Innlent

Heim­sóknir á Land­spítalann tak­markaðar við einn gest

Hólmfríður Gísladóttir skrifar
Um er að ræða neyðarráðstöfun vegna veirufaraldra í samfélaginu.
Um er að ræða neyðarráðstöfun vegna veirufaraldra í samfélaginu. Vísir/Vilhelm

Frá og með deginum í dag verða heimsóknir á Landspítalann takmarkaðar við einn gest á heimsóknartíma. Þetta kemur fram í tilkynningu frá farsóttarnefnd spítalans.

Ákvörðunin er tekin vegna þeirra veirufaraldra sem nú geisa í samfélaginu, segir í tilkynningunni.

Þar segir að heimsóknargestir eigi að vera með grímu á meðan þeir dvelja á spítalanum og þeir megi ekki vera með einkenni frá öndunarvegi, til dæmis kvef og flensueinkenni, né einkenni frá meltingavegi, til dæmis niðurgang eða uppköst.

„Tilgangurinn með þessum takmörkunum er að draga úr líkum á því að smit berist inn á deildir spítalans með heimsóknargestum. Takmarkanirnar verða endurmetnar reglulega.

Deildarstjóri eða vaktstjóri hefur heimild til að veita undanþágu frá þessum takmörkunum við sérstakar aðstæður,“ segir í tilkynningunni á Facebook.

Heim

Landspítalinn Heilbrigðismál Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið