„Ég ímyndaði mér alltaf að ég ætti aðra fjölskyldu“ Ása Ninna Pétursdóttir skrifar 16. mars 2023 10:35 Leikarinn og tónlistarmaðurinn Björn Stefánsson, eða Bjössi í Mínus, er gestur Einkalífsins að þessu sinni. Vísir/Vilhelm „Ég veit að þetta hljómar rosalega rangt en svona var barnsheilinn minn, því að ég upplifði svo sterkt að þetta ætti ekki að vera svona,“ segir tónlistarmaðurinn og leikarinn Björn Stefánsson. Hann segir algengt að börn sem upplifi aftengingu í æsku, eigi það til að fantasera um uppruna sinn. Ljúfi og reiði rokkarinn Björn, eða Bjössi í Mínus eins og hann er iðulega kallaður, er gestur í nýjasta þætti Einkalífsins þar sem hann tjáir sig einlægt um lífið og tilveruna. Hann skaust fyrst upp á sjónarsviðið 18 ára gamall sem reiði og óttalausi tommuleikari hljómsveitarinnar Mínus en þaðan dregur hann viðurnefni sitt sem hefur fylgt honum æ síðan. Húðirnar lamdi hann af svo miklum eldmóð og ástríðu að eftir því var tekið en árið 2006 var hann valinn fjórði besti trommari sögunnar af hinu virta tónlistartímariti Metalhammer. Það var einhver ólga í manni. Ég var rosalega reiður og Mínus var svakalegur leikvöllur fyrir þessa reiði. Þrátt fyrir harða rokkaraímynd út á við á þessum tíma var Bjössi alltaf þekktur fyrir að vera einstaklega ljúfur og glaðlyndur sem varð til þess að á yngri árum var hann oft kallaður Bjössi the Kid sem nokkurs konar vísun í barnslega einlægni hans. Vissi snemma að eitthvað var að Í dag er Bjössi þriggja barna faðir, fastráðinn sem leikari hjá Borgarleikhúsinu og fær nú útrás fyrir tilfinningar sínar og sköpunargleði einnig í leiklistinni. Frá því að hann man eftir sér segist Bjössi hafa skynjað að hlutirnir voru ekki eins og þeir áttu að vera og fljótt byrjað að upplifa mikinn kvíða. „Minningin mín er svona eins og óveður í hausnum á mér,“ en æskuárin segir hann hafa einkennst af miklum alkóhólisma á heimilinu og þeirri óreiðu og óöryggi sem þeim sjúkdómi getur fylgt. Ég upplifði mjög snemma að það eru þessi röngu skilaboð og ég fer einhvern veginn með þetta veganesti að það má stundum ljúga, ekki svara í símann og þetta allt... þessi hvíta lygi sem er oft tengd þessum alkóhólisma. Foreldrar Bjössa skilja þegar hann er þriggja ára en faðir hans var trommuleikarinn Stefán Jóhannsson eða Stebbi í Dátum eins og hann var best þekktur. Ég átti þessar pabbahelgar og þá upplifði ég mikið öryggi því að pabbi var mjög hæglátur og rólegur. Rosalega mikill húmoristi en ég finn rosalega mikið af mér í honum. Fann fljótt fyrir sátt Bjössi talar umbúðalaust og heiðarlega um erfiðleikana og áföllin í uppeldinu en á sama tíma með mikilli virðingu og hlýju í garð móður sinnar og fósturföður. Aðspurður segist hann fljótt hafa tekið þennan tíma í sátt og í dag sé samband hans við móður sína mjög gott. Sjálfur hafi hann markvisst unnið að því að öðlast skilning á aðstæðum hennar og sögu foreldra sinna sem hafi hjálpað honum mikið á sinni vegferð. Mamma var bara að gera sitt besta. Hún vann tvær vinnur og alveg harðdugleg kona en að díla við þennan alkóhólisma hjá fósturföður mínum, sem var auðvitað líka að gera sitt besta. En þetta var bara fólk sem var bara að reyna að troða marvaða. Saga beggja foreldra Bjössa er á margt merkileg og hefur hann undanfarin ár leitað mikið í það að afla sér upplýsinga um fjölskyldusögu sína og meðal annars skrásett og tekið viðtöl bæði við föðurömmu sína og móður sína. Í viðtalinu sem nálgast má í heild sinni hér að ofan talar Bjössi meðal annars um ævintýrið með Mínus, fjölskyldusöguna sem á hug hans allan, fantasíuheiminn og kynni sín af Pierce nokkrum Brosnan svo eitthvað sé nefnt. Einkalífið Leikhús Tónlist Mest lesið Sophia Bush kemur út úr skápnum Lífið Grínari selur íbúð í Vesturbænum Lífið „Restin í hárið“ reglan gildir í Flonkyball Lífið samstarf „Hann var langt á undan sinni samtíð“ Lífið Will Smith hrifinn af akureyrsku hjartaljósunum Lífið Logi Geirs og Inga Tinna eiga von á barni Lífið Ekki lengur smeykur við að deila kastljósinu með Katrínu Lífið Varð móðir sextán ára Lífið Heyrt kjaftasögurnar um eldri mennina sem stýri henni Lífið Jón Jónsson selur glæsihús á Seltjarnarnesi Lífið Fleiri fréttir Grínari selur íbúð í Vesturbænum Sophia Bush kemur út úr skápnum „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Logi Geirs og Inga Tinna eiga von á barni Varð móðir sextán ára Heyrt kjaftasögurnar um eldri mennina sem stýri henni Japaninn sló heimsmet í Hlíðarfjalli Lekker hæð listakonu til sölu „Stundum finnst mér ég getað sigrað heiminn“ Svakalegasta atvinnuumsókn sem sést hefur á FM957 Vöknuðu fyrir allar aldir til að gera aðra atlögu Björgólfur og Skúli í stuði í Feneyjum Heimafæðing Örnu Ýrar: „Ekki eins hræðilegt og margir halda“ Suzuki mun flytja inn í höll Björgólfs Stefnir Megan Thee Stallion fyrir meint áreiti á vinnustað Flugfreyjuhattar Icelandair frá tískurisanum Balenciaga fá nýtt líf Ekki lengur smeykur við að deila kastljósinu með Katrínu Jón Jónsson selur glæsihús á Seltjarnarnesi Kynferðislegt ofbeldi: Kynlíf eftir áföll Karlakórinn Esja tók frægasta slagara Backstreet Boys Flott flutti ódauðlega slagara með Sálinni og Ásgeiri Trausta Myndaveisla: Pattra og Gugusar hressastar í drykkjarpartýi Steggjun endaði á árshátíð RÚV Allt klárt fyrir tilraun við heimsmet í Hlíðarfjalli Hvað ber að hafa í huga þegar hvolpur kemur á heimilið Lagið Yfirgefinn varð til þegar Valdimar öskraði á hljómsveitarmeðlimi Félag Rikka Daða selur einbýli sem áður var í eigu Rikka Daða Öskur á tónleikum Laufeyjar öfugt ofan í aðdáendur Sjá meira
Ljúfi og reiði rokkarinn Björn, eða Bjössi í Mínus eins og hann er iðulega kallaður, er gestur í nýjasta þætti Einkalífsins þar sem hann tjáir sig einlægt um lífið og tilveruna. Hann skaust fyrst upp á sjónarsviðið 18 ára gamall sem reiði og óttalausi tommuleikari hljómsveitarinnar Mínus en þaðan dregur hann viðurnefni sitt sem hefur fylgt honum æ síðan. Húðirnar lamdi hann af svo miklum eldmóð og ástríðu að eftir því var tekið en árið 2006 var hann valinn fjórði besti trommari sögunnar af hinu virta tónlistartímariti Metalhammer. Það var einhver ólga í manni. Ég var rosalega reiður og Mínus var svakalegur leikvöllur fyrir þessa reiði. Þrátt fyrir harða rokkaraímynd út á við á þessum tíma var Bjössi alltaf þekktur fyrir að vera einstaklega ljúfur og glaðlyndur sem varð til þess að á yngri árum var hann oft kallaður Bjössi the Kid sem nokkurs konar vísun í barnslega einlægni hans. Vissi snemma að eitthvað var að Í dag er Bjössi þriggja barna faðir, fastráðinn sem leikari hjá Borgarleikhúsinu og fær nú útrás fyrir tilfinningar sínar og sköpunargleði einnig í leiklistinni. Frá því að hann man eftir sér segist Bjössi hafa skynjað að hlutirnir voru ekki eins og þeir áttu að vera og fljótt byrjað að upplifa mikinn kvíða. „Minningin mín er svona eins og óveður í hausnum á mér,“ en æskuárin segir hann hafa einkennst af miklum alkóhólisma á heimilinu og þeirri óreiðu og óöryggi sem þeim sjúkdómi getur fylgt. Ég upplifði mjög snemma að það eru þessi röngu skilaboð og ég fer einhvern veginn með þetta veganesti að það má stundum ljúga, ekki svara í símann og þetta allt... þessi hvíta lygi sem er oft tengd þessum alkóhólisma. Foreldrar Bjössa skilja þegar hann er þriggja ára en faðir hans var trommuleikarinn Stefán Jóhannsson eða Stebbi í Dátum eins og hann var best þekktur. Ég átti þessar pabbahelgar og þá upplifði ég mikið öryggi því að pabbi var mjög hæglátur og rólegur. Rosalega mikill húmoristi en ég finn rosalega mikið af mér í honum. Fann fljótt fyrir sátt Bjössi talar umbúðalaust og heiðarlega um erfiðleikana og áföllin í uppeldinu en á sama tíma með mikilli virðingu og hlýju í garð móður sinnar og fósturföður. Aðspurður segist hann fljótt hafa tekið þennan tíma í sátt og í dag sé samband hans við móður sína mjög gott. Sjálfur hafi hann markvisst unnið að því að öðlast skilning á aðstæðum hennar og sögu foreldra sinna sem hafi hjálpað honum mikið á sinni vegferð. Mamma var bara að gera sitt besta. Hún vann tvær vinnur og alveg harðdugleg kona en að díla við þennan alkóhólisma hjá fósturföður mínum, sem var auðvitað líka að gera sitt besta. En þetta var bara fólk sem var bara að reyna að troða marvaða. Saga beggja foreldra Bjössa er á margt merkileg og hefur hann undanfarin ár leitað mikið í það að afla sér upplýsinga um fjölskyldusögu sína og meðal annars skrásett og tekið viðtöl bæði við föðurömmu sína og móður sína. Í viðtalinu sem nálgast má í heild sinni hér að ofan talar Bjössi meðal annars um ævintýrið með Mínus, fjölskyldusöguna sem á hug hans allan, fantasíuheiminn og kynni sín af Pierce nokkrum Brosnan svo eitthvað sé nefnt.
Einkalífið Leikhús Tónlist Mest lesið Sophia Bush kemur út úr skápnum Lífið Grínari selur íbúð í Vesturbænum Lífið „Restin í hárið“ reglan gildir í Flonkyball Lífið samstarf „Hann var langt á undan sinni samtíð“ Lífið Will Smith hrifinn af akureyrsku hjartaljósunum Lífið Logi Geirs og Inga Tinna eiga von á barni Lífið Ekki lengur smeykur við að deila kastljósinu með Katrínu Lífið Varð móðir sextán ára Lífið Heyrt kjaftasögurnar um eldri mennina sem stýri henni Lífið Jón Jónsson selur glæsihús á Seltjarnarnesi Lífið Fleiri fréttir Grínari selur íbúð í Vesturbænum Sophia Bush kemur út úr skápnum „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Logi Geirs og Inga Tinna eiga von á barni Varð móðir sextán ára Heyrt kjaftasögurnar um eldri mennina sem stýri henni Japaninn sló heimsmet í Hlíðarfjalli Lekker hæð listakonu til sölu „Stundum finnst mér ég getað sigrað heiminn“ Svakalegasta atvinnuumsókn sem sést hefur á FM957 Vöknuðu fyrir allar aldir til að gera aðra atlögu Björgólfur og Skúli í stuði í Feneyjum Heimafæðing Örnu Ýrar: „Ekki eins hræðilegt og margir halda“ Suzuki mun flytja inn í höll Björgólfs Stefnir Megan Thee Stallion fyrir meint áreiti á vinnustað Flugfreyjuhattar Icelandair frá tískurisanum Balenciaga fá nýtt líf Ekki lengur smeykur við að deila kastljósinu með Katrínu Jón Jónsson selur glæsihús á Seltjarnarnesi Kynferðislegt ofbeldi: Kynlíf eftir áföll Karlakórinn Esja tók frægasta slagara Backstreet Boys Flott flutti ódauðlega slagara með Sálinni og Ásgeiri Trausta Myndaveisla: Pattra og Gugusar hressastar í drykkjarpartýi Steggjun endaði á árshátíð RÚV Allt klárt fyrir tilraun við heimsmet í Hlíðarfjalli Hvað ber að hafa í huga þegar hvolpur kemur á heimilið Lagið Yfirgefinn varð til þegar Valdimar öskraði á hljómsveitarmeðlimi Félag Rikka Daða selur einbýli sem áður var í eigu Rikka Daða Öskur á tónleikum Laufeyjar öfugt ofan í aðdáendur Sjá meira