Innlent

Fé­lags­menn RSÍ sam­þykktu kjara­samning

Árni Sæberg skrifar
Frá undirritun kjarasamnings RSÍ og SA.
Frá undirritun kjarasamnings RSÍ og SA. RSÍ

Félagsmenn Rafiðnaðarsambands Íslands samþykktu kjarasamning við Samtök Atvinnulífsins í dag.

RSÍ þakkar öllu félagsfólki fyrir að taka þátt í atkvæðagreiðslum og segja sinn hug, að því er segir í tilkynningu um samþykktina. „Það er vilji ykkar sem skiptir öllu máli og hefur verið ómetanlegt fyrir fulltrúa RSÍ að hitta ykkur á kynningarfundum í síðustu viku,“ segir í tilkynningunni.

RSÍ og Félag vélstjóra og málmtæknimanna héldu saman ellefu formlega kynningarfundi en auk þess voru MATVÍS og Byggiðn með á þremur fundum.

Félögin tóku höndum saman með VR og LÍV í kjarabaráttunni. Félagsmenn VR samþykktu einnig kjarasamninga sína í dag.

Niðurstöður kosningu RSÍ voru eftirfarandi:

RSÍ – sveinar – Já 68,41% – Nei 26,98%

RSÍ – tæknifólk – Já 73,22% – Nei 21,60%

RSÍ – Grafía – Já 88,19% – Nei 8,86%

Kjaramál Kjaraviðræður 2022
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið