vísir/Vilhelm Formaður Samfylkingarinnar hefur síðustu daga fundað með fólki á Suðurnesjunum og rætt um heilbrigðismál. Um er að ræða fyrstu fundina í fundaröð fer út um allt land. Formaðurinn segir að mikilvægt sé að heyra hvað fólkinu í landinu finnst um stærstu málaflokkana í pólitíkinni. „Við vorum með fund í Grindavík í hádeginu í dag. Við erum í rauninni búin með Suðurnesin í bili. Við ákváðum að byrja í umfjöllun um heilbrigðismál þar af góðri ástæðu. Þetta er málaflokkur sem hefur verið alveg í brennidepli þar, eins og víða, en umræðan á Suðurnesjunum hefur verið á öðru stigi,“ segir Kristrún Frostadóttir, formaður Samfylkingarinnar, í samtali við blaðamann. Kristrún segir að um sé að ræða part af stigvaxandi áherslum flokksins í því hvernig hann nálgast málin. Hún hefur tröllatrú á því fyrirkomulagi að fara út og funda með fólki í stað þess að vera eingöngu í samráði við stofnanir og sérfræðinga. „Það er stýrihópur sem er í þessari vinnu hjá okkur, fólk úr grasrótinni með fagþekkingu í heilbrigðismálum. Þau eru auðvitað líka að tala við lækna, hjúkrunarfræðinga og stofnanir en þetta er mikilvægur partur af vinnunni, heyra í almenningi og hvað er fremst í þeirra huga í þessum málum.“ Kristrún er þessa stundina í fæðingarorlofi en hún eignaðist aðra dóttur sína í síðasta mánuði. Hún ákvað að mæta þó á umrædda fundi til að fylgja verkefninu úr hlaði. „Auðvitað er þetta hörkuvinna en hún kemur bara með á fundi og er bara búin að standa sig mjög vel,“ segir hún. Skýrt þema á Suðurnesjum Það sem er áhugaverðast við fundi sem þessa að mati Kristrúnar er að fólk á það til að taka í svipaða strengi þegar kemur að stórum málaflokkum. „Þú ferð af stað með stóra málaflokka og heldur að það sé erfitt að finna rauðan þráð. En það er fljótt að teiknast upp ákveðið þema,“ segir hún og bendir á sameiginlega skoðun margra sem sóttu fundina á Suðurnesjunum. „Það kom til dæmis mjög skýrt í ljós að það voru allir ósáttir eða fannst óþægilegt, þetta ákveðna óöryggi sem fylgir því að vera ekki með neinn fastan tengilið í heilbrigðiskerfinu. Það eru ekki fastir læknar eða heimilislæknar á svæðinu og fólk er alltaf að hitta nýjan einstakling þegar eitthvað kemur upp á. Það upplifir svolítið eins og það sé landlaust í heilbrigðiskerfinu því það er ekki með fastan punkt, einhvern aðila sem þekkir þeirra sjúkrasögu og til þeirra.“ Kristrún á fundinum í Reykjanesbæ.Aðsend Kristrún segir að þetta sé eitthvað sem er ekki að koma upp í fyrsta skipti: „Þetta er það sem maður hefur heyrt víða á landsbyggðinni, það er líka kvartað yfir stöðunni hérna á höfuðborgarsvæðinu, en þetta er mjög algengt fyrir utan höfuðborgarsvæðið – að það séu ekki fastir læknar á þessum stöðum.“ Á þessum svæðum sé mjög fært fólk sem sinnir vinnunni mjög vel, fólk sé í rauninni ekki að kvarta yfir því. Kristrún að fólk vilji hins vegar fá öryggistilfinninguna sem felst í því að vita að hverju það kemur þegar það sækir þjónustu í heilbrigðiskerfið. Í pólitík fyrir aðra Kristrún vekur athygli á því að mikilvægt sé að tala við allt fólk, ekki bara þau sem eru flokksbundin. „Við fórum af stað með mjög skýrt plan síðasta haust, að við ætlum að opna flokkinn,“ segir hún. „Mér finnst skipta ótrúlega miklu máli að við förum inn í næstu kosningar með raunsæjar tillögur, að fólk viti raunverulega hvar við stöndum í svona stórum málaflokkum eins og heilbrigðismálunum. Þá vil ég bara fara þarna út, ræða við fólk um hvað það er sem við getum sameinast um.