„Landsliðsþjálfari Íslands í handbolta á að vera í fullu starfi“ Smári Jökull Jónsson skrifar 22. febrúar 2023 21:00 Gaupi vill að næsti landsliðsþjálfari Íslands verði ráðinn í fullt starf. Vísir/Arnar Guðmundur Guðmundsson hætti sem landsliðsþjálfari Íslands í handknattleik í gær. Guðjón Guðmundsson var í viðtali í Reykjavík síðdegis í dag þar sem hann fór yfir stöðuna sem upp er komin. Það kom mörgum í opna skjöldu í gær þegar tilkynnt var að Guðmundur Guðmundsson væri hættur sem landsliðsþjálfari karlalandsliðsins í handknattleik. Síðustu leikir landsliðsins undir stjórn Guðmundar voru á heimsmeistaramótinu í janúar þar sem liðið stóð ekki undir væntingum og endaði í 12. sæti. „Þetta er bara sameiginleg niðurstaða okkar. Við áttum spjall saman og eftir að hafa farið yfir þetta þá var þetta bara sameiginleg niðurstaða okkar,“ sagði Guðmundur B. Ólafsson, formaður handknattleikssambands Íslands, um þá ákvörðun að Guðmundur myndi ekki halda áfram þjálfun landsliðsins. Íþróttafréttamaðurinn Guðjón Guðmundsson, eða Gaupi eins og hann er oftast kallaður, var í viðtali í Reykjavík síðdegis á Bylgjunni í dag þar sem hann fór yfir stöðuna sem upp er komin. Guðjón vill að landsliðþjálfari Íslands verði ráðinn í fullt starf. „Þetta kom mér á óvart, tímasetningin fannst mér undarleg líka því það er stutt í næstu leiki. Það eru tveir leikir gegn Tékkum í undankeppni Evrópumótsins þann 8. og 12.mars og síðan tveir leikir í apríl gegn Ísrael og Eistlandi. Það kom mér sannarlega á óvart að hans afsögn hafi verið tilkynnt í gær og tímasetningin undarleg að því leytinu til að það eru aðeins tvær vikur í næsta leik,“ sagði Guðjón um brotthvarf Guðmundar. Guðjón segir erfitt að rýna í ástæðurnar fyrir því að Guðmundur sé nú hættur. „Menn urðu fyrir miklum vonbrigðum með árangurinn á síðasta heimsmeistaramóti þar sem átján mínútna kafli gegn Ungverjalandi gerir útaf við okkur. Mér finnst full mikið í lagt að skella skuldinni á þjálfarann alfarið, þar bera leikmenn líka ábyrgð sem klikkuðu á dauðafærum á ögurstundu og við getum endalaust haldið svona áfram.“ „Hann auðvitað bar ábyrgð á liðinu og það voru gríðarlega miklar væntingar um góðan árangur á þessu móti. Ég held að árangurinn hafi gert það að verkum að menn hafi lagt saman tvo og tvo og hugsað með sér að þetta væri líklega komið gott í bili hjá Guðmundi sem er miður því Guðmundur er einn albesti handknattleiksþjálfari heims.“ „Þrír, fjórir eða fimm menn sem eru efstir á blaði“ Guðjón segir að ekki liggi á að ráða nýjan þjálfara strax og að menn þurfi að hugsa sig vel um og vanda til verka. „Ég hef verið þeirrar skoðunar lengi að landsliðsþjálfari Íslands í handbolta á að vera maður í fullu starfi, ekki í hlutastarfi eins og Guðmundur var. Ég held að það verði að ráða mann í fullt starf, mann sem getur fylgst með hérna heima þeim mönnum sem eru að koma. Hann getur stutt við bakið á unglingalandsliðunum sem skiptir verulegu máli.“ „Ég held að á árunum 2024-2028 þá séum við að fá inn gríðarlega öfluga leikmenn sem gætu komist á heimsmælikvarða. Þá held ég að liðið muni hrökkva í gang og þar af leiðandi er mjög mikilvægt að maðurinn sem tekur við þessu sé í fullu starfi, hann geri ekkert annað en að vera landsliðsþjálfari Íslands.“ „Ekki veit ég hvað Handknattleikssambandið ætlar að gera, þeir eiga völina en þeir eiga líka kvölina.“ Guðjón var nokkuð tregur til að nefna kandídata í starfið en Snorri Steinn Guðjónsson, sonur Guðjóns, er einn þeirra sem einna helst hefur verið orðaður við starfið. „Auðvitað eru nokkrir sem koma til greina, við eigum fullt af góðum þjálfurum og ég ætla nú ekki að gerast svo djarfur að nefna einhver uppáhalds nöfn. Þetta eru kannski þrír, fjórir eða fimm menn sem eru efstir á blaði.“ Hverjir eru það? Dagur (Sigurðsson)? „Já, ég myndi nú halda Dagur.“ Snorri Steinn? „Já, líklega er hann þarna á blaði. Patrekur Jóhannesson, ég nefni hann til sögunnar. Erlingur Richardsson þjálfari ÍBV og þjálfari hollenska landsliðsins um tíma. Góður þjálfari sem hefur þjálfað erlendis, frábært eintak Erlingur. Ef ég hefni bara þessa fjóra þá held ég að þessir menn komi allir vel til greina sem landsliðþjálfarar Íslands.“ „Síðan þarf HSÍ bara að fara yfir þetta og talar væntanlega við þessa menn alla. Svo vitum við ekki hvort þessir menn vilji taka við landsliðinu,“ sagði Guðjón og bætti við að hann teldi starfið frekar vanþakklátt. „Um leið og þú ert kominn í þetta starf þá ertu búinn að opna þig fyrir þjóðinni og ert með þjóðina á bakinu. Þú ert með 300.000 landsliðsþjálfara ofan í koki alla daga þannig að það er að ýmsu að hyggja.“ Allt viðtalið við Gaupa í Reykjavík síðsdegis má heyra í spilaranum hér fyrir neðan en hann kemur einnig inn á þá staðreynd að Gunnar Magnússon og Ágúst Jóhannsson munu stýra landsliðinu í leikjunum sem framundan eru. Landslið karla í handbolta Reykjavík síðdegis Mest lesið Í beinni: Tindastóll - Stjarnan | Baráttan um Íslandsmeistaratitilinn ræðst í Síkinu Körfubolti Sveindís til félags í eigu stórstjarna Fótbolti Samfélagið á Sauðárkróki ekki í vinnuhæfu ástandi Körfubolti Guardiola hótar að hætta Enski boltinn Gunnar Nelson fann neista frá fyrri tíð: „Smá vakning fyrir mig“ Sport Játar sök vegna smygls á 60 kílóum af kannabisi Fótbolti Þeir bestu ( 10.-9. sæti): Hörkutól með hæfileika Íslenski boltinn Mikilvægasti leikur í sögu Man. Utd Fótbolti Í beinni: Tottenham - Manchester United | Úrslitaleikur Evrópudeildarinnar Fótbolti „Að vinna Evrópudeildina mun ekki leysa öll okkar vandamál“ Fótbolti Fleiri fréttir Kolstad kláraði úrslitaeinvígið Baldur mátaði sig við þá bestu og setur stefnuna á toppinn Uppgjörið: Valur - Haukar 30-28 (1-0) | Engin þynnka í Evrópumeisturunum „Að besta dómarapar Íslands sitji upp í stúku finnst mér ansi skrýtið“ „Það er kúnst að leggja þetta til hliðar og byrja að fókusa“ Samgleðst vinkonum í Val sem eru vonandi þunnar „Ótrúlegt að við höfum unnið þennan leik“ Ómar Ingi hélt upp á framlengingu á samningi með stórleik Uppgjörið: Fram - Valur 27-26 | Fram einum sigri frá Íslandsmeistaratitlinum Framarar fengu drjúgan tíma til að sóla sig um helgina Dagur bikarmeistari eftir maraþon vítakeppni Sigur hjá Kolstad í fyrsta leik úrslitanna Óðinn markahæstur í fyrsta leik úrslitaeinvígisins Löggan óskaði Hildigunni til hamingju Mögnuð stemmning þegar Valskonur tryggðu sér Evrópubikarinn Sýning hjá Viktori Gísla í stórsigri Wisla Plock „Ég ætla að leyfa stelpunum að njóta í kvöld“ Uppgjörið: Valur - Porrino 25-24 | Valskonur Evrópumeistarar fyrstar kvennaliða Táraðist vegna ólýsanlegrar gleði „Ég byrjaði bara að gráta, ég réði ekki við neitt“ Arnór stýrði sínum mönnum í undanúrslit „Orðið sem ég nota er forréttindapési“ Elvar í aðalhlutverki þegar Melsungen tók stórt skref í titilslagnum „Ég get ekki beðið“ Stærsti íþróttaviðburður sem fram hafi farið hér á landi Svona var blaðamannafundur Vals fyrir seinni úrslitaleikinn „Í lokin snýst þetta alltaf um okkur sjálfa“ Ótrúlegur Donni kom ekki í veg fyrir tap Aldís Ásta Svíþjóðarmeistari Íslendingar gerðu gæfumuninn í Íslendingaslögum Sjá meira
Það kom mörgum í opna skjöldu í gær þegar tilkynnt var að Guðmundur Guðmundsson væri hættur sem landsliðsþjálfari karlalandsliðsins í handknattleik. Síðustu leikir landsliðsins undir stjórn Guðmundar voru á heimsmeistaramótinu í janúar þar sem liðið stóð ekki undir væntingum og endaði í 12. sæti. „Þetta er bara sameiginleg niðurstaða okkar. Við áttum spjall saman og eftir að hafa farið yfir þetta þá var þetta bara sameiginleg niðurstaða okkar,“ sagði Guðmundur B. Ólafsson, formaður handknattleikssambands Íslands, um þá ákvörðun að Guðmundur myndi ekki halda áfram þjálfun landsliðsins. Íþróttafréttamaðurinn Guðjón Guðmundsson, eða Gaupi eins og hann er oftast kallaður, var í viðtali í Reykjavík síðdegis á Bylgjunni í dag þar sem hann fór yfir stöðuna sem upp er komin. Guðjón vill að landsliðþjálfari Íslands verði ráðinn í fullt starf. „Þetta kom mér á óvart, tímasetningin fannst mér undarleg líka því það er stutt í næstu leiki. Það eru tveir leikir gegn Tékkum í undankeppni Evrópumótsins þann 8. og 12.mars og síðan tveir leikir í apríl gegn Ísrael og Eistlandi. Það kom mér sannarlega á óvart að hans afsögn hafi verið tilkynnt í gær og tímasetningin undarleg að því leytinu til að það eru aðeins tvær vikur í næsta leik,“ sagði Guðjón um brotthvarf Guðmundar. Guðjón segir erfitt að rýna í ástæðurnar fyrir því að Guðmundur sé nú hættur. „Menn urðu fyrir miklum vonbrigðum með árangurinn á síðasta heimsmeistaramóti þar sem átján mínútna kafli gegn Ungverjalandi gerir útaf við okkur. Mér finnst full mikið í lagt að skella skuldinni á þjálfarann alfarið, þar bera leikmenn líka ábyrgð sem klikkuðu á dauðafærum á ögurstundu og við getum endalaust haldið svona áfram.“ „Hann auðvitað bar ábyrgð á liðinu og það voru gríðarlega miklar væntingar um góðan árangur á þessu móti. Ég held að árangurinn hafi gert það að verkum að menn hafi lagt saman tvo og tvo og hugsað með sér að þetta væri líklega komið gott í bili hjá Guðmundi sem er miður því Guðmundur er einn albesti handknattleiksþjálfari heims.“ „Þrír, fjórir eða fimm menn sem eru efstir á blaði“ Guðjón segir að ekki liggi á að ráða nýjan þjálfara strax og að menn þurfi að hugsa sig vel um og vanda til verka. „Ég hef verið þeirrar skoðunar lengi að landsliðsþjálfari Íslands í handbolta á að vera maður í fullu starfi, ekki í hlutastarfi eins og Guðmundur var. Ég held að það verði að ráða mann í fullt starf, mann sem getur fylgst með hérna heima þeim mönnum sem eru að koma. Hann getur stutt við bakið á unglingalandsliðunum sem skiptir verulegu máli.“ „Ég held að á árunum 2024-2028 þá séum við að fá inn gríðarlega öfluga leikmenn sem gætu komist á heimsmælikvarða. Þá held ég að liðið muni hrökkva í gang og þar af leiðandi er mjög mikilvægt að maðurinn sem tekur við þessu sé í fullu starfi, hann geri ekkert annað en að vera landsliðsþjálfari Íslands.“ „Ekki veit ég hvað Handknattleikssambandið ætlar að gera, þeir eiga völina en þeir eiga líka kvölina.“ Guðjón var nokkuð tregur til að nefna kandídata í starfið en Snorri Steinn Guðjónsson, sonur Guðjóns, er einn þeirra sem einna helst hefur verið orðaður við starfið. „Auðvitað eru nokkrir sem koma til greina, við eigum fullt af góðum þjálfurum og ég ætla nú ekki að gerast svo djarfur að nefna einhver uppáhalds nöfn. Þetta eru kannski þrír, fjórir eða fimm menn sem eru efstir á blaði.“ Hverjir eru það? Dagur (Sigurðsson)? „Já, ég myndi nú halda Dagur.“ Snorri Steinn? „Já, líklega er hann þarna á blaði. Patrekur Jóhannesson, ég nefni hann til sögunnar. Erlingur Richardsson þjálfari ÍBV og þjálfari hollenska landsliðsins um tíma. Góður þjálfari sem hefur þjálfað erlendis, frábært eintak Erlingur. Ef ég hefni bara þessa fjóra þá held ég að þessir menn komi allir vel til greina sem landsliðþjálfarar Íslands.“ „Síðan þarf HSÍ bara að fara yfir þetta og talar væntanlega við þessa menn alla. Svo vitum við ekki hvort þessir menn vilji taka við landsliðinu,“ sagði Guðjón og bætti við að hann teldi starfið frekar vanþakklátt. „Um leið og þú ert kominn í þetta starf þá ertu búinn að opna þig fyrir þjóðinni og ert með þjóðina á bakinu. Þú ert með 300.000 landsliðsþjálfara ofan í koki alla daga þannig að það er að ýmsu að hyggja.“ Allt viðtalið við Gaupa í Reykjavík síðsdegis má heyra í spilaranum hér fyrir neðan en hann kemur einnig inn á þá staðreynd að Gunnar Magnússon og Ágúst Jóhannsson munu stýra landsliðinu í leikjunum sem framundan eru.
Landslið karla í handbolta Reykjavík síðdegis Mest lesið Í beinni: Tindastóll - Stjarnan | Baráttan um Íslandsmeistaratitilinn ræðst í Síkinu Körfubolti Sveindís til félags í eigu stórstjarna Fótbolti Samfélagið á Sauðárkróki ekki í vinnuhæfu ástandi Körfubolti Guardiola hótar að hætta Enski boltinn Gunnar Nelson fann neista frá fyrri tíð: „Smá vakning fyrir mig“ Sport Játar sök vegna smygls á 60 kílóum af kannabisi Fótbolti Þeir bestu ( 10.-9. sæti): Hörkutól með hæfileika Íslenski boltinn Mikilvægasti leikur í sögu Man. Utd Fótbolti Í beinni: Tottenham - Manchester United | Úrslitaleikur Evrópudeildarinnar Fótbolti „Að vinna Evrópudeildina mun ekki leysa öll okkar vandamál“ Fótbolti Fleiri fréttir Kolstad kláraði úrslitaeinvígið Baldur mátaði sig við þá bestu og setur stefnuna á toppinn Uppgjörið: Valur - Haukar 30-28 (1-0) | Engin þynnka í Evrópumeisturunum „Að besta dómarapar Íslands sitji upp í stúku finnst mér ansi skrýtið“ „Það er kúnst að leggja þetta til hliðar og byrja að fókusa“ Samgleðst vinkonum í Val sem eru vonandi þunnar „Ótrúlegt að við höfum unnið þennan leik“ Ómar Ingi hélt upp á framlengingu á samningi með stórleik Uppgjörið: Fram - Valur 27-26 | Fram einum sigri frá Íslandsmeistaratitlinum Framarar fengu drjúgan tíma til að sóla sig um helgina Dagur bikarmeistari eftir maraþon vítakeppni Sigur hjá Kolstad í fyrsta leik úrslitanna Óðinn markahæstur í fyrsta leik úrslitaeinvígisins Löggan óskaði Hildigunni til hamingju Mögnuð stemmning þegar Valskonur tryggðu sér Evrópubikarinn Sýning hjá Viktori Gísla í stórsigri Wisla Plock „Ég ætla að leyfa stelpunum að njóta í kvöld“ Uppgjörið: Valur - Porrino 25-24 | Valskonur Evrópumeistarar fyrstar kvennaliða Táraðist vegna ólýsanlegrar gleði „Ég byrjaði bara að gráta, ég réði ekki við neitt“ Arnór stýrði sínum mönnum í undanúrslit „Orðið sem ég nota er forréttindapési“ Elvar í aðalhlutverki þegar Melsungen tók stórt skref í titilslagnum „Ég get ekki beðið“ Stærsti íþróttaviðburður sem fram hafi farið hér á landi Svona var blaðamannafundur Vals fyrir seinni úrslitaleikinn „Í lokin snýst þetta alltaf um okkur sjálfa“ Ótrúlegur Donni kom ekki í veg fyrir tap Aldís Ásta Svíþjóðarmeistari Íslendingar gerðu gæfumuninn í Íslendingaslögum Sjá meira