Erlent

Sá eftir því að hafa flúið dýra­garð þegar það fór að rigna

Bjarki Sigurðsson skrifar
Apinn fékk regnkápu og var að lokum fylgt heim.
Apinn fékk regnkápu og var að lokum fylgt heim.

Simpansi flúði dýragarð í borginni Karkív í Úkraínu í gær og hafði engan áhuga á því að snúa aftur þangað. Þegar það fór að rigna sá hann þó eftir því og fékk regnkápu hjá starfsmanni dýragarðsins sem fylgdi honum aftur heim á hjóli.

Í myndbandi sem hefur verið birt í úkraínskum fjölmiðlum má sjá simpansann ganga um götur borgarinnar. Þá sést þegar starfsmaður dýragarðsins reynir að fá simpansann til að koma með sér aftur í dýragarðinn.

Hann vildi engan veginn fara heim úr bæjarferð sinni alveg strax en stuttu síðar fór að rigna. Simpansanum var þá ekki skemmt og hljóp í átt að starfsmanninum. Sá gat gefið honum gula regnkápu til að skýla honum frá rigningunni.

Þegar búið var að stytta upp skilaði simpansanum jakkanum sem hann hafði fengið að láni. Hann samþykkti að fara aftur heim og fékk far þangað á reiðhjóli.

Úkraína Dýr
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið