Körfubolti

Drengirnir lentu í 5. sæti á Evrópumótinu

Valur Páll Eiríksson skrifar
Viktor Jónas Lúðvíksson í baráttunni í leik dagsins.
Viktor Jónas Lúðvíksson í baráttunni í leik dagsins. FIBA

Landslið drengja í körfubolta, skipað leikmönnum 16 ára og yngri, fagnaði sigri gegn Bosníu í leik um fimmta sæti á B-deildar Evrópumóti sem fram fór í Búlgaríu.

Leikur liðanna var jafn frá upphafi til enda. Bosnía leiddi með tveggja stiga mun, 30-28, eftir fyrsta leikhluta en Ísland var með eins stigs forystu í hálfleik, 51-50.

Íslensku strákarnir bættu lítillega við forskotið í þriðja leikhluta en að honum loknum var munurinn fimm stig, 76-71 fyrir Ísland en þá forystu lét liðið aldrei af hendi og náði að halda þeim bosnísku frá sér allan fjórða leikhlutann. Fimm stiga sigur varð niðurstaðan, 96-91.

Ísland hafnar því í fimmta sæti á mótinu en Birkir Hrafn Eyþórsson úr Selfossi var atkvæðamestur í íslenska liðinu með 34 stig. Viktor Jónas Lúðvíksson úr Stjörnunni var þá með 18 stig, tólf fráköst og stal þremur boltum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.