Hildur Björnsdóttir er oddviti Sjálfstæðisflokksins í Reykjavík.Vísir/Vilhelm
Sumarhús borgarstjórnar við Úlfljótsvatn verður selt. Tillaga Sjálfstæðisflokksins þess efnis var samþykkt á löngum fundi borgarstjórnar í gær.
Fram kom í tillögu flokksins að áætla mætti að verðmæti sumarhússins væri á bilinu 25 til 30 milljónir króna. Söluandvirðið verður fært á handbært fé.
Tillagan var sú eina af fjölmörgum breytingartillögum minnihlutans í borgarstjórn til að mæta hallarekstri í borginni sem var samþykkt í gærkvöldi.
91 af 92 tillögum meirihlutans um niðurskurð hjá Reykjavíkurborg var samþykkt á fundinum. Sú eina sem var ekki samþykkt var tillagan um að hætta rekstri Sigluness í Nauthólsvík. Sú tillaga var send aftur til meðferðar hjá Íþrótta- og tómstundaráði Reykjavíkur.
Tillaga borgarstjórnar um að loka starfsemi Sigluness í Nauthólsvík verður tekin til endurskoðunar. Þetta segir borgarstjóri. Fyrrverandi starfsmenn Sigluness mótmæltu í Ráðhúsinu í morgun.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
