Flugmenn sofnuðu og gleymdu að lenda

Árni Sæberg skrifar 19. ágúst 2022 20:06

Flugvélin var á vegum Ethiopian Airlines. SALVATORE DI NOLFI/EPA

Tveir flugmenn þotu flugfélagsins Ethiopia Airlines sofnuðu og gleymdu að lenda þotunni á flugvellinum í Addis Ababa í Eþíópíu á dögunum.

Á flugfréttavefnum Aviation Herald segir að vélin hafi verið á leið frá Khartoum í Súdan til höfuðborgar Eþíópíu á mánudag þegar bæði flugstjóri og flugmaður sofnuðu. Flugvélin hafi flogið yfir ætlaðan fluglækkunarstað fyrir Addis Ababa Bole alþjóðaflugvöllinn.

Flugumferðastjórar hafi ítrekað reynt að ná sambandi við flugmennina án árangurs. Slökknað hafi á sjálvirkri stýringu þotunnar og flugmennirnir vaknað við ílu sem hljómar þegar það gerist.

Þeir hafi þá snúið vélinni við og lent heilu og höldnu á flugvellinum um 25 mínútum eftir áætlaðan lendingartíma.

Fréttir af flugi Eþíópía

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.