Sérsveitin í aðgerð á iðnaðarsvæði í Mosfellsbæ

Tryggvi Páll Tryggvason skrifar 21. september 2022 15:37

Aðgerðir sérsveitar voru við þetta húsnæði í iðnaðarhverfi í Mosfellsbæ. Vísir/BjarniEinars

Sérsveit ríkisslögreglustjóra og lögreglan á höfuðborgarsvæðinu standa nú í aðgerð á iðnaðarsvæði í Mosfellsbæ. Sérsveitin handtók einnig karlmann í Kópavogi fyrr í dag.

Þetta staðfestir samskiptastjóri ríkislögreglustjóra í samtali við fréttastofu. Stundin greindi frá aðgerðum lögreglu á öðrum tímanum í dag. Þar kemur fram að aðgerðir lögreglu beinist að iðnaðarhúsi á umræddu svæði.

Sérsveitin var einnig að verki í Hlíðarsmára í Kópavogi í dag, þar sem karlmaður var handtekinn í aðgerðum hennar, að sögn samskiptastjórans. Fréttablaðið greindi frá handtökunni fyrr í dag. Ekki liggur fyrir hvort að handtakan í Kópavogi og aðgerðin í Mosfellsbæ tengist.

Von er á yfirlýsingu frá lögreglu síðar í dag vegna málsins.

Grunaðir um skipulagningu hryðjuverka Lögreglumál Kópavogur Mosfellsbær

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.