Erlent

Rúmlega sex hundruð látnir eftir flóð í Nígeríu

Atli Ísleifsson skrifar
Flóðin hafa kaffært stór svæði í 27 af 36 héruðum landsins.
Flóðin hafa kaffært stór svæði í 27 af 36 héruðum landsins. EPA

Rúmlega sex hundruð hafa látið lífið vegna flóða í Nígeríu síðustu daga. Flóðunum hefur verið lýst sem þeim verstu í landinu í áratug.

BBC hefur eftir ráðherra hamfarastjórnunar í landinu að yfirvöld í fjölda héraða hafi verið illa undirbúin undir hamfarirnar.

Um 1,3 milljónir manna hafa neyðst til að flýja heimili sín og þá hafa um 200 þúsund heimili eyðilagst í hamförunum. Reiknað er með að flóðin muni halda áfram til loka nóvembermánaðar.

Nígeríumenn eru vanir flóðum á þessum árstíma en flóðin ár hafa verið umtalsvert verri en síðustu ár. Stjórnvöld segja að sérstaklega mikilli úrkomu og loftslagsbreytinum sé um að kenna.

Flóðin hafa kaffært stór svæði í 27 af 36 héruðum landsins.

Nígería Náttúruhamfarir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið