Sakborningar í stóra kókaínmálinu spjölluðu allir við dómara á Skype Kolbeinn Tumi Daðason skrifar 16. nóvember 2022 10:26 Efnið var flutt frá Brasilíu með viðkomu í Hollandi á leiðinni til Íslands. Efninu var skipt út fyrir gerviefni í Rotterdam. LRH Sakborningarnir fjórir í stóra kókaínmálinu tóku allir afstöðu til ákærunnar í gegnum fjarfundabúnaðinn Skype þegar málið var þingfest í Héraðsdómi Reykjavíkur í morgun. Þeir sæta ákæru fyrir innflutning á tæplega hundrað kílóum af kókaíni hingað til lands. Þeir voru handteknir í ágúst síðastliðnum. Málið varðar innflutning á um eitt hundrað kílóum af kókaíni sem voru falin í sjö trjádrumbum í timbursendingu til Íslands. Efnunum var komið fyrir í gámnum í Brasilíu en sendingin fór fyrst til Hollands. Lögreglan á Íslandi hafði komist á snoðir um smyglið vegna rannsóknar á skipulagðri brotastarfsemi og lét tollverði í Rotterdam í Hollandi vita sem skiptu kókaíninu út fyrir gerviefni áður en gámurinn var sendur áfram til Íslands. Fram kom í fréttum í sumar að götuvirði efnanna væri um tveir milljarðar króna. Í ákæru segir að gámurinn hafi verið fluttur í Borgartún frá tollsvæðinu við höfnina hinn 2. ágúst. Þar stóð hann í tvo daga áður en drumbarnir voru teknir og fluttir til Hafnarfjarðar, þar sem fíkniefnin voru fjarlægð. Að því loknu var efnunum pakkað áður en hluti var fluttur til annars aðila til dreifingar og sölu. Lögregla lagði hald á hluta ætlaðra fíkniefna í bifreið við Vefarastræti í Mosfellsbæ. Í gæsluvarðhaldi í á fjórða mánuð Karlmennirnir fjórir eru ákærðir fyrir skipulagða brotastarfsemi, tilraun til stórfellds fíkniefnalagabrots og peningaþvætti. Þeir hafa verið í gæsluvarðhaldi síðan þeir voru handteknir í ágúst. Dómari spurði þá, hvern á fætur öðrum úr dómsal í morgun, hver afstaða þeirra væri til ákæruefnisins. Hvort þeir játuðu eða neituðu sök. Þrír þeirra neituðu að forminu til sök varðandi innflutning og peningaþvætti. Tveir þeirra virtust þó ýmist vilja játa aðild að málinu að miklu eða einhverju leyti en orðalag í ákærunni gerði það að verkum að þeir gætu ekki játað brot sitt. Sá fjórði tók ekki afstöðu til málsins að svo stöddu. Boða nánari skýringar í greinargerðum Páll Jónsson, timburinnflytjandi á sjötugsaldri, byrjaði á því að játa að hluta sök varðandi innflutninginn. Unnsteinn Elvarsson, lögmaður hans, greip svo orðið og áréttaði að hans maður neitaði sök hvað varðaði þann hluta málsins. Páll ræddi við dómara frá gæsluvarðhaldsfangelsinu á Hólmsheiði. Unnsteinn Elvarsson, lögmaður hans, boðaði að greinargerð yrði skilað varðandi þann þátt ákærunnar og skýrt nánar hvaða þátt ákæruliðsins Páll gengist við. Páli er gefið að sök peningaþvætti með því að hafa með ólögmætum hætti hagnast um rúmlega sextán milljónir króna án þess að nokkrar skýringar væru að finna á hagnaðinum. Páll neitaði sök í þeim hluta ákærunnar. Daði Björnsson, þrítugur karlmaður, ræddi við dómara frá Litla-Hrauni. Daði sagðist hafa viljað játa sök í þeim þætti ákærunnar sem sneri að fíkniefnainnflutningnum. Hann sagði orðalag í ákærunni ekki gefa honum kost á því og neitaði því sök. Honum er sömuleiðis gefið að sök peningaþvætti með því að hafa hagnast um rúmlega sextán milljónir eftir óútskýrðum leiðum. Hann neitaði sök í þeim þætti ákærunnar. Arnar Kormákur Friðriksson, verjandi Daða, boðaði greinargerð sem skýri nánar afstöðu Daða til ákærunnar. Daði var ákærður í þriðja lið fyrir að hafa við handtöku haft í vörslum sínum maríjúana, tæplega kíló af kannabislaufum og á þriðja tug kannabisplantna. Hann játaði þessi brot sín og sömuleiðis að hafa staðið að kannabisræktun. Vilja frekari greiningu á efnum Jóhannes Páll Durr, 28 ára karlmaður, ræddi við dómara frá Litla-Hrauni. Hann neitaði sök hvað við kemur innflutningi á kókaíninu. Þá neitaði hann sömuleiðis að hafa stundað peningaþvætti með því að eiga sautján milljónir á bankabók án þess að uppruni fjármunanna væri ljós. Jóhannes var ákærður fyrir að hafa haft lítilræði af maríjúana og tæplega fjörutíu grömm af MDMA á sér þegar hann var handtekinn þann 4. ágúst. Hann játaði sök en þó með fyrirvara um að magnið sem tilgreint væri í ákæru væri rétt. Birgir Halldórsson, 27 ára karlmaður, ræddi við dómara frá Litla-Hrauni. Hann sagðist ekki tilbúinn að taka afstöðu til ákærunnar. Ragnar Björgvinsson, verjandi hans, boðaði greinagerð þar sem tiltekin yrði afstaða Birgis til ákærunnar. Birgir er ákærður fyrir aðild að innflutningnum og peningaþvætti upp á þrettán milljónir króna. Lögmennirnir óskuðu allir eftir frekari fresti til að afla bankagagna og sömuleiðis eftir því að frekari greining yrði gerð á efnunum sem haldlögð voru. Að loknu samtali við verjendur var ákveðið að aðalmeðferð í málinu hæfist þann 5. janúar. Þá brýndi Sigríður Elsa Kjartansdóttir dómari sérstaklega að sakborningarnir fjórir þyrftu allir að mæta í dómsal í aðalmeðferðinni. Milliþinghald verður í málinu þann 7. desember þar sem verjendur munu skila greinargerðum. Fréttin hefur verið uppfærð. Stóra kókaínmálið 2022 Dómsmál Fíkniefnabrot Tengdar fréttir Stóra kókaínmálið: Liðsstjóri landsliðs og timbursali meðal sakborninga Enginn fjögurra sakborninga í stærsta kókaínmáli Íslandssögunnar á að baki sakaferil að ráði og í hópi þeirra eru timbursali og fyrrverandi liðsstjóri hjá íslensku landsliði í rafíþróttum. Málið verður þingfest á miðvikudag. 14. nóvember 2022 12:23 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Ef stelpur byrja ungar á blæðingum er það fyrsta flaggið“ Innlent Myndband af þjófunum í Hamraborg í fréttum Stöðvar 2 Innlent Halda andlitinu í skólanum en hrynja niður heima Innlent Katrín leiðir og hefur tölfræðilega marktækt forskot á Baldur Innlent Læknir langþreyttur á skriffinnsku: „Mér líður oft eins og Indriða í Fóstbræðrum“ Innlent Hafa vitneskju um mögulegan dvalarstað Íslendings sem flýr réttvísina Erlent Ákærður fyrir að nota slagorð SS-sveitanna á fjöldafundi Erlent Útsendarar Rússa sakaðir um skipulagningu árása í Þýskalandi Erlent Forsetaframbjóðendur í Pallborðinu klukkan 13 á morgun Innlent Tvö flutt á slysadeild eftir bílveltu Innlent Fleiri fréttir Íslenska landslagið ómetanlegt fyrir manninn með loftnet í höfuðkúpunni Myndband sýnir þjófana í Hamraborg hafa lítið fyrir hlutunum Greiðir 2000 krónur á dag í vexti á meðan beðið er eftir Þórkötlu Myndskeið úr Hamraborg og maður sem heyrir liti með loftneti Kíghósti hefur náð útbreiðslu á höfuðborgarsvæðinu Myndband af þjófunum í Hamraborg í fréttum Stöðvar 2 Bein útsending: Hvernig er best að reka heilbrigðisþjónustu? Helga gert að rannsaka slysasleppingarnar Kjarnorkuknúinn kafbátur í stuttri heimsókn Halda andlitinu í skólanum en hrynja niður heima „Sérlega sérstakur“ hellir í Mývatnssveit áfram lokaður Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Fylgi forsetaframbjóðenda, mótmæli Grindvíkinga og einhverfa barna Liður í uppbyggingunni að fólk geti sest niður og unnið úr áfallinu Cyrus og Herkúles fá já en Bergman bannaður Dæmdur fyrir árásina í Úlfarsárdal Katrín leiðir og hefur tölfræðilega marktækt forskot á Baldur „Ef stelpur byrja ungar á blæðingum er það fyrsta flaggið“ Tvö flutt á slysadeild eftir bílveltu Jón Jónsson kemur nýr inn í stjórn Boða til fundar til að ræða framtíð MÍR eftir dómsmál Fjölgun ofbeldisbrota gegn lögreglu og öðrum opinberum starfsmönnum Ritskoðun bjóra: „Þetta er gert fyrir börnin“ Steingrímur J og Njáll Trausti sameinast í orkuvæðingu norðausturhornsins Flóttamenn tóku forskot á stóra plokkdaginn Frumskógur bílastæðagjalda og þau hæstu þúsund krónur Grindvíkingar boða til mótmæla gegn Þórkötlu „Engin ástæða til að boða til kosninga“ Sjá meira
Málið varðar innflutning á um eitt hundrað kílóum af kókaíni sem voru falin í sjö trjádrumbum í timbursendingu til Íslands. Efnunum var komið fyrir í gámnum í Brasilíu en sendingin fór fyrst til Hollands. Lögreglan á Íslandi hafði komist á snoðir um smyglið vegna rannsóknar á skipulagðri brotastarfsemi og lét tollverði í Rotterdam í Hollandi vita sem skiptu kókaíninu út fyrir gerviefni áður en gámurinn var sendur áfram til Íslands. Fram kom í fréttum í sumar að götuvirði efnanna væri um tveir milljarðar króna. Í ákæru segir að gámurinn hafi verið fluttur í Borgartún frá tollsvæðinu við höfnina hinn 2. ágúst. Þar stóð hann í tvo daga áður en drumbarnir voru teknir og fluttir til Hafnarfjarðar, þar sem fíkniefnin voru fjarlægð. Að því loknu var efnunum pakkað áður en hluti var fluttur til annars aðila til dreifingar og sölu. Lögregla lagði hald á hluta ætlaðra fíkniefna í bifreið við Vefarastræti í Mosfellsbæ. Í gæsluvarðhaldi í á fjórða mánuð Karlmennirnir fjórir eru ákærðir fyrir skipulagða brotastarfsemi, tilraun til stórfellds fíkniefnalagabrots og peningaþvætti. Þeir hafa verið í gæsluvarðhaldi síðan þeir voru handteknir í ágúst. Dómari spurði þá, hvern á fætur öðrum úr dómsal í morgun, hver afstaða þeirra væri til ákæruefnisins. Hvort þeir játuðu eða neituðu sök. Þrír þeirra neituðu að forminu til sök varðandi innflutning og peningaþvætti. Tveir þeirra virtust þó ýmist vilja játa aðild að málinu að miklu eða einhverju leyti en orðalag í ákærunni gerði það að verkum að þeir gætu ekki játað brot sitt. Sá fjórði tók ekki afstöðu til málsins að svo stöddu. Boða nánari skýringar í greinargerðum Páll Jónsson, timburinnflytjandi á sjötugsaldri, byrjaði á því að játa að hluta sök varðandi innflutninginn. Unnsteinn Elvarsson, lögmaður hans, greip svo orðið og áréttaði að hans maður neitaði sök hvað varðaði þann hluta málsins. Páll ræddi við dómara frá gæsluvarðhaldsfangelsinu á Hólmsheiði. Unnsteinn Elvarsson, lögmaður hans, boðaði að greinargerð yrði skilað varðandi þann þátt ákærunnar og skýrt nánar hvaða þátt ákæruliðsins Páll gengist við. Páli er gefið að sök peningaþvætti með því að hafa með ólögmætum hætti hagnast um rúmlega sextán milljónir króna án þess að nokkrar skýringar væru að finna á hagnaðinum. Páll neitaði sök í þeim hluta ákærunnar. Daði Björnsson, þrítugur karlmaður, ræddi við dómara frá Litla-Hrauni. Daði sagðist hafa viljað játa sök í þeim þætti ákærunnar sem sneri að fíkniefnainnflutningnum. Hann sagði orðalag í ákærunni ekki gefa honum kost á því og neitaði því sök. Honum er sömuleiðis gefið að sök peningaþvætti með því að hafa hagnast um rúmlega sextán milljónir eftir óútskýrðum leiðum. Hann neitaði sök í þeim þætti ákærunnar. Arnar Kormákur Friðriksson, verjandi Daða, boðaði greinargerð sem skýri nánar afstöðu Daða til ákærunnar. Daði var ákærður í þriðja lið fyrir að hafa við handtöku haft í vörslum sínum maríjúana, tæplega kíló af kannabislaufum og á þriðja tug kannabisplantna. Hann játaði þessi brot sín og sömuleiðis að hafa staðið að kannabisræktun. Vilja frekari greiningu á efnum Jóhannes Páll Durr, 28 ára karlmaður, ræddi við dómara frá Litla-Hrauni. Hann neitaði sök hvað við kemur innflutningi á kókaíninu. Þá neitaði hann sömuleiðis að hafa stundað peningaþvætti með því að eiga sautján milljónir á bankabók án þess að uppruni fjármunanna væri ljós. Jóhannes var ákærður fyrir að hafa haft lítilræði af maríjúana og tæplega fjörutíu grömm af MDMA á sér þegar hann var handtekinn þann 4. ágúst. Hann játaði sök en þó með fyrirvara um að magnið sem tilgreint væri í ákæru væri rétt. Birgir Halldórsson, 27 ára karlmaður, ræddi við dómara frá Litla-Hrauni. Hann sagðist ekki tilbúinn að taka afstöðu til ákærunnar. Ragnar Björgvinsson, verjandi hans, boðaði greinagerð þar sem tiltekin yrði afstaða Birgis til ákærunnar. Birgir er ákærður fyrir aðild að innflutningnum og peningaþvætti upp á þrettán milljónir króna. Lögmennirnir óskuðu allir eftir frekari fresti til að afla bankagagna og sömuleiðis eftir því að frekari greining yrði gerð á efnunum sem haldlögð voru. Að loknu samtali við verjendur var ákveðið að aðalmeðferð í málinu hæfist þann 5. janúar. Þá brýndi Sigríður Elsa Kjartansdóttir dómari sérstaklega að sakborningarnir fjórir þyrftu allir að mæta í dómsal í aðalmeðferðinni. Milliþinghald verður í málinu þann 7. desember þar sem verjendur munu skila greinargerðum. Fréttin hefur verið uppfærð.
Stóra kókaínmálið 2022 Dómsmál Fíkniefnabrot Tengdar fréttir Stóra kókaínmálið: Liðsstjóri landsliðs og timbursali meðal sakborninga Enginn fjögurra sakborninga í stærsta kókaínmáli Íslandssögunnar á að baki sakaferil að ráði og í hópi þeirra eru timbursali og fyrrverandi liðsstjóri hjá íslensku landsliði í rafíþróttum. Málið verður þingfest á miðvikudag. 14. nóvember 2022 12:23 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Ef stelpur byrja ungar á blæðingum er það fyrsta flaggið“ Innlent Myndband af þjófunum í Hamraborg í fréttum Stöðvar 2 Innlent Halda andlitinu í skólanum en hrynja niður heima Innlent Katrín leiðir og hefur tölfræðilega marktækt forskot á Baldur Innlent Læknir langþreyttur á skriffinnsku: „Mér líður oft eins og Indriða í Fóstbræðrum“ Innlent Hafa vitneskju um mögulegan dvalarstað Íslendings sem flýr réttvísina Erlent Ákærður fyrir að nota slagorð SS-sveitanna á fjöldafundi Erlent Útsendarar Rússa sakaðir um skipulagningu árása í Þýskalandi Erlent Forsetaframbjóðendur í Pallborðinu klukkan 13 á morgun Innlent Tvö flutt á slysadeild eftir bílveltu Innlent Fleiri fréttir Íslenska landslagið ómetanlegt fyrir manninn með loftnet í höfuðkúpunni Myndband sýnir þjófana í Hamraborg hafa lítið fyrir hlutunum Greiðir 2000 krónur á dag í vexti á meðan beðið er eftir Þórkötlu Myndskeið úr Hamraborg og maður sem heyrir liti með loftneti Kíghósti hefur náð útbreiðslu á höfuðborgarsvæðinu Myndband af þjófunum í Hamraborg í fréttum Stöðvar 2 Bein útsending: Hvernig er best að reka heilbrigðisþjónustu? Helga gert að rannsaka slysasleppingarnar Kjarnorkuknúinn kafbátur í stuttri heimsókn Halda andlitinu í skólanum en hrynja niður heima „Sérlega sérstakur“ hellir í Mývatnssveit áfram lokaður Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Fylgi forsetaframbjóðenda, mótmæli Grindvíkinga og einhverfa barna Liður í uppbyggingunni að fólk geti sest niður og unnið úr áfallinu Cyrus og Herkúles fá já en Bergman bannaður Dæmdur fyrir árásina í Úlfarsárdal Katrín leiðir og hefur tölfræðilega marktækt forskot á Baldur „Ef stelpur byrja ungar á blæðingum er það fyrsta flaggið“ Tvö flutt á slysadeild eftir bílveltu Jón Jónsson kemur nýr inn í stjórn Boða til fundar til að ræða framtíð MÍR eftir dómsmál Fjölgun ofbeldisbrota gegn lögreglu og öðrum opinberum starfsmönnum Ritskoðun bjóra: „Þetta er gert fyrir börnin“ Steingrímur J og Njáll Trausti sameinast í orkuvæðingu norðausturhornsins Flóttamenn tóku forskot á stóra plokkdaginn Frumskógur bílastæðagjalda og þau hæstu þúsund krónur Grindvíkingar boða til mótmæla gegn Þórkötlu „Engin ástæða til að boða til kosninga“ Sjá meira
Stóra kókaínmálið: Liðsstjóri landsliðs og timbursali meðal sakborninga Enginn fjögurra sakborninga í stærsta kókaínmáli Íslandssögunnar á að baki sakaferil að ráði og í hópi þeirra eru timbursali og fyrrverandi liðsstjóri hjá íslensku landsliði í rafíþróttum. Málið verður þingfest á miðvikudag. 14. nóvember 2022 12:23