Mörður eyddi athugasemd Karls um meint dáðleysi Kjartans Jakob Bjarnar skrifar 25. október 2022 14:37 Kristrún Frostadóttir er ein í framboði til formanns Samfylkingarinnar. Þó yfirborðið sé lygnt ólgar og kraumar undir niðri og víst að tekist verður á um eitt og annað á Landsfundi sem haldinn verður um helgina. vísir/vilhelm Þung undiralda er fyrir væntanlegan Landsfund Samfylkingarinnar sem haldinn verður um helgina. Ýmsar væringar innan flokks hafa leitað upp á yfirborðið í vikunni. Víst er að tekist verður á um ýmis mál á Landsfundinum þó að á yfirborðinu sé lygnt. Kristrún Frostadóttir verður ein í framboði til formanns flokksins. Langt er síðan Logi Einarsson gaf það út að hann myndi ekki sækjast eftir endurkjöri og þeir eru til sem telja það veikleikamerki að Kristrún, eftir til þess að gera skamman pólitískan feril, skuli ekki fá mótframboð; að áhugi á þeirri vegsemd sé ekki meiri. Á móti má benda á að innanbúðarvíg hafa leikið einhug innan stjórnmálaflokka grátt. Kjartan vill sitja áfram en við dræmar undirtektir Þá stefnir allt í að Guðmundur Árni Stefánsson, leiðtogi Samfylkingarinnar í Hafnarfirði hvar hann vann kosningasigur í síðustu sveitarstjórnarkosningum, verði sjálfkjörinn í embætti varaformanns. Þó flokkadrættir eða vísbendingar um átök sýni sig ekki í tengslum við kjör í æðstu stöður flokksins stefnir ekki í neina lognmollu. Greina má verulegt óþol á öðrum póstum. Kjartan Valgarðsson, formaður framkvæmdastjórnar Samfylkingarinnar, sendi frá sér yfirlýsingu í gær þar sem hann boðaði það að hann gæfi áfram á sér kost í þá stöðu. Kjartan sendi frá sér sérstakan bækling til að styðja við framboð sitt og er það líkast til einsdæmi um framboð sem þetta. Ekki er hægt að segja að viðbrögð við tilkynningu Kjartans á Facebook séu mikil né að þau einkennist af húrrahrópum. En Mörður Árnason, fyrrverandi þingmaður Samfylkingar, deilir áfram tilkynningu Kjartans og lýsir yfir stuðningi við félaga Kjartan. Karl gefur minna en ekkert fyrir framboð Kjartans Karl Th. Birgisson blaðamaður, fyrrverandi framkvæmdastjóri Samfylkingarinnar, gefur hins vegar minna en ekkert fyrir það að Kjartan gefi kost á sér til áframhaldandi setu. Hann ritar harðorða athugasemd, svohljóðandi: Víst er að Kjartan Valgarðsson er ekki óumdeildur maður og hann fékk útreið á Facebook-síðu Marðar stuðningsmanns síns í athugasemd Karls Th. Birgissonar.Samfylkingin „Merkilegt. Þarna er ekki stakt orð um að Kjartan vill þrengja flokkinn frekar en opna hann. Heldur ekki að hann hrakti Karen Kjartansdóttur úr starfi framkvæmdastjóra. Enn síður að tekin var upp ritskoðun á vettvangi flokksins hér, sem er bæði hættuleg og hlægileg. „Þjálfun og fræðsla“ hljómar eins og það sem Lenín skrifaði fyrir hundrað árum, en er reyndar enn praktíserað í Kína. – Verst þó kannske, en kemur ekki endilega á óvart, að hvergi örlar á hálfri hugmynd um hvernig vinna megi kosningar. Hvað sem líður öllum símtölum og tölvubréfum frá flokknum til félagsmanna. Það gerist ekki með útgáfu sænskra handbóka.“ Þegar menn vildu rifja upp þennan snarpa pistil í morgun var hann hins vegar horfinn. Mörður hefur eytt athugasemdinni og ritar: „Til upplýsingar að gefnu tilefni: Á mínum þræði ríkir umburðarlyndi og veruleg þolinmæði, einkum gagnvart umræðu um sjálfan mig. Þeir sem hinsvegar hafa þörf fyrir að ganga örna sinna með ritrænum hætti eru beðnir að snúa sér annað.“ Mörður var afar ósáttur við athugasemd síns gamla samherja og framkvæmdastjóra flokksins, Karls Th. Birgissonar, svo mjög að hann eyddi henni og Karl fékk jafnframt að fjúka af vinalista Marðar.siðmennt Svo mjög rann Merði í skap við þessi orð Karls, samherja síns til margra ára, að hann lét Karl jafnframt fjúka af vinalista sínum á Facebook. Flosi íhugar framboð Af þessu má ráða að Kjartan óttast mótframboð og hann hefur líklega ástæðu til þess. Samkvæmt heimildum Vísis er Flosi Eiríksson, fyrrverandi framkvæmdastjóri Starfsgreinasambandsins, að íhuga að bjóða sig fram í þessa stöðu en ýmsir valdamenn innan flokksins hafa skorað á hann að gera það. Flosi Eiríksson var meðal fjölmargra viðstaddra þegar Kristrún Frostadóttir tilkynnti að hún gæfi kost á sér í formannskjöri Samfylkingarinnar á landsfundi flokksins þann 28. október næstkomandi. Hann er hér ásamt Pétri Hrafni Siguðssyni Samfylkingarmanni úr Kópavogi og Ástu Ragnheiði Jóhannesdóttur fyrrverandi þingmanni flokksins.vísir/vilhelm Þá stefnir í hasar um tillögu fyrrverandi þingmanna flokksins, þeirra Kristjáns L. Möller og áðurnefnds Marðar. Þeir hyggjast leggja fram tillögu um að Samfylkingin breyti um nafn, að orðið Jafnaðarflokkurinn komi í stað orðsins Samfylkingin eða orðanna Samfylkingin – jafnaðarmannaflokkur Íslands. Þetta er ekki í fyrsta skipti sem tillaga á borð við þessa kemur fram. Jóhanna Sigurðardóttir þá formaður Samfylkingarinnar og Margrét S. Björnsdóttir, þá formaður framkvæmdastjórnar flokksins, vildu 2013 breyta nafni Samfylkingarinnar í Samfylkingin – Jafnaðarmannaflokkur Íslands. Þeir Kristján og Mörður segja nafnið barn síns tíma og hafi í raun verið vinnuheiti þegar kosningabandalagið varð til. Meint náttúrulaust og merkingarlaust heiti Þessi hugmynd hefur hins vegar víða fallið í grýtta jörð. Í tilkynningu frá Ungu jafnaðarfólki segir að hreyfingin hafni umræðu síðustu vikna um að nauðsynlegt sé að breyta um nafn Samfylkingarinnar en lýsi þó yfir stuðningi við að sett verði í lög flokksins að merki hans skuli vera rós. Þá ritar Jón Gunnar Ottósson, eiginmaður Margrétar Frímannsdóttur og fyrsta formanns Samfylkingarinnar, pistil á Facebook þar sem hann telur þetta afleita hugmynd. Hann skilur ekki þann vilja sem hann les í tillöguna: „Þrengja markmiðin með því að kalla flokkinn Jafnaðarflokk Íslands, sleppa orðinu Samfylking, eins og sumir vilja; búa til nýtt náttúrulaust og merkingarlaust heiti.“ Meðal þeirra sem gefa merki um að vera sammála Jóni Gunnari eru áhrifamenn innan Samfylkingarinnar; þeir Stefán Jón Hafstein og Björgvin G. Sigurðsson fyrrverandi ráðherra. Kratarós og embætti ritara Ónefnt er þá það sem liggur fyrir sem er að Arna Lára Jónsdóttir, bæjarstjóri á Ísafirði, mun bjóða sig fram í ritaraembætti flokksins. En sitjandi ritari, Alexandra Ýr van Erven, er ritari og hefur verið síðan 2020. Alexandra Ýr hefur gefið það út að hún vilji vera áfram þannig að þar verður kosið. Annað sem nefna má til dæmis um nokkuð sem gæti valdið ólgu á komandi Landsfundi eru svo áform um að taka upp nýtt merki fyrir flokkinn. Hugmyndin er sú að rósin, sem er alþjóðlegt merki jafnaðarmanna, verði í aðahlutverki í nýju merki. Fyrir liggur hugmynd að uppfæra merki Samfylkingarinnar og að þar verði rósin, alþjóðlegt merki jafnaðarmanna, í aðalhlutverki. En óvíst er að friður verði um þá hugmynd. Samkvæmt heimildum Vísis hefur enginn ágreiningur risið vegna þessa innan flokksins og er Kristrún Frostadóttir væntanlegur formaður sögð fylgjandi hugmyndinni. Hins vegar er ekki óvarlegt að ætla að einhverjir sem í Samfylkingu eru og komu í hana úr Alþýðubandalaginu eða Kvennalista þyki sem þarna sé verið að halla sér um of að gamla Alþýðuflokknum, sem einmitt var með rós í sínu merki; svonefnd kratarós. Nóg sé nú samt með tillögu um breytingu á nafni flokksins. Samfylkingin Fréttaskýringar Samfélagsmiðlar Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Pallborðið: Stungið höfðinu í sandinn í tuttugu ár Innlent Falsað myndband af kennara og nemanda fór í dreifingu Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent „Ísrael mun missa allan stuðning“ Erlent Annað safn rænt í Frakklandi um helgina Erlent Fleiri fréttir Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Sjá meira
Víst er að tekist verður á um ýmis mál á Landsfundinum þó að á yfirborðinu sé lygnt. Kristrún Frostadóttir verður ein í framboði til formanns flokksins. Langt er síðan Logi Einarsson gaf það út að hann myndi ekki sækjast eftir endurkjöri og þeir eru til sem telja það veikleikamerki að Kristrún, eftir til þess að gera skamman pólitískan feril, skuli ekki fá mótframboð; að áhugi á þeirri vegsemd sé ekki meiri. Á móti má benda á að innanbúðarvíg hafa leikið einhug innan stjórnmálaflokka grátt. Kjartan vill sitja áfram en við dræmar undirtektir Þá stefnir allt í að Guðmundur Árni Stefánsson, leiðtogi Samfylkingarinnar í Hafnarfirði hvar hann vann kosningasigur í síðustu sveitarstjórnarkosningum, verði sjálfkjörinn í embætti varaformanns. Þó flokkadrættir eða vísbendingar um átök sýni sig ekki í tengslum við kjör í æðstu stöður flokksins stefnir ekki í neina lognmollu. Greina má verulegt óþol á öðrum póstum. Kjartan Valgarðsson, formaður framkvæmdastjórnar Samfylkingarinnar, sendi frá sér yfirlýsingu í gær þar sem hann boðaði það að hann gæfi áfram á sér kost í þá stöðu. Kjartan sendi frá sér sérstakan bækling til að styðja við framboð sitt og er það líkast til einsdæmi um framboð sem þetta. Ekki er hægt að segja að viðbrögð við tilkynningu Kjartans á Facebook séu mikil né að þau einkennist af húrrahrópum. En Mörður Árnason, fyrrverandi þingmaður Samfylkingar, deilir áfram tilkynningu Kjartans og lýsir yfir stuðningi við félaga Kjartan. Karl gefur minna en ekkert fyrir framboð Kjartans Karl Th. Birgisson blaðamaður, fyrrverandi framkvæmdastjóri Samfylkingarinnar, gefur hins vegar minna en ekkert fyrir það að Kjartan gefi kost á sér til áframhaldandi setu. Hann ritar harðorða athugasemd, svohljóðandi: Víst er að Kjartan Valgarðsson er ekki óumdeildur maður og hann fékk útreið á Facebook-síðu Marðar stuðningsmanns síns í athugasemd Karls Th. Birgissonar.Samfylkingin „Merkilegt. Þarna er ekki stakt orð um að Kjartan vill þrengja flokkinn frekar en opna hann. Heldur ekki að hann hrakti Karen Kjartansdóttur úr starfi framkvæmdastjóra. Enn síður að tekin var upp ritskoðun á vettvangi flokksins hér, sem er bæði hættuleg og hlægileg. „Þjálfun og fræðsla“ hljómar eins og það sem Lenín skrifaði fyrir hundrað árum, en er reyndar enn praktíserað í Kína. – Verst þó kannske, en kemur ekki endilega á óvart, að hvergi örlar á hálfri hugmynd um hvernig vinna megi kosningar. Hvað sem líður öllum símtölum og tölvubréfum frá flokknum til félagsmanna. Það gerist ekki með útgáfu sænskra handbóka.“ Þegar menn vildu rifja upp þennan snarpa pistil í morgun var hann hins vegar horfinn. Mörður hefur eytt athugasemdinni og ritar: „Til upplýsingar að gefnu tilefni: Á mínum þræði ríkir umburðarlyndi og veruleg þolinmæði, einkum gagnvart umræðu um sjálfan mig. Þeir sem hinsvegar hafa þörf fyrir að ganga örna sinna með ritrænum hætti eru beðnir að snúa sér annað.“ Mörður var afar ósáttur við athugasemd síns gamla samherja og framkvæmdastjóra flokksins, Karls Th. Birgissonar, svo mjög að hann eyddi henni og Karl fékk jafnframt að fjúka af vinalista Marðar.siðmennt Svo mjög rann Merði í skap við þessi orð Karls, samherja síns til margra ára, að hann lét Karl jafnframt fjúka af vinalista sínum á Facebook. Flosi íhugar framboð Af þessu má ráða að Kjartan óttast mótframboð og hann hefur líklega ástæðu til þess. Samkvæmt heimildum Vísis er Flosi Eiríksson, fyrrverandi framkvæmdastjóri Starfsgreinasambandsins, að íhuga að bjóða sig fram í þessa stöðu en ýmsir valdamenn innan flokksins hafa skorað á hann að gera það. Flosi Eiríksson var meðal fjölmargra viðstaddra þegar Kristrún Frostadóttir tilkynnti að hún gæfi kost á sér í formannskjöri Samfylkingarinnar á landsfundi flokksins þann 28. október næstkomandi. Hann er hér ásamt Pétri Hrafni Siguðssyni Samfylkingarmanni úr Kópavogi og Ástu Ragnheiði Jóhannesdóttur fyrrverandi þingmanni flokksins.vísir/vilhelm Þá stefnir í hasar um tillögu fyrrverandi þingmanna flokksins, þeirra Kristjáns L. Möller og áðurnefnds Marðar. Þeir hyggjast leggja fram tillögu um að Samfylkingin breyti um nafn, að orðið Jafnaðarflokkurinn komi í stað orðsins Samfylkingin eða orðanna Samfylkingin – jafnaðarmannaflokkur Íslands. Þetta er ekki í fyrsta skipti sem tillaga á borð við þessa kemur fram. Jóhanna Sigurðardóttir þá formaður Samfylkingarinnar og Margrét S. Björnsdóttir, þá formaður framkvæmdastjórnar flokksins, vildu 2013 breyta nafni Samfylkingarinnar í Samfylkingin – Jafnaðarmannaflokkur Íslands. Þeir Kristján og Mörður segja nafnið barn síns tíma og hafi í raun verið vinnuheiti þegar kosningabandalagið varð til. Meint náttúrulaust og merkingarlaust heiti Þessi hugmynd hefur hins vegar víða fallið í grýtta jörð. Í tilkynningu frá Ungu jafnaðarfólki segir að hreyfingin hafni umræðu síðustu vikna um að nauðsynlegt sé að breyta um nafn Samfylkingarinnar en lýsi þó yfir stuðningi við að sett verði í lög flokksins að merki hans skuli vera rós. Þá ritar Jón Gunnar Ottósson, eiginmaður Margrétar Frímannsdóttur og fyrsta formanns Samfylkingarinnar, pistil á Facebook þar sem hann telur þetta afleita hugmynd. Hann skilur ekki þann vilja sem hann les í tillöguna: „Þrengja markmiðin með því að kalla flokkinn Jafnaðarflokk Íslands, sleppa orðinu Samfylking, eins og sumir vilja; búa til nýtt náttúrulaust og merkingarlaust heiti.“ Meðal þeirra sem gefa merki um að vera sammála Jóni Gunnari eru áhrifamenn innan Samfylkingarinnar; þeir Stefán Jón Hafstein og Björgvin G. Sigurðsson fyrrverandi ráðherra. Kratarós og embætti ritara Ónefnt er þá það sem liggur fyrir sem er að Arna Lára Jónsdóttir, bæjarstjóri á Ísafirði, mun bjóða sig fram í ritaraembætti flokksins. En sitjandi ritari, Alexandra Ýr van Erven, er ritari og hefur verið síðan 2020. Alexandra Ýr hefur gefið það út að hún vilji vera áfram þannig að þar verður kosið. Annað sem nefna má til dæmis um nokkuð sem gæti valdið ólgu á komandi Landsfundi eru svo áform um að taka upp nýtt merki fyrir flokkinn. Hugmyndin er sú að rósin, sem er alþjóðlegt merki jafnaðarmanna, verði í aðahlutverki í nýju merki. Fyrir liggur hugmynd að uppfæra merki Samfylkingarinnar og að þar verði rósin, alþjóðlegt merki jafnaðarmanna, í aðalhlutverki. En óvíst er að friður verði um þá hugmynd. Samkvæmt heimildum Vísis hefur enginn ágreiningur risið vegna þessa innan flokksins og er Kristrún Frostadóttir væntanlegur formaður sögð fylgjandi hugmyndinni. Hins vegar er ekki óvarlegt að ætla að einhverjir sem í Samfylkingu eru og komu í hana úr Alþýðubandalaginu eða Kvennalista þyki sem þarna sé verið að halla sér um of að gamla Alþýðuflokknum, sem einmitt var með rós í sínu merki; svonefnd kratarós. Nóg sé nú samt með tillögu um breytingu á nafni flokksins.
Samfylkingin Fréttaskýringar Samfélagsmiðlar Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Pallborðið: Stungið höfðinu í sandinn í tuttugu ár Innlent Falsað myndband af kennara og nemanda fór í dreifingu Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent „Ísrael mun missa allan stuðning“ Erlent Annað safn rænt í Frakklandi um helgina Erlent Fleiri fréttir Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Sjá meira
Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda