Sátti sameinar stéttarfélögin: Keppast við að gagnrýna ákvörðun ríkissáttasemjara Bjarki Sigurðsson skrifar 27. janúar 2023 14:30 Aðalsteinn Leifsson er ríkissáttasemjari. Vísir/Vilhelm Fjögur stéttarfélög hafa gagnrýnt ríkissáttasemjara fyrir inngrip hans í kjaradeilu Eflingar og SA. Starfsgreinasambandið segir ákvörðunina ótímabæra og þrjú félög gera alvarlegar athugasemdir við hana. Í gær greindi Aðalsteinn Leifsson ríkissáttasemjari að hann hafi lagt fram miðlunartillögu í kjaradeilu Eflingar og Samtaka atvinnulífsins (SA). Tillagan felur í sér að félagsmenn Eflingar og aðildarfélög SA munu greiða atkvæði um samskonar samning og gerður var við Starfsgreinasambandið (SGS) fyrir áramót. Strax í kjölfar að tilkynnt var um miðlunartillöguna hafnaði Efling henni og sagði framkvæmdastjóri SA að hún væri vonbrigði. Hún gæti gefið hættulegt fordæmi til framtíðar. Þá sagði Drífa Snædal, fyrrverandi forseti ASÍ, að ákvörðunin gæti haft alvarlegar afleiðingar. Alvarlegar athugasemdir gerðar Í morgun sendu þrjú stéttarfélög, Bandalag háskólamenntaðra (BHM), Bandalag starfsmanna ríkis og bæja (BSRB), og Kennarasamband Íslands (KÍ), frá sér sameiginlega tilkynningu vegna ákvörðunarinnar. Þar voru gerðar alvarlegar athugasemdir. „Það er stórt og alvarlegt inngrip í vinnudeilu af hálfu ríkissáttasemjara að leggja fram miðlunartillögu. Sérstaklega þegar horft er til þess að þátttaka í kosningu þarf að vera mjög mikil svo unnt sé að fella tillöguna. Lögum samkvæmt þarf 25% félagsfólks að synja miðlunartillögu. Þröskuldurinn er því mun hærri en þegar kosið er um kjarasamninga og verkfallsaðgerðir og getur komið upp sú staða að tillagan teldist samþykkt jafnvel þó meirihluti atkvæða félli gegn henni,“ segir í tilkynningunni. Verkfallsvopnið slegið af borði Þá segir að með því að leggja til miðlunartillögu áður en niðurstaða kosningar um verkfallsaðgerðir liggur fyrir leiði óhjákvæmilega til þess að verkfallsvopnið sé slegið úr höndum stéttarfélaga. Með miðlunartillögunni sé ríkissáttasemjari ekki einungis að hafa áhrif á Eflingu heldur öll önnur stéttarfélög í landinu. „BHM, BSRB og KÍ gera þá sjálfsögðu kröfu að sjálfstæður samningsréttur stéttarfélaga sé virtur. Aldrei má ganga út frá því að kjarasamningur eins stéttarfélags bindi hendur annarra stéttarfélaga eða vegi að sjálfstæði þeirra. Hlutleysi og lagalegar forsendur þurfa að vera hafnar yfir allan vafa þegar ríkissáttasemjari ákveður að hlutast til með beinum hætti í vinnudeilur,“ segir í tilkynningunni. Vilja að dómstólar skeri úr um lögmæti Í tilkynningu frá SGS segir að ákvörðun ríkissáttasemjara sé ótímabær. Mikilvægt sé að samningsaðilar fái ætíð tækifæri til að ganga frá kjarasamningi án svo alvarlegra inngripa. „Í ljósi umræðu um hvort ríkissáttasemjari hafi haft lagaheimild skv. 27. grein laga um stéttarfélög og vinnudeilur telur framkvæmdastjórn SGS brýnt að dómstólar skeri úr um lögmæti miðlunartillögunnar og málið hljóti flýtimeðferð, vegna alvarleika þess. Það er mat framkvæmdastjórnar að nauðsynlegt sé að fá úr því skorið fyrir dómstólum hvort þessi ákvörðun ríkissáttasemjara sé á rökum reist á þessum tímapunkti og í anda laganna,“ segir í tilkynningunni. Vilhjálmur Birgisson, formaður SGS, segir það vera prinsippmál að stéttarfélögin fái að fullreyna samningaaðferðir sínar en að hann gagnrýni ekki samninginn í sjálfu sér. Samningurinn er svipaður og SGS skrifaði undir í kjaraviðræðunum í byrjun desember. „Ég held að það sé alveg ljóst að þegar það liggur fyrir að Efling ætli ekki að afhenda kjörgögn eins og miðlunartillagan gerir ráð fyrir þá blasir það við að tímaáætlunin sem ríkissáttasemjari setti sér í málinu, hún mun ekki ganga upp. Þannig getur málið ekkert endað með öðrum hætti en það fari fyrir dómstóla,“ segir Vilhjálmur í samtali við fréttastofu. Kjaramál Kjaraviðræður 2022-23 Stéttarfélög Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Getur ekki lagt fram trygginguna og biðlar til dómstóla um miskunn Erlent „Við verðum að bregðast við þegar glugginn er opinn“ Innlent „Þetta er að verða komið gott“ Innlent Stöðug virkni í nótt Innlent „Mannkynið mun ekki lifa framhald af Oppenheimer“ Erlent Enn mikið sjónarspil á gosstöðvunum Innlent Ísland meðal örfárra ríkja sem standast viðmið WHO um loftgæði Erlent Eldgosið hagi sér öðruvísi og gæti varað lengur Innlent Jakob Reynir Aftur reynir aftur Innlent Bankasýslan kom af fjöllum þegar tilkynnt var um kaupin Innlent Fleiri fréttir Hjón og sambúðarfólk leitar í talsvert meira mæli til umboðsmanns skuldara Múrarinn sem fékk símatal og varð bruggari Bein útsending: Málþing um framtíð rammaáætlunar Stöðug virkni í nótt „Við verðum að bregðast við þegar glugginn er opinn“ „Þetta er að verða komið gott“ Bankasýslan kom af fjöllum þegar tilkynnt var um kaupin Lýsir yfir vonbrigðum og krefst frestunar aðalfundar Árekstur við Kaplakrika Eldgosið hagi sér öðruvísi og gæti varað lengur Jakob Reynir Aftur reynir aftur Bankastjóri segir það hennar hlutverk að reka Landsbankann Enn mikið sjónarspil á gosstöðvunum Tveggja ára fangelsi fyrir hnífaárás vegna lélegs kókaíns Hvorki sakborningur né fórnarlamb kannast við skotárásina Kvöldfréttir Stöðvar 2 Stefán Ingimar neitar að koma til landsins Virkni gossins enn stöðug og hætta enn talin mikil Tekur ekki þátt í að selja hlut í Landsbankanum Endurskoða aðgangstakmarkanir á morgun Meðmælabréf kennaranna ekki nóg fyrir skólastjórann Lítil stemning fyrir rafrænni undirritun Ríkið reynt að hafa þinglýstar jarðir af bændum með valdi Fær engar slysabætur eftir að hafa ekið réttindalaus og „frosið“ á fjórhjólinu Íslendingurinn var handtekinn í Baltimore Foreldrar megi ekki vera vondir við sjálfa sig eftir stórt áfall Hraunið á um 330 metra í Suðurstrandarveg Svartsengi rýmt vegna gasmengunar Barmur hrauntjarnar við það að bresta og mikil mengun í Svartsengi Haldlögðu mikið magn skotvopna á höfuðborgarsvæðinu Sjá meira
Í gær greindi Aðalsteinn Leifsson ríkissáttasemjari að hann hafi lagt fram miðlunartillögu í kjaradeilu Eflingar og Samtaka atvinnulífsins (SA). Tillagan felur í sér að félagsmenn Eflingar og aðildarfélög SA munu greiða atkvæði um samskonar samning og gerður var við Starfsgreinasambandið (SGS) fyrir áramót. Strax í kjölfar að tilkynnt var um miðlunartillöguna hafnaði Efling henni og sagði framkvæmdastjóri SA að hún væri vonbrigði. Hún gæti gefið hættulegt fordæmi til framtíðar. Þá sagði Drífa Snædal, fyrrverandi forseti ASÍ, að ákvörðunin gæti haft alvarlegar afleiðingar. Alvarlegar athugasemdir gerðar Í morgun sendu þrjú stéttarfélög, Bandalag háskólamenntaðra (BHM), Bandalag starfsmanna ríkis og bæja (BSRB), og Kennarasamband Íslands (KÍ), frá sér sameiginlega tilkynningu vegna ákvörðunarinnar. Þar voru gerðar alvarlegar athugasemdir. „Það er stórt og alvarlegt inngrip í vinnudeilu af hálfu ríkissáttasemjara að leggja fram miðlunartillögu. Sérstaklega þegar horft er til þess að þátttaka í kosningu þarf að vera mjög mikil svo unnt sé að fella tillöguna. Lögum samkvæmt þarf 25% félagsfólks að synja miðlunartillögu. Þröskuldurinn er því mun hærri en þegar kosið er um kjarasamninga og verkfallsaðgerðir og getur komið upp sú staða að tillagan teldist samþykkt jafnvel þó meirihluti atkvæða félli gegn henni,“ segir í tilkynningunni. Verkfallsvopnið slegið af borði Þá segir að með því að leggja til miðlunartillögu áður en niðurstaða kosningar um verkfallsaðgerðir liggur fyrir leiði óhjákvæmilega til þess að verkfallsvopnið sé slegið úr höndum stéttarfélaga. Með miðlunartillögunni sé ríkissáttasemjari ekki einungis að hafa áhrif á Eflingu heldur öll önnur stéttarfélög í