Erlent

Banda­rísk nunna á ní­ræðis­aldri laus úr haldi hryðju­verka­manna

Bjarki Sigurðsson skrifar
Alríkislögreglan í Bandaríkjunum lýsti eftir Tennyson eftir mannránið.
Alríkislögreglan í Bandaríkjunum lýsti eftir Tennyson eftir mannránið. Alríkislögregla Bandaríkjanna

Bandaríska nunnan Suellen Tennyson var á mánudaginn leyst úr haldi hryðjuverkamanna í Búrkína Fasó í vesturhluta Afríku. Tennyson hafði verið í haldi mannanna í fimm mánuði en hún er 83 ára gömul.

Á mánudaginn var Tennyson afhent landamæravörðum á landamærum Búrkína Fasó og Níger. Þar tóku Bandaríkjamenn við henni og fluttu hana heim. Að sögn CNN var hlaut hún engan líkamlega skaða á meðan hún var í haldi hryðjuverkamannanna.

Í umfjöllun BBC segir að Tennyson hafi verið rænt úr kirkju í borginni Kaya í apríl á þessu ári. Hvers vegna henni var rænt er ekki vitað.

Hryðjuverkahópar á borð við al-Qaeda og ISIS eru með starfsemi nálægt borginni Kaya en ekki er vitað hvaða hryðjuverkahópur var á bak við ránið.

Bandaríkin Búrkína Fasó
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið