Innlent

Bein útsending: Kvöldfréttir Stöðvar 2

Sunna Sæmundsdóttir skrifar
Sindri Sindrason les kvöldfréttir Stöðvar 2.
Sindri Sindrason les kvöldfréttir Stöðvar 2. Stöð 2

Rishi Sunak verður næsti forsætisráðherra Bretlands og sá þriðji á þessu ári. Stjórnarandstaðan kallar eftir kosningum og segir Íhaldsmenn ekki geta teflt fram nýjum leiðtoga í hverjum mánuði.

Við fjöllum nánar um málið í kvöldfréttum og fáum Eirík Bergmann prófessor í stjórnmálafræði í settið til að fara yfir nýjustu vendingar í breskri pólitík.

Ríflega fjörutíu börn flóttafólks komast ekki í grunnskóla vegna þess að ríki og nokkur sveitarfélög hafa enn ekki samið. Forstjóri Vinnumálastofnunar sem vistar um þúsund manns í skammtímavistun segir brýnt að leysa málið. Fjallað verður nánar um málið í kvöldfréttum og rætt við formann Sambands íslenskra sveitarfélaga í beinni útsendingu.

Kvennafrídagurinn er í dag og kvenréttindafélag Íslands hvatti konur til að ganga úr vinnu klukkan korter yfir þrjú í tilefni þess. Um 22 prósenta munur er á atvinnutekjum karla og kvenna í landinu og BSRB stefnir að sérstökum kvennakjarasamningum á næsta ári.

Þá kynnum við okkur risa skákmót sem er að hefjast hér á landi og hittum tíu ára strák sem smalar kindum og hefur þjálfað hund til þess að hjálpa sér.

Þetta og fleira á samtengdum rásum Bylgjunnar og Stöðvar 2 klukkan 18:30.

Kvöldfréttir Stöðvar 2
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið