Kvöldfréttir Stöðvar 2

Ellen Geirsdóttir Håkansson skrifar 23. september 2022 18:00

Í fréttum okkar á samtengdum rásum Stöðvar 2 og Bylgjunnar klukkan hálf sjö segjum við frá því að lögregla hafði um langt skeið rannsakað mennina sem eru grunaðir um að undirbúa hryðjuverk vegna gruns um framleiðslu og sölu á skotvopnum. Við förum yfir atburðarás málsins en í skilaboðum milli mannanna sem eru í haldi komU fyrir orð eins og fjöldamorð samkvæmt upplýsingum fréttastofu.

Stjórnmálafræðiprófessor sem hefur rannsakað öfgahópa, þjóðernissinna og popúlimsa um árabil segir það sem fram hefur komið um þetta mál afar ólíkt sambærilegum málum sem hafa komið upp á Norðurlöndum.

Þá verður fjallað um frumvarp dómsmálaráðherra um forvirkar rannsóknarheimildir en þingmaður segir það þýða að lögregla geti haft eftirlit með fólki sem ekki hefur brotið af sér.

Og út í heim en ekkert lát er á hatrömmum mótmælum í Íran eftir að ung kona lést í haldi lögreglu fyrir brot á ströngum reglum um klæðaburð.

Við förum svo í kyrrð hinnar íslensku sveitar en kúabændur landsins hafa náð að auka meðalframleiðslu á hverja kýr um helming á síðustu 30 árum. Á sama tíma hefur mjólkurkúm fækkað.

Við endum svo fréttatímann á Knattspyrnuliðinu Þorlák sem vann Boladeildina í knattspyrnu fyrr í vikunni, á afmælisdegi vinar liðsmanna sem féll fyrir eigin hendi - og liðið er nefnt eftir.

Kvöldfréttir Stöðvar 2

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.