“ Kristrún heimsótti einnig Hrafnistu á Nesvöllum í Reykjanesbæ og spjallaði meðal annars við Arnbjörn Hans Ólafsson, gamlan krata úr Keflavík. Aðsend Ákveðið var að ræða um heilbrigðismálin á þessum fundum. Næst verða svo atvinnu- og samgöngumálin tekin fyrir. „Maður er ekki í pólitík fyrir sjálfa sig heldur fyrir aðra. Ég hef upplifað það sjálf að þú færð einhverja hugdettu eða eitthvað á heilann, eitthvað mál eða hvað sem er. Þú ert að ræða það í þröngum hópi en svo ferðu út og áttar þig á því að það eru miklu færri en þú heldur að hugsa um það. Eða þá að þetta er kannski eitthvað sem skiptir fólk máli en ef það myndi þurfa að forgangsraða þá væri þetta ekki það fyrsta sem það vildi að yrði gert.“ Aldrei að afskrifa neinn í pólitík Samfylkingin hefur sótt í sig veðrið í skoðanakönnunum að undanförnu. Í könnun Maskínu í síðustu viku mældist flokkurinn með alls 24,4 prósent. Flokkurinn hefur þó í gegnum tíðina ekki verið sterkastur á landsbyggðinni. Kristrún segir að það sé mikilvægt að hugsa líka um þá staði sem ekki hafa mælst vel. „Vegna þess að maður á aldrei að afskrifa neinn í pólitík. Það hefur stundum gerst að ákveðin svæði eru afskrifuð en það er raunverulega þannig, og ég upplifði það mjög sterkt þegar ég fór í svona ferðir í fyrra, að það eru svæði í landinu sem upplifa sig eins og enginn sé að velta þeim fyrir sér. Þetta snýst líka um virðingu við fólk, að mæta og hlusta á þeirra sjónarmið. Ég fór á fundi þar sem meirihluti fólksins sem mætti var ekki í Samfylkingunni en þeirra sjónarmið skipta máli. Því þú ert aldrei að fara að vera einn í ríkisstjórn.“ Samfylkingin Heilbrigðismál Grindavík Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Hundruð lögreglumanna í viðbragðsstöðu vegna mótmæla í UCLA Erlent Icelandair flýgur til Færeyja að nýju Innlent Stutt í næsta gos komi til gosloka Innlent Eldur í ruslageymslu í Hafnarfirði Innlent Viðbrögð Hamas við vopnahléstillögunum „neikvæð“ Erlent „Það er hart sótt að okkar fólki“ Innlent Betra að fá óþægilegu málin fram fyrr en seinna Innlent Forsetavaktin 2024: Hver verður sjöundi forseti lýðveldisins? Innlent Úrskurðurinn felldur úr gildi Innlent Seinni umferð biskupskjörs hefst á hádegi í dag Innlent Fleiri fréttir Betra að fá óþægilegu málin fram fyrr en seinna Eldur í ruslageymslu í Hafnarfirði Seinni umferð biskupskjörs hefst á hádegi í dag Icelandair flýgur til Færeyja að nýju Stutt í næsta gos komi til gosloka „Það er hart sótt að okkar fólki“ Nemendur Flóaskóla slá í gegn með Langspilin sín Háskólanemar halda lautarferð og stofna hreyfingu fyrir Palestínu Jarðhræringar á Reykjanesi, flug til Færeyja og verkalýðsdagurinn Úrskurðurinn felldur úr gildi Vill hinn almenna launamann á þing Sinueldur í Munaðarneslandi Íslensk stjórnvöld haldin „sjúkri undirgefni“ Barn á Akureyri greindist með kíghósta Íslensk fjara á lista yfir bestu strendur heims Beint: Hátíðarhöld á verkalýðsdaginn 2024 Sniglar hægja á umferð Yrði gagnkynhneigður maður spurður sömu spurningar? Verkalýðsbaráttan aldrei verið jafn mikilvæg Einkamálefni forsetaframbjóðanda, verkalýðsdagurinn og háskólamótmæli „Hinsegin fólk þekkir vel að vera smættað niður í einkalíf sitt“ Hátíðardagskrá víða um land á verkalýðsdaginn Litaðir seðlar til skoðunar og málið á mjög viðkvæmu stigi Sagðist ætla að nota tíu milljón króna kókaín allt sjálfur Arnór Sighvatsson settur varaseðlabankastjóri fjármálastöðugleika Sér eftir Landsdómsmálinu: „Ég myndi aldrei gera þetta svona aftur“ Íslenskar stjörnur fái peninga að gjöf til að leggja undir í veðmálum Hjólastólinn í „tengdamömmuboxi“ á toppi bílsins Gæti dregið til tíðinda á næstu klukkustundum Fallið frá ráðningarferli og Hermann fylgir Sigurði Inga Sjá meira
„Við vorum með fund í Grindavík í hádeginu í dag. Við erum í rauninni búin með Suðurnesin í bili. Við ákváðum að byrja í umfjöllun um heilbrigðismál þar af góðri ástæðu. Þetta er málaflokkur sem hefur verið alveg í brennidepli þar, eins og víða, en umræðan á Suðurnesjunum hefur verið á öðru stigi,“ segir Kristrún Frostadóttir, formaður Samfylkingarinnar, í samtali við blaðamann. Kristrún segir að um sé að ræða part af stigvaxandi áherslum flokksins í því hvernig hann nálgast málin. Hún hefur tröllatrú á því fyrirkomulagi að fara út og funda með fólki í stað þess að vera eingöngu í samráði við stofnanir og sérfræðinga. „Það er stýrihópur sem er í þessari vinnu hjá okkur, fólk úr grasrótinni með fagþekkingu í heilbrigðismálum. Þau eru auðvitað líka að tala við lækna, hjúkrunarfræðinga og stofnanir en þetta er mikilvægur partur af vinnunni, heyra í almenningi og hvað er fremst í þeirra huga í þessum málum.“ Kristrún er þessa stundina í fæðingarorlofi en hún eignaðist aðra dóttur sína í síðasta mánuði. Hún ákvað að mæta þó á umrædda fundi til að fylgja verkefninu úr hlaði. „Auðvitað er þetta hörkuvinna en hún kemur bara með á fundi og er bara búin að standa sig mjög vel,“ segir hún. Skýrt þema á Suðurnesjum Það sem er áhugaverðast við fundi sem þessa að mati Kristrúnar er að fólk á það til að taka í svipaða strengi þegar kemur að stórum málaflokkum. „Þú ferð af stað með stóra málaflokka og heldur að það sé erfitt að finna rauðan þráð. En það er fljótt að teiknast upp ákveðið þema,“ segir hún og bendir á sameiginlega skoðun margra sem sóttu fundina á Suðurnesjunum. „Það kom til dæmis mjög skýrt í ljós að það voru allir ósáttir eða fannst óþægilegt, þetta ákveðna óöryggi sem fylgir því að vera ekki með neinn fastan tengilið í heilbrigðiskerfinu. Það eru ekki fastir læknar eða heimilislæknar á svæðinu og fólk er alltaf að hitta nýjan einstakling þegar eitthvað kemur upp á. Það upplifir svolítið eins og það sé landlaust í heilbrigðiskerfinu því það er ekki með fastan punkt, einhvern aðila sem þekkir þeirra sjúkrasögu og til þeirra.“ Kristrún á fundinum í Reykjanesbæ.Aðsend Kristrún segir að þetta sé eitthvað sem er ekki að koma upp í fyrsta skipti: „Þetta er það sem maður hefur heyrt víða á landsbyggðinni, það er líka kvartað yfir stöðunni hérna á höfuðborgarsvæðinu, en þetta er mjög algengt fyrir utan höfuðborgarsvæðið – að það séu ekki fastir læknar á þessum stöðum.“ Á þessum svæðum sé mjög fært fólk sem sinnir vinnunni mjög vel, fólk sé í rauninni ekki að kvarta yfir því. Kristrún að fólk vilji hins vegar fá öryggistilfinninguna sem felst í því að vita að hverju það kemur þegar það sækir þjónustu í heilbrigðiskerfið. Í pólitík fyrir aðra Kristrún vekur athygli á því að mikilvægt sé að tala við allt fólk, ekki bara þau sem eru flokksbundin. „Við fórum af stað með mjög skýrt plan síðasta haust, að við ætlum að opna flokkinn,“ segir hún. „Mér finnst skipta ótrúlega miklu máli að við förum inn í næstu kosningar með raunsæjar tillögur, að fólk viti raunverulega hvar við stöndum í svona stórum málaflokkum eins og heilbrigðismálunum. Þá vil ég bara fara þarna út, ræða við fólk um hvað það er sem við getum sameinast um.“ Kristrún heimsótti einnig Hrafnistu á Nesvöllum í Reykjanesbæ og spjallaði meðal annars við Arnbjörn Hans Ólafsson, gamlan krata úr Keflavík. Aðsend Ákveðið var að ræða um heilbrigðismálin á þessum fundum. Næst verða svo atvinnu- og samgöngumálin tekin fyrir. „Maður er ekki í pólitík fyrir sjálfa sig heldur fyrir aðra. Ég hef upplifað það sjálf að þú færð einhverja hugdettu eða eitthvað á heilann, eitthvað mál eða hvað sem er. Þú ert að ræða það í þröngum hópi en svo ferðu út og áttar þig á því að það eru miklu færri en þú heldur að hugsa um það. Eða þá að þetta er kannski eitthvað sem skiptir fólk máli en ef það myndi þurfa að forgangsraða þá væri þetta ekki það fyrsta sem það vildi að yrði gert.“ Aldrei að afskrifa neinn í pólitík Samfylkingin hefur sótt í sig veðrið í skoðanakönnunum að undanförnu. Í könnun Maskínu í síðustu viku mældist flokkurinn með alls 24,4 prósent. Flokkurinn hefur þó í gegnum tíðina ekki verið sterkastur á landsbyggðinni. Kristrún segir að það sé mikilvægt að hugsa líka um þá staði sem ekki hafa mælst vel. „Vegna þess að maður á aldrei að afskrifa neinn í pólitík. Það hefur stundum gerst að ákveðin svæði eru afskrifuð en það er raunverulega þannig, og ég upplifði það mjög sterkt þegar ég fór í svona ferðir í fyrra, að það eru svæði í landinu sem upplifa sig eins og enginn sé að velta þeim fyrir sér. Þetta snýst líka um virðingu við fólk, að mæta og hlusta á þeirra sjónarmið. Ég fór á fundi þar sem meirihluti fólksins sem mætti var ekki í Samfylkingunni en þeirra sjónarmið skipta máli. Því þú ert aldrei að fara að vera einn í ríkisstjórn.“
Samfylkingin Heilbrigðismál Grindavík Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Hundruð lögreglumanna í viðbragðsstöðu vegna mótmæla í UCLA Erlent Icelandair flýgur til Færeyja að nýju Innlent Stutt í næsta gos komi til gosloka Innlent Eldur í ruslageymslu í Hafnarfirði Innlent Viðbrögð Hamas við vopnahléstillögunum „neikvæð“ Erlent „Það er hart sótt að okkar fólki“ Innlent Betra að fá óþægilegu málin fram fyrr en seinna Innlent Forsetavaktin 2024: Hver verður sjöundi forseti lýðveldisins? Innlent Úrskurðurinn felldur úr gildi Innlent Seinni umferð biskupskjörs hefst á hádegi í dag Innlent Fleiri fréttir Betra að fá óþægilegu málin fram fyrr en seinna Eldur í ruslageymslu í Hafnarfirði Seinni umferð biskupskjörs hefst á hádegi í dag Icelandair flýgur til Færeyja að nýju Stutt í næsta gos komi til gosloka „Það er hart sótt að okkar fólki“ Nemendur Flóaskóla slá í gegn með Langspilin sín Háskólanemar halda lautarferð og stofna hreyfingu fyrir Palestínu Jarðhræringar á Reykjanesi, flug til Færeyja og verkalýðsdagurinn Úrskurðurinn felldur úr gildi Vill hinn almenna launamann á þing Sinueldur í Munaðarneslandi Íslensk stjórnvöld haldin „sjúkri undirgefni“ Barn á Akureyri greindist með kíghósta Íslensk fjara á lista yfir bestu strendur heims Beint: Hátíðarhöld á verkalýðsdaginn 2024 Sniglar hægja á umferð Yrði gagnkynhneigður maður spurður sömu spurningar? Verkalýðsbaráttan aldrei verið jafn mikilvæg Einkamálefni forsetaframbjóðanda, verkalýðsdagurinn og háskólamótmæli „Hinsegin fólk þekkir vel að vera smættað niður í einkalíf sitt“ Hátíðardagskrá víða um land á verkalýðsdaginn Litaðir seðlar til skoðunar og málið á mjög viðkvæmu stigi Sagðist ætla að nota tíu milljón króna kókaín allt sjálfur Arnór Sighvatsson settur varaseðlabankastjóri fjármálastöðugleika Sér eftir Landsdómsmálinu: „Ég myndi aldrei gera þetta svona aftur“ Íslenskar stjörnur fái peninga að gjöf til að leggja undir í veðmálum Hjólastólinn í „tengdamömmuboxi“ á toppi bílsins Gæti dregið til tíðinda á næstu klukkustundum Fallið frá ráðningarferli og Hermann fylgir Sigurði Inga Sjá meira