Innlent

Byggingin átti að kosta um fjóra milljarða

Bjarki Sigurðsson skrifar
Daníel Jakobsson er framkvæmdastjóri viðskiptaþróunar Arctic Fish.
Daníel Jakobsson er framkvæmdastjóri viðskiptaþróunar Arctic Fish. Vísir

Gert var ráð fyrir því í kostnaðaráætlun Arctic Fish að byggingin sem brann á Tálknafirði í morgun ætti að kosta um fjóra milljarða króna. Framkvæmdastjóri viðskiptaþróunar fiskeldisfyrirtækisins segir að nákvæmar tölur um tjón liggi ekki fyrir. 

Eldur kviknaði í húsnæði í eigu fiskeldisfyrirtækisins Arctic Fish í morgun. Húsið var í uppbyggingu og að sögn Daníels Jakobssonar, framkvæmdastjóra viðskiptaþróunar Arctic Fish, átti að taka það í notkun í næstkomandi júní. 

„Það er alelda húsið en slökkviliðið er búið að ná stjórn á aðstæðum. Það voru tveir sem sóttu sjúkrahús með minniháttar brunasár. Sem betur fer fór allt vel með fólk og fisk,“ segir Daníel í samtali við fréttastofu. 

Kostnaðaráætlun gerir ráð fyrir því að bygging hússins kosti um fjóra milljarða króna. Þó er ekki vitað hversu miklar skemmdir urðu á húsnæðinu en ljóst er að þetta er mikið tjón. Sem betur fer barst eldurinn ekki í nærliggjandi byggingar sem einnig eru í eigu Arctic Fish.

„Eins og þetta lýtur út núna virðast þeir hafa náð stjórn á því. það er bil á milli húsa þarna og það virðist sem að brunavarnir hafi haldið og hinar byggingarnar séu óhuldar,“ segir Daníel. 

Frá vettvangi upp úr hádegi.Aðsend
Frá svæðinu í morgun.Aðsend
Slökkvilið Tálknafjörður Fiskeldi Bruni hjá Arctic Fish í Tálknafirði
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið