Innlent

Ljós Oslóartrésins tendruð

Árni Sæberg skrifar
Frá síðustu hefðbundnu tendrunarathöfninni, sem haldin var árið 2019.
Frá síðustu hefðbundnu tendrunarathöfninni, sem haldin var árið 2019. Stöð 2/Einar

Ljós Oslóartrésins verða tendruð við hátíðlega athöfn á Austurvelli klukkan 16 í dag, fyrsta sunnudag í aðventu. 

Mikið verður um dýrðir þegar hægt verður að tendra ljósin með hefðbundinni athöfn í fyrsta skipt í þrjú ár. 

Lúðrasveit Reykjavíkur mun leika aðventu- og jólalög frá kl. 15.30 og tröllið Tufti verður á svæðinu og gleður gesti fyrir athöfnina. Þau Sigríður Thorlacius og Valdimar munu flytja falleg jólalög ásamt hljómsveit.

Þá munu jólasveinar stelast til byggða, syngja og skemmta viðstöddum, hefðinni samkvæmt.

Kynnir athafnarinnar er Katla Margrét Þorgeirsdóttir og dagskráin verður túlkuð á táknmáli.

Hinn 9 ára gamli norsk-íslenski Sander Snær Seim Sigurðsson mun aðstoða Dag B. Eggertsson borgarstjóra við að tendra ljósin á trénu. Þá mun borgarfulltrúi frá Osló, Hallstein Bjercke, afhenda borgarstjóra bókargjöf frá Oslóarborg og öll skólabókasöfn í Reykjavík fá einnig bækur að gjöf, að því er segir í tilkynningu frá Reykjavíkurborg um athöfnina.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.