Lítur blóðmælingar Greenfit alvarlegum augum Elísabet Inga Sigurðardóttir skrifar 27. mars 2023 21:00 Steinunn Þórðardóttir er formaður Læknafélags Íslands. arnar halldórsson Formaður læknafélagsins segist lítað það alvarlegum augum að fyrirtæki sem sérhæfi sig í heilsufarsmælingum bjóði upp á blóðmælingar og segir nauðsynlegt að skýr skil séu á milli þess hvað telst heilbrigðisþjónusta og hvað ekki. Embætti landlæknis skoðar nú tilkynningar um fyrirtækið. Greenfit er fyrirtæki sem sérhæfir sig í heilsufarsmælingum en fólk sem leitar þangað getur farið í svokallaða ástandsskoðun, þar sem allsherjar mat er lagt á heilsu fólks, blóðmælingar framkvæmdar og hin ýmsu próf þreytt. Látinn læknir skrifaður fyrir rannsóknum Umræða skapaðist um starfsemi fyrirtækisins í Facebook hópi lækna á Íslandi fyrir helgi, en þar greindi læknir á heilsugæslu frá því að hafa nýlega tekið á móti blóðrannsókn frá Greenfit sem skrifuð var á ábyrgð læknis frá Palestínu en sá lést árið 2011. Í ljós kom að mistök hjá Landspítalanum urðu til þess að umræddur læknir var skrifaður fyrir tilvísuninni en í kjölfarið sköpuðust umræður í fyrrgreindum hópi um starfsemi Greenfit og ábyrgð á blóðmælingum. Þar velta læknar því upp hvort eðlilegt sé að fyrirtæki sem tæplega geti talist til heilbrigðisþjónustu, bjóði upp á blóðmælingar en það gerir Greenfit í samstarfi við rannsóknarstofuna Sameind. Mikilvægt að skýra hvað sé ekki heilbrigðisþjónusta Læknar hafa haft samband við Læknafélagið vegna málsins og hyggst félagið senda erindi á heilbrigðisyfirvöld. Landlækni hefur jafnframt borist ábendingar um málið sem er samkvæmt upplýsingum frá embættinu í skoðun. „Við lítum þetta almennt alvarlegum augum. Það sem okkur finnst flóknast við þetta er hvað nákvæmlega flokkast sem heilbrigðisþjónusta og viljum að það sé skýrt. Samkvæmt túlkun félagsins þá er það að taka blóðprufur og túlka blóðprufur klárlega heilbrigðisþjónusta sem þarf þá að fá þartilgreint leyfi frá Landlækni þar sem farið er faglega yfir grundvöll starfseminnar og slíkt starfsemi þarf þá líka að lúta eftirliti embættisins,“ segir Steinunn Þórðardóttir, formaður Læknafélags Íslands. Slíkt eigi ekki bara við um blóðprufur heldur fleiri tegundir af læknisfræðilegri greiningu á borð við myndgreiningu og notkun lækningatækja. Lukka Pálsdóttir er stofnandi Greenfit. Hún segir fyrirtækið sinna forvörnum og heilsufarsmælingum.vísir/vilhelm Stofnendur Greenfit eru annars vegar sjúkraþjálfari og hins vegar flugvirki en í skriflegu svari frá Lukku Pálsdóttur, eiganda, kemur fram að hjá fyrirtækinu starfi þverfaglegt teymi fólks með margvíslega menntun svo sem íþróttafræðingar, hjúkrunarfræðingar og læknar. Blóðmælingar séu aðkeypt þjónusta frá vottaðri rannsóknarstofu, Sameind. Segir að um heilbrigðisþjónustu sé að ræða Aðspurð hvort það sé ekki í fínu lagi að fólk greiði fyrir ástandsskoðun eins og Greenfit býður upp á segir Steinunn vissulega gott að fólk sé meðvitað um eigin heilsu. „En þegar þetta er farið út í greiningaraðferðir eins og víðtækar blóðprufur og túlkun á þeim þá finnst okkur þetta vera komið inn á svið heilbrigðisþjónustu og þá eigi fólk að fara þá leið, í gegnum Landlæknisembættið svo þetta sé allt faglega í lagi og uppi á borðum.“ Sextíu þúsund króna blóðmæling Samkvæmt heimasíðu Greenfit kostar ítarleg blóðmæling hátt í sextíu þúsund og ef eitthvað finnst að er viðkomandi bent á að leita til læknis. „Þá fer fólk bara inn í opinbera heilbrigðiskerfið sem er nú þegar mjög ofþanið þannig maður verður að velja vel hvað maður er að rannsaka og gera til að auka ekki sóun í kerfinu. Þannig það getur verið mjög erfitt fyrir opinbera kerfið að taka við gríðarlegu magni af niðurstöðum sem kannski var óþarfi að fá til að byrja með.