Innlent

Fresta kynningu fjármálaáætlunar

Gunnar Reynir Valþórsson skrifar
Bjarni Benediktsson fjármálaráðherra segir engar skattalagabreytingar sem bitna á launafólki verða gerðar.
Bjarni Benediktsson fjármálaráðherra segir engar skattalagabreytingar sem bitna á launafólki verða gerðar. Stöð 2/Arnar

Fjármálaáætlun ríkisstjórnarinnar verður ekki kynnt í dag eins og til stóð og mun hún væntanlega líta dagsins ljós á morgun þess í stað.

Þetta kemur fram í Morgunblaðinu í dag og herma heimildir blaðsins að ástæðurnar séu tæknilegs eðlis, taka hafi þurft tillit til uppfærðrar þjóðhagsspár og eins hafi handavinna við frágang áætlunarinnar reynst tímafrekari en vonast hafði verið til.

Áætlunin hefur þegar verið samþykkt í ríkisstjórn. Katrín Jakobsdóttir forsætisráðherra útilokar ekki skattahækkanir í samtali við Fréttablaðið í morgun og boðar aðhald, sem gæti þýtt fækkun ríkisstarfsmanna og fækkun verkefna.

Heimildir Morgunblaðsins herma hinsvegar að engra stórfenglegra breytinga sé að vænta, sennilega verði um að ræða breytingar á skattlagningu ökutækja auk þess sem ekki sé útilokað að tímabundin hækkun á tekjuskatti lögaðila verði sett fram.

Efnahagsmál Ríkisstjórn Katrínar Jakobsdóttur Rekstur hins opinbera
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið