Valgeir á toppinn eftir sigur gegn Aroni og Óla í Svíþjóð

Aron Bjarnason lék allan leikinn fyrir Sirius á meðan Óli Valur Ómarsson sat á varamannabekk Sirius.

Alexander Jeremejeff skoraði eina mark leiksins fyrir Häcken á 94. mínútu leiksins og þar við sat.

Davíð Kristján Ólafsson var ekki í leikmannahópi Kalmar sem vann 1-0 sigur á Gautaborg og Jón Guðni Fjóluson lék ekki með Hammarby í 5-1 sigri liðsins gegn Degerfoss en Jón Guðni hefur átt við meiðsli að stríða að undanförnu.

Eftir leiki kvöldsins er Häcken á toppi deildarinnar með 41 stig og Hammarby er í öðru sæti með 39 stig. Davíð og liðsfélagar hans í Kalmar eru í 7. sæti deildarinnar með 30 stig á meðan Óli og Aron hjá Sirius eru í 9. sæti með 25 stig.