Innlent

Kvöld­fréttir Stöðvar 2

Árni Sæberg skrifar
Margrét Helga Erlingsdóttir les fréttir í kvöld.
Margrét Helga Erlingsdóttir les fréttir í kvöld. Vísir/arnar

Logi Einarsson sagði í kveðjuræðu sinni á landsfundi Samfylkingarinnar í dag að jafnaðarstefnan væri svarið við úrlausn risavaxinna vandamála samtímans vegna misskiptingar, sóunar og loftslagsbreytinga. Kristrún Frostadóttir tekur við formannsembætti flokksins í kvöld og við ræðum við hana í beinni útsendingu í kvöldfréttum Stöðvar 2.

Verjendur í Rauðagerðismálinu telja réttarkerfið hafa brugðist og segja niðurstöðu Landsréttar koma verulega á óvart. Dómur yfir Angjelin Sterkaj sem skaut Armando Beqirai til bana var þyngdur og sýknu þriggja samverkamanna var snúið við. Við heyrum í verjendum og förum yfir málið með afbrotafræðingi.

Formaður dýravelferðarsambands Íslands segir að grípa þurfi til aðgerða í Borgarbyggð þar sem vísbendingar séu um að nautgripir búi við slæman aðbúnað. Efla þurfi allt eftirlit með dýravelferð. Við förum yfir málið en hún segir að efla þurfi allt eftirlit með dýravelferð.

Þá verðum við í beinni frá London þar sem mikil bjartsýni ríkir á ferðaþjónustukynningu þrátt fyrir þrengingar í efnahagslífinu, fylgjumst með skákmeisturum sem fóru að leiði Bobby Fischer í dag og verðum í beinni frá nýsköpunarkeppninni Gullegginu.

Þetta og margt fleira á samtengdum rásum Bylgjunnar og Stöðvar 2 klukkan 18:30.

Kvöldfréttir Stöðvar 2
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið