Britney fyrirgefur mömmu sinni ekki

Í síðustu viku opnaði Britney sig á Instagram um það hvernig enginn í fjölskyldunni hennar væri að taka ábyrgð og að þeim þætti ekkert rangt við það sem hafi átt sér stað. „Þau gætu að minnsta kosti tekið ábyrgð á gjörðum sínum og viðurkennt þá staðreynd að þau særðu mig,“ sagði Britney meðal annars um að hafa verið svipt sjálfræði í þrettán ár. 

Söngkonan sagðist einnig vera búin að skrifa þrjár útgáfur af bók um lífið sitt og að hún sé búin að leita sér mikillar sálfræðiaðstoðar. Hún telur það þó ólíklegt að hún muni nokkurn tímann komast yfir það sem átti sér stað. 

Mamma hennar skrifaði athugasemd

„Ég er svooo leið yfir sársaukanum sem þú finnur! Ég hef verið miður mín í mörg ár! Ég elska þig svo mikið og sakna þín. Viltu vinsamlegast unblocka mig svo ég geti talað við þig í persónu! Britney, innst inni veistu hvað ég elska þig og sakna þín mikið! Ég biðst afsökunar á öllu sem hefur sært þig!“ Skrifaði móðir hennar Lynne Spears undir færsluna. 

Þess má geta að móðir hennar krafðist þess að Britney myndi borga lögfræðikostnaðinn sinn, sem hún þurfti að greiða fyrir í tengslum við sjálfræðisbaráttu dóttur sinnar. Britney neitaði því og fór móðir hennar í mál við hana.

Britney svarar mömmu sinni

Nú hefur Britney hafa svarað móður sinni. „Í þrettán ár þurfti ég að hitta lækna vikulega til þess að rifja upp fortíðina mín sem gerði allt verra,“ sagði Britney. Hún segir að á sama tíma hafi allir innan fjölskyldunnar sinnar verið í vímu eða drukknir. 

Hún segist hafa verið dýrlingur sem þorði ekki að hreyfa sig af ótta við það að pabbi sinn myndi setja sig inn á stofnun. Hún segir ekki eina manneskju hafa staðið með sér. „Mamma taktu afsökunarbeiðnina þína og rí**u þér! Og til allra læknanna sem voru að rugla í hausnum á mér, ég bið þess að þið brennið öll í helvíti!“