“ Heilbrigðismál Heilsa Mest lesið Fjórir látnir eftir skotárás á Manhattan Erlent Langtímarannsóknir skorti á áhrifum kreatíns Innlent „Þetta er auðvitað stórhættulegt“ Innlent Fundaði með Guterres: Tveggja ríkja lausnin sé eina lausnin Innlent Maxwell biðlar til Hæstaréttar Erlent Ungir menn staðnir að því að skjóta gelkúlum á vegfarendur Innlent Á annan tug í valnum eftir að Rússar sprengdu fangelsi í loft upp Erlent Trump segir „alvöru hungursneyð“ ríkja á Gasa Erlent Styttist í háþróuð gervigreindarsvindl á íslensku Innlent Bílar fullir af bensínbrúsum séu úti um alla borg Innlent Fleiri fréttir Fundaði með Guterres: Tveggja ríkja lausnin sé eina lausnin Ungir menn staðnir að því að skjóta gelkúlum á vegfarendur Enn gýs úr einum megingíg og virknin nokkuð stöðug Langtímarannsóknir skorti á áhrifum kreatíns „Þetta er auðvitað stórhættulegt“ Styttist í háþróuð gervigreindarsvindl á íslensku Setja þurfi meiri þunga í hagsmunagæslu gagnvart ESB Neyðast til að endurbyggja grunnskólann vegna myglu Bílar fullir af bensínbrúsum séu úti um alla borg Áhyggjur af tollum ESB, olíuþjófur gómaður og fífldjarfir ferðamenn „Í minningu sonar - og allra þeirra sem aldrei komu heim“ MBA-nemi kvartaði og kveinaði en beið lægri hlut Hjólreiðamaður slasaður við Kerlingarfjöll Árekstur í Öxnadal Ung stúlka varð fyrir húsbíl og hljóp af vettvangi Vilja að ríkisstjórnin leggi allt kapp í að afstýra tollunum Sagði sig úr þingmannahóp: „Ég læt ekki nota mig í slíkum tilgangi“ Ekkert hægt að gera nema húseigendur kæri Segir afkomu hundraða ógnað með beinum hætti Mikil umferð á gosstöðvunum og óvissa á Grundartanga Gripinn glóðvolgur í skjóli nætur við að tappa af bílnum Sóttu veikan ferðamann í Loðmundarfjörð Óteljandi skiptin sem lögregla hefur þurft að vísa sömu mönnum út Vara fólk við því að ganga á nýrunnu hrauninu Stór jarðskjálfti í Vatnajökli Foreldrar ómeðvitaðir um fjárhagstjón barnanna í fjárhættuspilum Sjáanlega nóg komið þegar þjóðarleiðtogar taka undir Eldur í yfirgefnu húsi í Borgartúni Tvítugur Akureyringur með rafskutluleigu fyrir ferðamenn Þekktum Íslendingum lögð orð í munn með gervigreind Sjá meira
Greenfit er fyrirtæki sem sérhæfir sig í heilsufarsmælingum en fólk sem leitar þangað getur farið í svokallaða ástandsskoðun, þar sem allsherjar mat er lagt á heilsu fólks, blóðmælingar framkvæmdar og hin ýmsu próf þreytt. Látinn læknir skrifaður fyrir rannsóknum Umræða skapaðist um starfsemi fyrirtækisins í Facebook hópi lækna á Íslandi fyrir helgi, en þar greindi læknir á heilsugæslu frá því að hafa nýlega tekið á móti blóðrannsókn frá Greenfit sem skrifuð var á ábyrgð læknis frá Palestínu en sá lést árið 2011. Í ljós kom að mistök hjá Landspítalanum urðu til þess að umræddur læknir var skrifaður fyrir tilvísuninni en í kjölfarið sköpuðust umræður í fyrrgreindum hópi um starfsemi Greenfit og ábyrgð á blóðmælingum. Þar velta læknar því upp hvort eðlilegt sé að fyrirtæki sem tæplega geti talist til heilbrigðisþjónustu, bjóði upp á blóðmælingar en það gerir Greenfit í samstarfi við rannsóknarstofuna Sameind. Mikilvægt að skýra hvað sé ekki heilbrigðisþjónusta Læknar hafa haft samband við Læknafélagið vegna málsins og hyggst félagið senda erindi á heilbrigðisyfirvöld. Landlækni hefur jafnframt borist ábendingar um málið sem er samkvæmt upplýsingum frá embættinu í skoðun. „Við lítum þetta almennt alvarlegum augum. Það sem okkur finnst flóknast við þetta er hvað nákvæmlega flokkast sem heilbrigðisþjónusta og viljum að það sé skýrt. Samkvæmt túlkun félagsins þá er það að taka blóðprufur og túlka blóðprufur klárlega heilbrigðisþjónusta sem þarf þá að fá þartilgreint leyfi frá Landlækni þar sem farið er faglega yfir grundvöll starfseminnar og slíkt starfsemi þarf þá líka að lúta eftirliti embættisins,“ segir Steinunn Þórðardóttir, formaður Læknafélags Íslands. Slíkt eigi ekki bara við um blóðprufur heldur fleiri tegundir af læknisfræðilegri greiningu á borð við myndgreiningu og notkun lækningatækja. Lukka Pálsdóttir er stofnandi Greenfit. Hún segir fyrirtækið sinna forvörnum og heilsufarsmælingum.vísir/vilhelm Stofnendur Greenfit eru annars vegar sjúkraþjálfari og hins vegar flugvirki en í skriflegu svari frá Lukku Pálsdóttur, eiganda, kemur fram að hjá fyrirtækinu starfi þverfaglegt teymi fólks með margvíslega menntun svo sem íþróttafræðingar, hjúkrunarfræðingar og læknar. Blóðmælingar séu aðkeypt þjónusta frá vottaðri rannsóknarstofu, Sameind. Segir að um heilbrigðisþjónustu sé að ræða Aðspurð hvort það sé ekki í fínu lagi að fólk greiði fyrir ástandsskoðun eins og Greenfit býður upp á segir Steinunn vissulega gott að fólk sé meðvitað um eigin heilsu. „En þegar þetta er farið út í greiningaraðferðir eins og víðtækar blóðprufur og túlkun á þeim þá finnst okkur þetta vera komið inn á svið heilbrigðisþjónustu og þá eigi fólk að fara þá leið, í gegnum Landlæknisembættið svo þetta sé allt faglega í lagi og uppi á borðum.“ Sextíu þúsund króna blóðmæling Samkvæmt heimasíðu Greenfit kostar ítarleg blóðmæling hátt í sextíu þúsund og ef eitthvað finnst að er viðkomandi bent á að leita til læknis. „Þá fer fólk bara inn í opinbera heilbrigðiskerfið sem er nú þegar mjög ofþanið þannig maður verður að velja vel hvað maður er að rannsaka og gera til að auka ekki sóun í kerfinu. Þannig það getur verið mjög erfitt fyrir opinbera kerfið að taka við gríðarlegu magni af niðurstöðum sem kannski var óþarfi að fá til að byrja með.“
Heilbrigðismál Heilsa Mest lesið Fjórir látnir eftir skotárás á Manhattan Erlent Langtímarannsóknir skorti á áhrifum kreatíns Innlent „Þetta er auðvitað stórhættulegt“ Innlent Fundaði með Guterres: Tveggja ríkja lausnin sé eina lausnin Innlent Maxwell biðlar til Hæstaréttar Erlent Ungir menn staðnir að því að skjóta gelkúlum á vegfarendur Innlent Á annan tug í valnum eftir að Rússar sprengdu fangelsi í loft upp Erlent Trump segir „alvöru hungursneyð“ ríkja á Gasa Erlent Styttist í háþróuð gervigreindarsvindl á íslensku Innlent Bílar fullir af bensínbrúsum séu úti um alla borg Innlent Fleiri fréttir Fundaði með Guterres: Tveggja ríkja lausnin sé eina lausnin Ungir menn staðnir að því að skjóta gelkúlum á vegfarendur Enn gýs úr einum megingíg og virknin nokkuð stöðug Langtímarannsóknir skorti á áhrifum kreatíns „Þetta er auðvitað stórhættulegt“ Styttist í háþróuð gervigreindarsvindl á íslensku Setja þurfi meiri þunga í hagsmunagæslu gagnvart ESB Neyðast til að endurbyggja grunnskólann vegna myglu Bílar fullir af bensínbrúsum séu úti um alla borg Áhyggjur af tollum ESB, olíuþjófur gómaður og fífldjarfir ferðamenn „Í minningu sonar - og allra þeirra sem aldrei komu heim“ MBA-nemi kvartaði og kveinaði en beið lægri hlut Hjólreiðamaður slasaður við Kerlingarfjöll Árekstur í Öxnadal Ung stúlka varð fyrir húsbíl og hljóp af vettvangi Vilja að ríkisstjórnin leggi allt kapp í að afstýra tollunum Sagði sig úr þingmannahóp: „Ég læt ekki nota mig í slíkum tilgangi“ Ekkert hægt að gera nema húseigendur kæri Segir afkomu hundraða ógnað með beinum hætti Mikil umferð á gosstöðvunum og óvissa á Grundartanga Gripinn glóðvolgur í skjóli nætur við að tappa af bílnum Sóttu veikan ferðamann í Loðmundarfjörð Óteljandi skiptin sem lögregla hefur þurft að vísa sömu mönnum út Vara fólk við því að ganga á nýrunnu hrauninu Stór jarðskjálfti í Vatnajökli Foreldrar ómeðvitaðir um fjárhagstjón barnanna í fjárhættuspilum Sjáanlega nóg komið þegar þjóðarleiðtogar taka undir Eldur í yfirgefnu húsi í Borgartúni Tvítugur Akureyringur með rafskutluleigu fyrir ferðamenn Þekktum Íslendingum lögð orð í munn með gervigreind Sjá meira