Erlent

Fimm­tán særðir eftir sprengju­á­rás í Jerúsalem

Atli Ísleifsson skrifar
Önnur sprengjuárásin var gerð við strætóstöð í vesturhluta Jerúsalems.
Önnur sprengjuárásin var gerð við strætóstöð í vesturhluta Jerúsalems. Getty

Að minnsta kosti fimmtán eru særðir eftir að tvær sprengjuárásir voru gerðar í Jerúsalem í Ísrael í morgun.

Þetta er haft eftir ísraelskum yfirvöldum og segir að tveir af þessum fimmtán hafi særst alvarlega.

Önnur sprengjan sprakk nærri strætisvagnastöð í útjaðri Jerúsalems og segir að lögreglu gruni að herskáir Palestínumenn standi að baki árásinni. Sömuleiðis hafa borist fréttir af annarri sprengjuárás í hverfinu Ramot norður af Jerúsalem.

Mikil spenna hefur verið í samskiptum Ísraela og Palestínumanna síðustu misserin. Guardian segir frá því að rúmlega 130 Palestínumenn hafi látið lítið í átökum á Vesturbakkanum og Austur-Jersúsalem það sem af er ári. Talsmenn ísraelska hersins segja þá látnu hafa verið herskáa vígamenn, en að ungmenni sem hafi kastað steinum og aðrir sem hafi ekki átt þátt í beinum átökum hafi einnig látið lífið.

Þá segir að fimm hið minnsta hafi látið lítið í árásum Palesínumanna gegn Ísraelsmönnum á síðustu vikum.

Ísrael Palestína
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið