Innlent

Mikilvægt að stuðla að því að allir geti eignast vistvæna bifreið

Hólmfríður Gísladóttir skrifar
Guðlaugur Þór segir mikilvægt að eftirsölumarkaðurinn með rafbíla sé virkur.
Guðlaugur Þór segir mikilvægt að eftirsölumarkaðurinn með rafbíla sé virkur. Vísir/Arnar

Guðlaugur Þór Þórðarson, umhverfis-, orku- og loftslagsráðherra segir ekki standa til að hætta að styðja við kaup á rafbílum. Markmiðin um orkuskipti til að ná markmiðum í loftslagsmálum séu afar mikilvæg.

Þetta segir ráðherra í samtali við Morgunblaðið.

Ráðherra segir niðurfellingu gjalda á rafbíla, sem nú fer að renna sitt skeið, hafa verið dýra aðgerð en hún hafi hins vegar skilað því að Ísland sé með annað hæsta hlutfall heims af vistvænum bílum, á eftir Noregi. Og ekki bara það heldur hugarfar fólks í garð rafbíla hafi breyst.

Hann segir að skoða þurfi nýjar leiðir til þess að auka hlutfall rafbíla á vegum landsins. Þá sé mikilvægt að allir tekjuhópar muni geta nýtt sér stuðning til að eignast rafbíl, sem megi ekki aðeins verða valkostur þeirra sem hafa meira á milli handanna.

„Markmiðið er skýrt. Við ætlum í orkuskipti og erum að fara yfir í rafbíla. Það hefur verið vitað að það vantar fyrirsjáanleika í þetta fyrirkomulag. Nú þarf að bæta úr því. Útfærslan á því er ekki aðalatriðið heldur að niðurstaðan verði sú sem menn vilja sjá,“ segir Guðlaugur Þór.

Loftslagsmál Neytendur Vistvænir bílar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið