Samstarf

Fá dæmisögur úr atvinnulífinu beint í æð

Akademias
Um 400 gestakennarar vinna með Akademias á hverju ári og varla sá stjórnandi í íslensku atvinnulífi sem ekki hefur kennt hjá okkur,“ segir Eyþór Ívar Jónsson forseti Akademias en Akademias býður úrval námskeiða þar sem eru klæðskerasniðin að íslensku atvinnulífi.
Um 400 gestakennarar vinna með Akademias á hverju ári og varla sá stjórnandi í íslensku atvinnulífi sem ekki hefur kennt hjá okkur,“ segir Eyþór Ívar Jónsson forseti Akademias en Akademias býður úrval námskeiða þar sem eru klæðskerasniðin að íslensku atvinnulífi.

„Hvaða störf verða til á morgun og hver er framtíðarsýnin? Hvaða þörf er að verða til á vinnumarkaðnum? Um 80% þeirra sem sækja námskeið hjá okkur eru með háskólagráður og um helmingur með mastersgráðu eða MBA. Við keyrum sterkt á slagorðinu „menntun fyrir tækifæri framtíðarinnar“ og leggjum áherslu á hvernig við getum þjálfað fólk á vinnumarkaði til að efla sig í starfi eða finna nýjan farveg í atvinnulífinu,“ útskýrir Eyþór Ívar Jónsson, forseti Akademias en Akademias býður úrval námskeiða þar sem eru klæðskerasniðin að íslensku atvinnulífi.

„Við tengjum saman atvinnulífið og akademíuna og er hlutur atvinnulífsins ívið stærri á okkar námskeiðum. Við fáum fyrirlesara úr atvinnulífinu sem miðla sínum aðferðum og reynslu, þátttakendur fá dæmisögur beint í æð. Um 400 gestakennarar vinna með Akademias á hverju ári og varla sá stjórnandi í íslensku atvinnulífi sem ekki hefur kennt hjá okkur,“ segir Eyþór.

Fjölbreytt námskeið á vorönn Akademias

Vorönn er að hefjast hjá Akademias og sem fyrr er úrval námskeiða fjölbreytt. Námskeiðin skiptast niður í þrjá flokka, Viðurkenndir, sem telja 60 klukkustundir, Mini MBA, sem telja 30 klukkustundir og loks Leiðtogi ogSérfræðingur sem telja 18 klukkustundir. Tvenn námskeið í flokknum Viðurkenndir fara fram á vorönn, annarsvegar Viðurkenndir stjórnarmenn og hinsvegar Viðurkenndur markaðssérfræðingur.

„Þessi námskeið eru gríðarlega vinsæl,“ segir Eyþór. 

Viðurkenndir stjórnarmenn fjallar um ólík hlutverk þeirra sem sitja í stjórn m.a. hvernig nálgast þarf stefnumótinu og taka erfiðar ákvarðanir. Viðurkenndur markaðssérfræðingur fjallar um hvernig stýra má markaðsstarfi bæði á netinu og á samfélagsmiðlum. Markmiðið er að bjóða upp á fjölbreytta flóru námskeiða með mismunandi viðfangsefni og lengd, sem hentar ólíku fólki sem leitast við að verða sérfræðingar eða leiðtogar.

Mikil þörf er á fólki sem skilur hvernig heimurinn hefur breyst og hvað stjórnandi þar að hafa til að bera til að geta stjórnað fólki við mismunandi aðstæður segir Eyþór.

Markaðstækni, fjármálastjórnun og leiðtogafærni

Akademias verður með þrjú skemmtileg miniMBA námskeið á vorönn; t.d. Fjármál fyrirtækja, fjártækni og árangursstjórnun, Leiðtoginn og stafræn umbreyting og Nýsköpun og tækni. Ennfremur verða mörg leiðtoga- og sérfræðinganámskeið; t.d. Sérfræðingur í fræðslustjórnun og þjálfun starfsmanna, Leiðtogar framtíðarinnar, Leiðtogi í fjármögnun og fjárfestingum, Sérfræðingur í sölu og sölustjórnun, Leiðtogi í þjónustu og upplifun, Leiðtogi í verkefnastjórnun, Leiðtogi í stefnumótun og Stjórnarhættir í þriðja geiranum.

Stafræn framtíð kallar á nýja þekkingu

„Það verður sérstakt námskeið um Leiðtogafærni í þeirri stafrænu umbreytingu sem í gangi er. Þetta námskeið er afar vinsælt enda stöndum við á tímamótum þar sem þarf að umbreyta um 50% af öllum störfum til að taka mið af stafrænu viðskiptaumhverfi,“ segir Eyþór. „Það er erfitt að stýra svona breytingum innan fyrirtækja til árangurs og mannlegi þátturinn getur skipt sköpum. Á þessu námskeiði er farið yfir hvernig nýta á þessa tækni til að skapa ávinning, bæði fyrir viðskiptavininn og starfsmenn.“

Fræðsla innan fyrirtækja orðin sjálfsögð krafa

„Við bjóðum fjölda minni námskeiða á vorönninni og mörg þeirra komu ný inn á síðustu önn. Þar má nefna Sérfræðingur í fræðslustjórnun sem sprengdi öll met,“ segir Eyþór en námskeiðið er sniðið að þeim sem stýra fræðslu innan fyrirtækja. Farið er yfir hvernig á að skipuleggja fræðslu með tilliti til hæfni og þekkingar starfsfólks og hvetja fólk til að vera stöðugt að læra. 

„Það er krafan í dag, fyrirtæki verða í auknum mæli að verða lærdómsfyrirtæki sem miðar að því að búa til betra starfsumhverfi, auka skilvirkni og vermætasköpun fyrir viðskiptavininn.“ 

Ánægðir viðskiptavinir láta orðið berast

Námskeiðið Þjónustustjórnun og upplifun er kennt á vorönn. Eyþór segir fyrirtækjum mikilvægt að búa til þjónustu sem talað sé um. Ánægðir viðskiptavinir láta orðið berast og selja vöruna áfram. 

„Við hrærumst í upplifunarhagkerfi og það nauðsynlegt að horfa á fyrirtækin út frá viðskiptavininum og skilja það ferðalag sem hann á með fyrirtækinu. Hvað getum við gert til þess að búa til þjónustu sem allir vilja upplifa og deila? Þetta er lykilatriði í fyrirtækjarekstri.“

Sala eitt mikilvægasta tól fyrirtækja til að komast af

Sérfræðingur í sölu og sölustjórnun er sniðið að sölustjórum og sölumönnum. Eyþór segir tilhneigingu til þess að setja sölumennsku neðarlega á virðingarstigann en sala lykilþáttur í viðskiptum. Án sölu eru engar tekjur og án viðskiptavina engin sala. Sumir hafa tekið svo til orða að hlutverk fyrirtækja sé fyrst og fremst að búa til viðskiptavini og þá leika sölumenn og sölustjórar aðalhlutverk.

„Þú verður að hafa góða tengingu við viðskiptavini. Sölufólkið er oft það starfsfólk sem kemst næst viðskiptavininum. Þau heyra hvað honum finnst og hvað hann vill. Sala skiptir höfuðmáli og nú þarf að nálgast hlutina með öðrum hætti en áður. Námskeiðið kemur inn á hvernig bregðast má við breyttum aðstæðum og aðlaga vöruna, útbúa söluáætlanir og styrkja sölustarfið,“ segir Eyþór.

Mikil eftirspurn eftir námskeiðum í verkefnastjórnun

Námskeið í Verkefnastjórnun verður kennt á vorönn, Leiðtogi í verkefnastjórnun. Eyþór segir atvinnulífið hafa kallað eftir námskeiðum í þessum flokki. 

„Eftirspurnin er gríðarleg og við bjuggum til námskeið fyrir þá sem vinna hjá fyrirtækjum og eru í raun verkefnastjórar án þess að vita af því. Fyrirtæki eru mjög verkefnadrifin en fólk hefur kannski ekki tækin og tólin til þess að einfalda því lífið. Á námskeiðunum er farið yfir hverskonar verkefnastjórnun þarf fyrir ólík verkefni, hvort sem það er að búa á til spretti, hönnunarhugsun eða klassíska verkefnastjórnun.“

Þörf á leiðtogum sem skilja breyttan heim

Leiðtogar framtíðarinnar er nýtt námskeið þar sem horft er til framtíðar. Þar er því velt upp hvað leiðtoginn í framtíðinni þarf að hafa og hvernig við þjálfum fólk sem getur tekið við fyrirtækjum á næstu árum og leitt þau til árangurs. 

Það vantar fólk sem skilur hvernig heimurinn hefur breyst og hvað stjórnandi þar að hafa til að bera til að geta stjórnað fólki við mismunandi aðstæður. 

Í dag eru margar týpur af leiðtogum og það skiptir meira máli að finna réttan leiðtoga sem passar við fólkið og aðstæðurnar heldur en það sem einu sinni var kallað „hinn eini sanni leiðtogi“,“ útskýrir Eyþór.

Bilið brúað milli frumkvöðla og fjárfesta

Námskeiðið Leiðtogi í fjármögnun fjallar um hvernig þeir sem eru að búa til verkefni eða fyrirtæki, frumkvöðlar og fleiri skilji og fái innsýn inn í það af hverju fólk fjárfestir í verkefnum. Fjárfestingarkostir eru jafnframt skoðaðir út frá sjónarhóli fjárfesta og þeim gefin tól og tæki til þess að meta fjárfestingarkosti. „Þetta námskeið brúar bilið milli þeirra sem eru að búa til verkefni og þeirra sem fjárfesta. Þetta er einstakt tækifæri til þess að eiga samtal við þá sem eru að búa til verðmæti og fjárfesta í þeim.“

Stjórnarhættir í þriðja geiranum

„Við höfum mikið verið beðin um námskeið sem snýr að stjórnarháttum fyrirtækja í þriðja geiranum, það er að segja óhagnaðardrifin félög eins og góðgerðarfélög og íþróttafélög til dæmis. Það er mikil þörf á aukinni fagmennsku í þessum fyrirtækjum, eins og flestum öðrum, og það er nauðsynlegt að skilja það umhverfi sem þessi fyrirtæki starfa í. Þetta námskeið gefur fólki aukinn skilning á því hvernig er að stýra svona fyrirtækjum og sitja í stjórn þeirra.“

Nánar má kynna sér framboð námskeiða á heimasíðu Akademias og er skráning á vorönn hafin.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.