Heilög á svört vegna skólps og úrgangs Samúel Karl Ólason skrifar 17. ágúst 2022 11:02 Bagmati áin er sú mengaðasta í Nepal en hún er sömuleiðis álitin heilög. Gíurlega mikið rusl og skólp er í ánni. AP/Niranjan Shrestha Hin heilaga Bagmati-á í Nepal hefur lengi verið talin búin þeim mætti að geta hreinsað sálir fólks. Uppruni árinnar er í Himalæjafjöllum og þykir áin einstaklega tær þar. Þegar neðar er komið er áin hins vegar orðin svört á lit og full af skólpi og sorpi. Áin er nú sú mest mengaða í landinu og er mengunin að breyta lifnaðarháttum fólks sem býr nærri henni í Katmandú-dalnum þar sem höfuðborg Nepal má finna. Ekki er hægt að drekka vatn úr ánni eða nota það til hreinsunar. Þegar flæðið í ánni minnkar, ber hræðilega lykt frá henni. Kona biður á bökkum Bagmati í Katmandú.AP/Niranjan Shrestha Hindúar hafa lengi fylkt liði á bökkum Bagmati til að biðja við skríni eða taka þátt í hátíðum. Konur dýfa sér í ánna til að þvo syndir sínar á brott og fjölskyldur hafa lengi þvegið fætur líka fjölskyldumeðlima í ánni. Þau telja að það tryggi leið viðkomandi í himnaríki og líkin eru svo brennd á bökkum árinnar og ösku þeirra kastað útí. Mithu Lama, 59, segir að á árum áður hafi fólk drukkið vatn úr ánni. Það sé ekki lengur hægt og hún býst ekki við að það verði hægt aftur.AP/Niranjan Shrestha Drukku vatnið á árum áður Þetta hefur nú breyst, samkvæmt AP fréttaveitunni. Fólk kemur enn með lík ástvina sinna og brennir þau enn á bökkum árinnar en þau eru þvegin með hreinsuðu vatni sem selt er í búðum. Ein kona sem blaðamenn fréttaveitunnar ræddu við hefur búið allt sitt líf á bökkum Bagmati. Hún heitir Lama og sagði frá því að á árum áður hefði fólk notað vatn úr ánni til eldamennsku, baðað sig í því og jafnvel drukkið það. Nú sé búið að dæla skólpi og sorpi í ánna í áratugi og hún býst ekki við að ástandið muni batna á næstunni. Nokkrum sinnum hafi verið farið í átaka til að hreinsa ánna en það hafi aldrei gengið eftir. Of margir væru að menga ánna. „Fólk er vandamálið,“ sagði konan. Fundu lík barns Mala Kharel er kona sem hefur tekið þátt í hreinsunarstarfi í ánni um helgar um nokkuð skeið. Hún er einn af stjórnendum opinberrar nefndar sem fjallar um ánna og segir að mikill árangur hafi náðst í að hreinsa rusl úr ánni. Hundruð manna koma saman til að hreinsa rusl úr ánni um hverja helgi. Í gegnum árin hafa þau fundið allskonar úrgang, eins og dýrshræ og jafnvel lík barna sem hefur verið kastað í ánna. Átak þetta hefur þó ekki skilað nægum árangri samkvæmt frétt AP. Það er að miklu leyti rakið til þess að sorphirða þykir ekki nægjanlega góð í Katmandú og því sé stór hluti íbúa sem kasti sínu sorpi í ánna. Þá hafi þúsundir byggt ólögleg hús og kofa á bökkum árinnar og neita að fara. Hundruð sjálfboðaliða koma reglulega saman til að týna rusl úr Bagmati. Það dugar þó ekki til.AP/Niranjan Shrestha Binda vonir við stíflur Verið er að reisa tvær stíflur ofarlega í ánni sem vonast er til að hægt verði að nota til að safna vatni yfir rigningartímabilið. Það vatn sé svo hægt að nota til að hreinsa árfarveginn þegar þurrt er og rusl hefur safnast saman. Búist er við því að smíði stíflnanna ljúki brátt. Sérfræðingar eru þó ekki sammála um það hvort stíflurnar muni nýtast eins og vonast er til Leiðsla þar sem vatn rennur út í Bagmati.AP/Niranjan Shrestha Yfirvöld í Nepal hafa einnig unnið að gerð skurða og leiðslna sem