Sport

For­m­að­­ur seg­­ir af sér eft­­ir meint­an ölv­un­ar­akst­ur lands­liðs­þjálf­ar­a

Samúel Karl Ólason skrifar
Kristinn Arason, fráfarandi formaður Fimleikasambands Íslands.
Kristinn Arason, fráfarandi formaður Fimleikasambands Íslands. Fimleikasamband Íslands

Kristinn Arason, fyrrverandi formaður Fimleikasambands Íslands, sagði af sér á fundi stjórnar sambandsins í kvöld. Það gerði hann vegna ákvörðunar stjórnar Fimleikasambandsins að gera nýjan samning við landsliðsþjálfara sem er sagður hafa keyrt undir áhrifum áfengis eftir samkvæmi í sumar.

Kristinn vildi ekki tjá sig um málið í samtali við Vísi í kvöld.

Fimleikasambandið fékk ábendingar um það í sumar, eftir samkvæmi sem haldin voru í kjölfar Norðurlandamóts sem haldið var hér á landi í júlí, að vitni og þar á meðal landsliðsfólk, hefðu séð umræddan þjálfara fara ölvaðan upp í bíl eftir samkvæmin tvö og keyra á brott. 

Samkvæmt heimildum Vísis fór í kjölfarið fram skoðun hjá aga- og siðanefnd Fimleikasambandsins. Eftir hana var þjálfarinn ráðinn aftur.

Fimleikafélagið Björk sendi erindi til Fimleikasambandsins og Íþróttasambands Íslands í dag en þar kemur fram að þann 12. júlí í sumar hafi minnst tvö erindi borist til sambandsins vegna ölvunarakstursins. Í nýja erindinu er kallað eftir því að niðurstaða aga- og siðanefndar Fimleikasambandsins um atvikið í sumar yrði gerð opinber.

Á fundi stjórnarinnar í dag, var ákveðið að standa við ráðningu landsliðsþjálfarans og samkvæmt heimildum Vísis sagði Kristinn af sér í kjölfar þess.

Fréttin hefur verið uppfærð.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.