Handbolti

Þrjú íslensk mörk þegar Volda tapaði stórt

Smári Jökull Jónsson skrifar
Rakel Sara skoraði eitt mark í dag en hún gekk til liðs við Volda í sumar.
Rakel Sara skoraði eitt mark í dag en hún gekk til liðs við Volda í sumar. Vísir/Hulda Margrét

Þrír íslenskir leikmenn skoruðu fyrir Volda í norsku úrvalsdeildinni í handknattleik í kvöld. Liðið tapaði stórt gegn Molde og situr í þriðja neðsta sæti deildarinnar.

Þær Rakel Sara Elvarsdóttir, Katrín Tinna Jensdóttir og Dana Björg Guðmundsdóttir eru allar leikmenn Molde og léku með liðinu í dag. Volda var fyrir leikinn með fjögur stig í deildinni en andstæðingarnir í Molde voru í öðru sæti með tíu stig, fjórum stigum á eftir stórliði Vipers.

Leikurinn í dag var ekki sérlega jafn. Molde leiddi 20-11 eftir fyrri hálfleikinn og héldu uppteknum hætti í þeim síðari. Lokatölur 38-22, sextán marka sigur og Molde heldur í við Vipers á toppnum.

Íslensku stelpurnar hjá Volda skoruðu allar eitt mark í leiknum í dag. Rakel Sara og Dana Björg skoruðu sitt mark í fjórum skotum en Katrín Tinna nýtti sitt eina skot á markið.

Volda mætir næst liði Larvik sem er í fjórða sæti deildarinnar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.