Handbolti

Blóðtaka fyrir KA-menn

Sindri Sverrisson skrifar
Ólafur Gústafsson verður ekki með KA fyrstu m+anuðina í Olís-deildinni.
Ólafur Gústafsson verður ekki með KA fyrstu m+anuðina í Olís-deildinni. vísir/elín

Útlit er fyrir að Ólafur Gústafsson spili lítið eða ekkert með liði KA fram að áramótum, í Olís-deildinni í handbolta, vegna meiðsla.

Handbolti.is greinir frá því í dag að Ólafur sé á leið í aðgerð vegna ökklameiðsla og að hugsanlegt sé að hann verði fjarverandi í allt að þrjá mánuði af þeim sökum.

Ólafur er algjör lykilmaður í vörn og sókn í liði KA, eftir að hafa snúið aftur til Íslands úr atvinnumennsku sumarið 2020, og fyrr á þessu ári skrifaði hann undir nýjan samning við félagið til tveggja ára.

Ólafur skoraði 66 mörk þegar KA endaði í 7. sæti Olís-deildarinnar á síðustu leiktíð, en liðið féll svo úr leik í 8-liða úrslitum gegn Haukum eftir æsispennandi einvígi. 

Nú styttist í að ný leiktíð hefjist í Olís-deildinni en KA sækir einmitt Hauka heim í fyrstu umferð, 9. september, og tekur svo á móti ÍBV viku síðar í fyrsta heimaleik sínum.


Olísdeildirnar í handbolta eru á Stöð 2 Sport en upplýsingar um útsendingar má finna hér. Olísdeildin er hluti af Stöð 2 Sport Ísland sem kostar 3.990 krónur á mánuði.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.