ætlað er að taka við skólpi og bera það frá ánni. Sú vinna byrjaði árið 2013 en ekki sér fyrir endann á henni enn. Þá er einnig verið að skoða það að reisa hreinsistöð til að hreinsa vatn árinnar. Einn sérfræðingur sem rætt var við segir að ekki sé svo auðvelt að hreinsa náttúrlegan farveg árinnar. Þá sé búið að vinna svo mikinn skaða á ánni að þó að hægt sé að hreinsa hana, þá verði hún aldrei eins og hún var. Við upptök Bagmati rennur hluti árinnar úr líkneski í Shivapuri þjóðgarðinum í Nepal.AP/Niranjan Shrestha Áin nálgast Katmandú og verður fljótt brún.AP/Niranjan Shrestha Bagmati áin er sú mengaðasta í Nepal.AP/Niranjan Shrestha Rusl á bökkum Bagmati í Katmandú.AP/Niranjan Shrestha Skólprör sem leiðir út í Bagmati.AP/Niranjan Shrestha Stúlkur fylgjsat með Bagmati renna í gegnum Katmandú.AP/Niranjan Shrestha Rusl í ánni.AP/Niranjan Shrestha Hindúar flykkjast að bökkum Bagmati.AP/Niranjan Shrestha Karfa full af rusli í ánni í Katmandú.AP/Niranjan Shrestha Kona gengur yfir rör þar sem vatn rennur út í Bagmati-á. Mikið rusl er sýnilegt á myndinni.AP/Niranjan Shrestha Hér má sjá mynd frá Guheswori hreinsistöðinni þar sem vatn úr Bagmati er hreinsað.AP/Niranjan Shrestha Hluti af vatninu í Bagmati er hreinsað í Guheswori, áður en það rennur að Pashupatinath hofi í Katmandú. Brenndum líkamsleifum er reglulega kastað í Bagmati ánna við Pashpupatinath-hofið í Katmandú. Það er á minjaskrá UNESCO.AP/Niranjan Shrestha Maður skoðar mjög mengaða ánna nærri Pashupatinath hofinu í Katmandú.AP/Niranjan Shrestha Vonir eru bundnar við að stíflur muni geta safnað rigningarvatni og notað það seinna meir til að hreinsa árfarveginn.AP/Niranjan Shrestha Þegar Bagmati rennur frá Katmandú er hún orðin svört.AP/Niranjan Shrestha Nepal Umhverfismál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Of þung en annars hraust á Ozempic Innlent Skuldirnar bíði þegar frelsið taki við Innlent Gular viðvaranir á Suðurlandi, Suðausturlandi og Faxaflóa á morgun Innlent Slagsmálahundar afþökkuðu aðstoð lögreglu Innlent „Engu okkar er boðið að koma þarna og sjá“ Innlent Þrjátíu ár fyrir árásina á mann þingforsetans Erlent Nauðugur sá kostur að fresta atkvæðagreiðslunni Innlent Ákærður fyrir að pissa daginn eftir Fiskidaginn mikla Innlent Forsetavaktin 2024: Hver verður sjöundi forseti lýðveldisins? Innlent Færeyingar felldu frumvarp um fóstureyðingar Erlent Fleiri fréttir Myndband sýnir árás Diddy Færeyingar felldu frumvarp um fóstureyðingar Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Vill bjóða NATO að byggja nýjan flugvöll í Færeyjum Þorir að veðja bjór á að hún verði áfram forsætisráðherra Lokað á grein um barnadráp í Bretlandi Drápu fangaverði og hjálpuðu fanga að strjúka Sjá meira
Áin er nú sú mest mengaða í landinu og er mengunin að breyta lifnaðarháttum fólks sem býr nærri henni í Katmandú-dalnum þar sem höfuðborg Nepal má finna. Ekki er hægt að drekka vatn úr ánni eða nota það til hreinsunar. Þegar flæðið í ánni minnkar, ber hræðilega lykt frá henni. Kona biður á bökkum Bagmati í Katmandú.AP/Niranjan Shrestha Hindúar hafa lengi fylkt liði á bökkum Bagmati til að biðja við skríni eða taka þátt í hátíðum. Konur dýfa sér í ánna til að þvo syndir sínar á brott og fjölskyldur hafa lengi þvegið fætur líka fjölskyldumeðlima í ánni. Þau telja að það tryggi leið viðkomandi í himnaríki og líkin eru svo brennd á bökkum árinnar og