landinu. „BHM, BSRB og KÍ gera þá sjálfsögðu kröfu að sjálfstæður samningsréttur stéttarfélaga sé virtur. Aldrei má ganga út frá því að kjarasamningur eins stéttarfélags bindi hendur annarra stéttarfélaga eða vegi að sjálfstæði þeirra. Hlutleysi og lagalegar forsendur þurfa að vera hafnar yfir allan vafa þegar ríkissáttasemjari ákveður að hlutast til með beinum hætti í vinnudeilur,“ segir í tilkynningunni. Vilja að dómstólar skeri úr um lögmæti Í tilkynningu frá SGS segir að ákvörðun ríkissáttasemjara sé ótímabær. Mikilvægt sé að samningsaðilar fái ætíð tækifæri til að ganga frá kjarasamningi án svo alvarlegra inngripa. „Í ljósi umræðu um hvort ríkissáttasemjari hafi haft lagaheimild skv. 27. grein laga um stéttarfélög og vinnudeilur telur framkvæmdastjórn SGS brýnt að dómstólar skeri úr um lögmæti miðlunartillögunnar og málið hljóti flýtimeðferð, vegna alvarleika þess. Það er mat framkvæmdastjórnar að nauðsynlegt sé að fá úr því skorið fyrir dómstólum hvort þessi ákvörðun ríkissáttasemjara sé á rökum reist á þessum tímapunkti og í anda laganna,“ segir í tilkynningunni. Vilhjálmur Birgisson, formaður SGS, segir það vera prinsippmál að stéttarfélögin fái að fullreyna samningaaðferðir sínar en að hann gagnrýni ekki samninginn í sjálfu sér. Samningurinn er svipaður og SGS skrifaði undir í kjaraviðræðunum í byrjun desember. „Ég held að það sé alveg ljóst að þegar það liggur fyrir að Efling ætli ekki að afhenda kjörgögn eins og miðlunartillagan gerir ráð fyrir þá blasir það við að tímaáætlunin sem ríkissáttasemjari setti sér í málinu, hún mun ekki ganga upp. Þannig getur málið ekkert endað með öðrum hætti en það fari fyrir dómstóla,“ segir Vilhjálmur í samtali við fréttastofu.
Kjaramál Kjaraviðræður 2022-23 Stéttarfélög Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Getur ekki lagt fram trygginguna og biðlar til dómstóla um miskunn Erlent „Við verðum að bregðast við þegar glugginn er opinn“ Innlent „Þetta er að verða komið gott“ Innlent Stöðug virkni í nótt Innlent „Mannkynið mun ekki lifa framhald af Oppenheimer“ Erlent Enn mikið sjónarspil á gosstöðvunum Innlent Ísland meðal örfárra ríkja sem standast viðmið WHO um loftgæði Erlent Eldgosið hagi sér öðruvísi og gæti varað lengur Innlent Jakob Reynir Aftur reynir aftur Innlent Bankasýslan kom af fjöllum þegar tilkynnt var um kaupin Innlent Fleiri fréttir Hjón og sambúðarfólk leitar í talsvert meira mæli til umboðsmanns skuldara Múrarinn sem fékk símatal og varð bruggari Bein útsending: Málþing um framtíð rammaáætlunar Stöðug virkni í nótt „Við verðum að bregðast við þegar glugginn er opinn“ „Þetta er að verða komið gott“ Bankasýslan kom af fjöllum þegar tilkynnt var um kaupin Lýsir yfir vonbrigðum og krefst frestunar aðalfundar Árekstur við Kaplakrika Eldgosið hagi sér öðruvísi og gæti varað lengur Jakob Reynir Aftur reynir aftur Bankastjóri segir það hennar hlutverk að reka Landsbankann Enn mikið sjónarspil á gosstöðvunum Tveggja ára fangelsi fyrir hnífaárás vegna lélegs kókaíns Hvorki sakborningur né fórnarlamb kannast við skotárásina Kvöldfréttir Stöðvar 2 Stefán Ingimar neitar að koma til landsins Virkni gossins enn stöðug og hætta enn talin mikil Tekur ekki þátt í að selja hlut í Landsbankanum Endurskoða aðgangstakmarkanir á morgun Meðmælabréf kennaranna ekki nóg fyrir skólastjórann Lítil stemning fyrir rafrænni undirritun Ríkið reynt að hafa þinglýstar jarðir af bændum með valdi Fær engar slysabætur eftir að hafa ekið réttindalaus og „frosið“ á fjórhjólinu Íslendingurinn var handtekinn í Baltimore Foreldrar megi ekki vera vondir við sjálfa sig eftir stórt áfall Hraunið á um 330 metra í Suðurstrandarveg Svartsengi rýmt vegna gasmengunar Barmur hrauntjarnar við það að bresta og mikil mengun í Svartsengi Haldlögðu mikið magn skotvopna á höfuðborgarsvæðinu Sjá meira