Hundrað kíló af kókaíni eða tíu? Kolbeinn Tumi Daðason skrifar 23. janúar 2023 10:36 Unnsteinn Örn Elvarsson, Arnar Kormákur Friðriksson og Almar Möller, verjendur sakborninga í málinu. Vísir Aðalmeðferð í einu stærsta fíkniefnamáli Íslandssögunnar heldur áfram í dag þegar lögreglumenn sem komu að rannsókn málsins og hollenskir tollverðir gefa skýrslu. Verjendur munu leggja áherslu á að ekki sé hægt að færa sönnur á að lagt hafi verið hald á hundrað kíló af kókaíni. Héraðsdómari tók skýrt fram við upphaf aðalmeðferðar á fimmtudag að fjölmiðlar mættu ekki greina frá því sem fram kæmi í skýrslutökum fyrr en að lokinni aðalmeðferð. Héraðsdómur hefur samkvæmt elleftu grein laga um meðferð sakamála heimild til að banna að skýrt verði frá því sem gerist þar ef ætla megi að frásögn geti leitt til sakarspjalla eða valdið vandamönnum sakbornings, brotaþola eða öðrum sem ekki eru fyrir sökum hafðir þjáningum eða verulegum óþægindum. Þungir dómar líklegir Um er að ræða langstærsta kókaínmál sem komið hefur upp hér á landi. Fjórum sakborningum í málinu er gefið að sök að hafa flutt inn um hundrað kíló af kókaíni, sem falin voru í sjö trjádrumbum. Efnunum var komið fyrir í gámum í Brasilíu en sendingin fór fyrst til Hollands. Lögreglan á Íslandi komst á snoðir um smyglið vegna rannsóknar á skipulagðri brotastarfsemi og lét tollverði í Rotterdam í Hollandi vita. Kókaíninu var skipt út fyrir gerviefni áður en gámurinn var sendur áfram til Íslands. Reikna má með þungum dómum verði mennirnir fundnir sekir. Þeir hafa allir játað aðkomu sína að málinu en afstaða þeirra til ákærunnar er þó ólík. Mennirnir fjórir eru allir ákærðir fyrir skipulagða brotastarfsemi og tilraun til stórfellds fíkniefnabrots. Þeir eru einnig allir ákærðir fyrir peningaþvætti. Sá liður hljóðar upp á samtals 63 milljónir. Mennirnir eru á aldrinum 27 til 68 ára. Þeir eru: Páll Jónsson, timburinnflytjandi á sjötugsaldri. Fyrirtæki hans, „Hús og Harðviður“ var samkvæmt ákæru notað til peningaþvættis. Jóhannes Páll Durr er 28 ára. Hann er best þekktur sem liðsstjóri íslenska landsliðsins í efótbolta. Daði Björnsson, þrítugur karlmaður. Hann er einnig ákærður fyrir kannabisræktun og vörslu maríjúana. Birgir Halldórsson, 27 ára karlmaður. Búið að farga efninu? Samkvæmt heimildum fréttastofu gera verjendur mannanna fjögurra athugasemd við það að mennirnir séu ákærðir fyrir innflutning á hundrað kílóum. Telja þeir að lögregla hafi aðeins opnað brot af pakkningunum sem fundust í Rotterdam. Restinni hafi verið fargað. Hér má sjá pakkningarnar sem gerðar voru upptækar í Rotterdam. Um hundrað kíló. Kókaín fannst í hluta pakkninganna en verjendur vilja meina að þær hafi ekki allar verið skoðaðar til að ganga úr skugga um að þar væri kókaín að finna. Fyrir vikið sé ekki hægt að færa sönnur á að um hafi verið að ræða hundrað kíló af kókaíni. Allar pakningarnar hafi ekki verið skoðaðar í þaula. Þegar kemur að því að ákveða refsingu mannanna skiptir lykilmáli hvert magnið var sem mennirnir eru sakaðir um að hafa flutt til landsins. Hámarksrefsing fyrir fíkniefnalagabrot er tólf ára fangelsi. Tveir hlutu þá refsingu í Saltdreifaramálinu svokallaða í haust. Skýrari mynd mun komast á þetta allt saman við aðalmeðferðina þegar skýrslutökur yfir lögreglumönnum og hollenskum tollverðum fara fram. Uppfært klukkan 11:40 Skýrslutökum yfir íslenskum lögreglumönnum sem komu að rannsókn málsins er lokið í dag. Aðalmeðferð í málinu verður fram haldið 9. og 10. febrúar þar sem fleiri gefa skýrslur, þeirra á meðal tollverðirnir í Hollandi og fleiri íslenskir lögreglumenn. Dómari í málinu ítrekaði við blaðamenn blátt bann við fréttaflutningi af því sem fram kom við aðalmeðferð málsins. Stóra kókaínmálið 2022 Dómsmál Mest lesið Möguleg slit á fríverslunarsamningi við Ísrael tekin fyrir Innlent Þyrlan kölluð út á mesta forgangi Innlent Aðsetur ríkisstjórnarinnar logar eftir árásir næturinnar Erlent Ákærðir fyrir hópnauðgun gegn ólögráða stúlku Innlent Vilja skylda samskiptaforrit til að skanna einkaskilaboð fólks Erlent Hótar að beita stríðsmálaráðuneytinu: „Chipocalypse Now“ Erlent Labubu bangsar ekki lengur velkomnir í Ísaksskóla Innlent Hringveginum lokað vegna umferðarslyss Innlent Bandaríkjamenn handtóku yfir þrjú hundruð Suður-Kóreumenn Erlent Rafmagnsflugvél reynd í áætlunarflugi í Noregi Erlent Fleiri fréttir Syrgja fallið kornabarn og fyrsti þúsaldardýrlingurinn Einn fluttur á Landspítalann frá Fjallabaki Kröftug mótmæli brjóti ekki gegn málfrelsi Hringveginum lokað vegna umferðarslyss Þyrlan kölluð út á mesta forgangi Jákvæð gagnvart nýrri atvinnustefnu Frábær og vel heppnuð Ljósanótt Möguleg slit á fríverslunarsamningi við Ísrael tekin fyrir Skoða að rifta fríverslunarsamningi við Ísrael Labubu bangsar ekki lengur velkomnir í Ísaksskóla Fangageymslur fullar eftir erilsama nótt Aðgerðir vegna Gasa, málfrelsi á Íslandi og ný atvinnustefna Ákærðir vegna fölsuðu taflanna tuttugu þúsund „Vona bara að hún grípi til raunverulegra aðgerða sem bíta“ Korn ræktað á um fjögur þúsund hekturum Veltir fyrir sér hvort íslensk íþróttafélög verði af milljörðum Handtekinn undir áhrifum með tvö börn í bílnum Fjölmenn mótmæli og skortur á íslenskukunnáttu þrátt fyrir doktorsnám Ákærðir fyrir hópnauðgun gegn ólögráða stúlku Gullkistan opnuð á Vestfjörðum Sóttu slasaðan ökumann við Surtshelli Gríðarlegur fjöldi á mótmælunum Þjóð gegn þjóðarmorði Tæpir sextíu þúsund fermetrar í eigu ríkisins standa tómir Kennir íslensku en fær ekki ríkisborgararétt að óbreyttu Tvöföldun erlendra fanga á fimm árum: „Þetta er auðvitað gríðarlega hátt hlutfall“ Nöfn myrtra barna verða lesin upp í sjö klukkustundir Eygir vonarneista í fyrsta sinn í marga mánuði Eygir vonarneista í fyrsta sinn og mótmæli um allt land Segir dregið úr veiðum á grundvelli „Walt Disneylíffræði“ Árborg girnist svæði Flóahrepps Sjá meira
Héraðsdómari tók skýrt fram við upphaf aðalmeðferðar á fimmtudag að fjölmiðlar mættu ekki greina frá því sem fram kæmi í skýrslutökum fyrr en að lokinni aðalmeðferð. Héraðsdómur hefur samkvæmt elleftu grein laga um meðferð sakamála heimild til að banna að skýrt verði frá því sem gerist þar ef ætla megi að frásögn geti leitt til sakarspjalla eða valdið vandamönnum sakbornings, brotaþola eða öðrum sem ekki eru fyrir sökum hafðir þjáningum eða verulegum óþægindum. Þungir dómar líklegir Um er að ræða langstærsta kókaínmál sem komið hefur upp hér á landi. Fjórum sakborningum í málinu er gefið að sök að hafa flutt inn um hundrað kíló af kókaíni, sem falin voru í sjö trjádrumbum. Efnunum var komið fyrir í gámum í Brasilíu en sendingin fór fyrst til Hollands. Lögreglan á Íslandi komst á snoðir um smyglið vegna rannsóknar á skipulagðri brotastarfsemi og lét tollverði í Rotterdam í Hollandi vita. Kókaíninu var skipt út fyrir gerviefni áður en gámurinn var sendur áfram til Íslands. Reikna má með þungum dómum verði mennirnir fundnir sekir. Þeir hafa allir játað aðkomu sína að málinu en afstaða þeirra til ákærunnar er þó ólík. Mennirnir fjórir eru allir ákærðir fyrir skipulagða brotastarfsemi og tilraun til stórfellds fíkniefnabrots. Þeir eru einnig allir ákærðir fyrir peningaþvætti. Sá liður hljóðar upp á samtals 63 milljónir. Mennirnir eru á aldrinum 27 til 68 ára. Þeir eru: Páll Jónsson, timburinnflytjandi á sjötugsaldri. Fyrirtæki hans, „Hús og Harðviður“ var samkvæmt ákæru notað til peningaþvættis. Jóhannes Páll Durr er 28 ára. Hann er best þekktur sem liðsstjóri íslenska landsliðsins í efótbolta. Daði Björnsson, þrítugur karlmaður. Hann er einnig ákærður fyrir kannabisræktun og vörslu maríjúana. Birgir Halldórsson, 27 ára karlmaður. Búið að farga efninu? Samkvæmt heimildum fréttastofu gera verjendur mannanna fjögurra athugasemd við það að mennirnir séu ákærðir fyrir innflutning á hundrað kílóum. Telja þeir að lögregla hafi aðeins opnað brot af pakkningunum sem fundust í Rotterdam. Restinni hafi verið fargað. Hér má sjá pakkningarnar sem gerðar voru upptækar í Rotterdam. Um hundrað kíló. Kókaín fannst í hluta pakkninganna en verjendur vilja meina að þær hafi ekki allar verið skoðaðar til að ganga úr skugga um að þar væri kókaín að finna. Fyrir vikið sé ekki hægt að færa sönnur á að um hafi verið að ræða hundrað kíló af kókaíni. Allar pakningarnar hafi ekki verið skoðaðar í þaula. Þegar kemur að því að ákveða refsingu mannanna skiptir lykilmáli hvert magnið var sem mennirnir eru sakaðir um að hafa flutt til landsins. Hámarksrefsing fyrir fíkniefnalagabrot er tólf ára fangelsi. Tveir hlutu þá refsingu í Saltdreifaramálinu svokallaða í haust. Skýrari mynd mun komast á þetta allt saman við aðalmeðferðina þegar skýrslutökur yfir lögreglumönnum og hollenskum tollverðum fara fram. Uppfært klukkan 11:40 Skýrslutökum yfir íslenskum lögreglumönnum sem komu að rannsókn málsins er lokið í dag. Aðalmeðferð í málinu verður fram haldið 9. og 10. febrúar þar sem fleiri gefa skýrslur, þeirra á meðal tollverðirnir í Hollandi og fleiri íslenskir lögreglumenn. Dómari í málinu ítrekaði við blaðamenn blátt bann við fréttaflutningi af því sem fram kom við aðalmeðferð málsins.
Stóra kókaínmálið 2022 Dómsmál Mest lesið Möguleg slit á fríverslunarsamningi við Ísrael tekin fyrir Innlent Þyrlan kölluð út á mesta forgangi Innlent Aðsetur ríkisstjórnarinnar logar eftir árásir næturinnar Erlent Ákærðir fyrir hópnauðgun gegn ólögráða stúlku Innlent Vilja skylda samskiptaforrit til að skanna einkaskilaboð fólks Erlent Hótar að beita stríðsmálaráðuneytinu: „Chipocalypse Now“ Erlent Labubu bangsar ekki lengur velkomnir í Ísaksskóla Innlent Hringveginum lokað vegna umferðarslyss Innlent Bandaríkjamenn handtóku yfir þrjú hundruð Suður-Kóreumenn Erlent Rafmagnsflugvél reynd í áætlunarflugi í Noregi Erlent Fleiri fréttir Syrgja fallið kornabarn og fyrsti þúsaldardýrlingurinn Einn fluttur á Landspítalann frá Fjallabaki Kröftug mótmæli brjóti ekki gegn málfrelsi Hringveginum lokað vegna umferðarslyss Þyrlan kölluð út á mesta forgangi Jákvæð gagnvart nýrri atvinnustefnu Frábær og vel heppnuð Ljósanótt Möguleg slit á fríverslunarsamningi við Ísrael tekin fyrir Skoða að rifta fríverslunarsamningi við Ísrael Labubu bangsar ekki lengur velkomnir í Ísaksskóla Fangageymslur fullar eftir erilsama nótt Aðgerðir vegna Gasa, málfrelsi á Íslandi og ný atvinnustefna Ákærðir vegna fölsuðu taflanna tuttugu þúsund „Vona bara að hún grípi til raunverulegra aðgerða sem bíta“ Korn ræktað á um fjögur þúsund hekturum Veltir fyrir sér hvort íslensk íþróttafélög verði af milljörðum Handtekinn undir áhrifum með tvö börn í bílnum Fjölmenn mótmæli og skortur á íslenskukunnáttu þrátt fyrir doktorsnám Ákærðir fyrir hópnauðgun gegn ólögráða stúlku Gullkistan opnuð á Vestfjörðum Sóttu slasaðan ökumann við Surtshelli Gríðarlegur fjöldi á mótmælunum Þjóð gegn þjóðarmorði Tæpir sextíu þúsund fermetrar í eigu ríkisins standa tómir Kennir íslensku en fær ekki ríkisborgararétt að óbreyttu Tvöföldun erlendra fanga á fimm árum: „Þetta er auðvitað gríðarlega hátt hlutfall“ Nöfn myrtra barna verða lesin upp í sjö klukkustundir Eygir vonarneista í fyrsta sinn í marga mánuði Eygir vonarneista í fyrsta sinn og mótmæli um allt land Segir dregið úr veiðum á grundvelli „Walt Disneylíffræði“ Árborg girnist svæði Flóahrepps Sjá meira