Erlent

G20 ríkin funda á Indlandi

Gunnar Reynir Valþórsson skrifar
Utanríkisráðherra Bandaríkjanna Antony Blinken, efst fyrir miðju, gengur framhjá rússneska kollega sínum Sergey Lavrov á G20 fundinum í morgun.
Utanríkisráðherra Bandaríkjanna Antony Blinken, efst fyrir miðju, gengur framhjá rússneska kollega sínum Sergey Lavrov á G20 fundinum í morgun. Olivier Douliery/AP

Utanríkisráðherrar G20 ríkjanna koma saman í Nýju Delí á Indlandi í dag.

Búist er við að stríðið í Úkraínu verði eitt helsta álitamálið en einnig aukin áhersla Kínverja á að láta til sín taka á alþjóðavettvangi. Gestgjafarnir vilja hinsvegar leggja áherslu á að hópurinn komist að samkomulagi hvað varðar fátækustu lönd heims þótt ekki verði hægt að leysa deilurnar vegna Úkraínustríðsins.

Narenda Modi forsætisráðherra Indlands hvatti ráðherrana í opnunarávarpi sínu til þess að láta stóru deilumálin ekki eyðileggja möguleikann á því að komast að samkomulagi um aðgerðir til handa fátækustu ríkjum heims, lausnir á loftslagsvandanum og orkuöryggi.

Utanríkisráðherrar Bandaríkjanna og Rússlands eru báðir mættir á fundinn en þeir hafa ekki hist frá því í júlí. Ekki er þó búist við að þeir Antony Blinken og Sergei Lavrov ræðist við í einrúmi.

Indland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið