Handbolti

Snýr aftur í heimahagana eftir ársdvöl norðan heiða

Arnar Geir Halldórsson skrifar
Kominn heim.
Kominn heim. Facebook/ÍBV handbolti

Handknattleiksmaðurinn Gauti Gunnarsson mun snúa aftur til uppeldisfélagsins, ÍBV, eftir eins árs veru á Akureyri.

Tilkynnt var um þetta á samfélagsmiðlum ÍBV í kvöld en hægri hornamaðurinn Gauti hefur skrifað undir tveggja ára samning við Eyjamenn.

Gauti hefur verið lykilmaður í sóknarleik KA í vetur; er þriðji markahæsti leikmaður liðsins með 76 mörk í átján leikjum en KA-menn eru í tíunda sæti deildarinnar, þremur stigum frá fallsæti þegar fjórum umferðum er ólokið.

ÍBV hins vegar í sjöunda sæti Olís-deildarinnar um þessar mundir, fjórum stigum á eftir FH sem er í 2.sæti deildarinnar.




Fleiri fréttir

Sjá meira


×