Töfrandi augnablik með Múmínpabba og Hemúlnum

Þótt Múmínpabbi sé ævintýragjarn og segi oft afrekssögur úr æskunni þá er hann líka skyldurækinn fjölskyldufaðir sem reynir ætíð að gera sitt best til að hugsa vel um fjölskylduna.

Nýja matarsettið sýnir Múmínpabba við vetrarundirbúninginn á Múmínhúsinu svo fjölskyldan haldi á sér hita á meðan hún leggst í vetrardvala. Hann tryggir að kuldinn haldist úti og hitinn inni með því að negla plötur fyrir gluggana. Hann gengur líka úr skugga um að nóg sé til af eldiviði til þess að kynda.

Myndskreytingin er byggð á myndasögunni Múmínvetur eftir Tove Jansson frá árinu 1959, sett fram á fallegum stílhreinum gráum bakgrunni með daufgulum smáatriðum.

Með útgáfu nýja settsins mun framleiðslu á núverandi bláa Múmínpabba matarsettinu verða hætt en þó selt á meðan birgðir endast.

Safnaraeðlið fær Hemúlinn til þess að gleyma öllu öðru

Hemúllinn snýr loksins aftur eftir langa bið í klassísku vörulínuna í einstaklega fallegum gulum, fjólubláum og ljósgrænum litum. Myndskreytingarnar eru byggðar á skáldsögu Tove Jansson Pípuhattur galdrakarlsins frá árinu 1948.

Sagan segir frá því þegar Múmínálfarnir ferðast til eyju Hattífattanna. Um leið og báturinn er í höfn fer Hemúllinn af stað í könnunarleiðangur með stækkunarglerið sitt og söfnunarkassann meðferðis, til þess að finna sjaldgæfar plöntutegundir.

Hemúllinn er svo upptekin af plöntunum að hann tekur ekki eftir því að Hattífattarnir hafa umkringt hann og Snúður verður að koma honum til bjargar.

Á bakhlið krúsarinnar og skálarinnar má sjá Hemúlinn halda á trjágrein sem hann ætlar að nota til þess að kveikja eld svo hann geti þerrað klæðin sín. Hemúllinn varð gegndrepa í rigningunni við það að standa vörð um feng Múmínálfanna þann daginn, risastóran Mamelúka.

Fjöldi Hemúla í Múmínsögunum

Hemúlar eru ekki ein sögupersóna heldur hópur hávaxinna, langnefja vera sem tilheyra Hemúla kynþættinum. Það sem þeir virðast allir eiga sameiginlegt er ást þeirra á röð og reglu og tilhneiging til áráttuhegðunar.

Hemúllinn á matarstellinu hefur ekki alltaf verið hugfanginn af náttúrunni en upphaflega safnaði hann frímerkjum. Í skáldsögunni Pípuhattur galdrakarlsins fullkomnar hann safnið. Hann vantar ekki eitt einasta frímerki svo hann fyllist angurværð. Múmínsnáði og Snorkstelpa koma með tillögur að öðrum munum til þess að safna – allt frá skreytingum yfir í skeljar eða filmur. Síðar tilkynnir Hemúllinn að hann muni tileinka sér plöntufræði og hefja vinnu við að safna og rækta græðlinga fyrir heimsins besta plöntusafn.

„Hemúlarnir eru margir og mismunandi sem birtast í sögunum um Múmínálfana, og við höfum séð þá nokkra í myndskreytingunum á Arabia vörunum. Einn þeirra er eftirlitsmaður, annar áhugamaður um íþróttir og nú fáum við að sjá plöntuáhugamann í sama Hemúl og við sáum hafa brennandi áhuga á skordýrum áður fyrr. Líklega er þetta þekktasti Hemúllinn,” segir Mirka Paasikangas, Alþjóðakynningastjóri og almannatengill fyrir Moomin by Arabia.