ösku þeirra kastað útí. Mithu Lama, 59, segir að á árum áður hafi fólk drukkið vatn úr ánni. Það sé ekki lengur hægt og hún býst ekki við að það verði hægt aftur.AP/Niranjan Shrestha Drukku vatnið á árum áður Þetta hefur nú breyst, samkvæmt AP fréttaveitunni. Fólk kemur enn með lík ástvina sinna og brennir þau enn á bökkum árinnar en þau eru þvegin með hreinsuðu vatni sem selt er í búðum. Ein kona sem blaðamenn fréttaveitunnar ræddu við hefur búið allt sitt líf á bökkum Bagmati. Hún heitir Lama og sagði frá því að á árum áður hefði fólk notað vatn úr ánni til eldamennsku, baðað sig í því og jafnvel drukkið það. Nú sé búið að dæla skólpi og sorpi í ánna í áratugi og hún býst ekki við að ástandið muni batna á næstunni. Nokkrum sinnum hafi verið farið í átaka til að hreinsa ánna en það hafi aldrei gengið eftir. Of margir væru að menga ánna. „Fólk er vandamálið,“ sagði konan. Fundu lík barns Mala Kharel er kona sem hefur tekið þátt í hreinsunarstarfi í ánni um helgar um nokkuð skeið. Hún er einn af stjórnendum opinberrar nefndar sem fjallar um ánna og segir að mikill árangur hafi náðst í að hreinsa rusl úr ánni. Hundruð manna koma saman til að hreinsa rusl úr ánni um hverja helgi. Í gegnum árin hafa þau fundið allskonar úrgang, eins og dýrshræ og jafnvel lík barna sem hefur verið kastað í ánna. Átak þetta hefur þó ekki skilað nægum árangri samkvæmt frétt AP. Það er að miklu leyti rakið til þess að sorphirða þykir ekki nægjanlega góð í Katmandú og því sé stór hluti íbúa sem kasti sínu sorpi í ánna. Þá hafi þúsundir byggt ólögleg hús og kofa á bökkum árinnar og neita að fara. Hundruð sjálfboðaliða koma reglulega saman til að týna rusl úr Bagmati. Það dugar þó ekki til.AP/Niranjan Shrestha Binda vonir við stíflur Verið er að reisa tvær stíflur ofarlega í ánni sem vonast er til að hægt verði að nota til að safna vatni yfir rigningartímabilið. Það vatn sé svo hægt að nota til að hreinsa árfarveginn þegar þurrt er og rusl hefur safnast saman. Búist er við því að smíði stíflnanna ljúki brátt. Sérfræðingar eru þó ekki sammála um það hvort stíflurnar muni nýtast eins og vonast er til Leiðsla þar sem vatn rennur út í Bagmati.AP/Niranjan Shrestha Yfirvöld í Nepal hafa einnig unnið að gerð skurða og leiðslna sem ætlað er að taka við skólpi og bera það frá ánni. Sú vinna byrjaði árið 2013 en ekki sér fyrir endann á henni enn. Þá er einnig verið að skoða það að reisa hreinsistöð til að hreinsa vatn árinnar. Einn sérfræðingur sem rætt var við segir að ekki sé svo auðvelt að hreinsa náttúrlegan farveg árinnar. Þá sé búið að vinna svo mikinn skaða á ánni að þó að hægt sé að hreinsa hana, þá verði hún aldrei eins og hún var. Við upptök Bagmati rennur hluti árinnar úr líkneski í Shivapuri þjóðgarðinum í Nepal.AP/Niranjan Shrestha Áin nálgast Katmandú og verður fljótt brún.AP/Niranjan Shrestha Bagmati áin er sú mengaðasta í Nepal.AP/Niranjan Shrestha Rusl á bökkum Bagmati í Katmandú.AP/Niranjan Shrestha Skólprör sem leiðir út í Bagmati.AP/Niranjan Shrestha Stúlkur fylgjsat með Bagmati renna í gegnum Katmandú.AP/Niranjan Shrestha Rusl í ánni.AP/Niranjan Shrestha Hindúar flykkjast að bökkum Bagmati.AP/Niranjan Shrestha Karfa full af rusli í ánni í Katmandú.AP/Niranjan Shrestha Kona gengur yfir rör þar sem vatn rennur út í Bagmati-á. Mikið rusl er sýnilegt á myndinni.AP/Niranjan Shrestha Hér má sjá mynd frá Guheswori hreinsistöðinni þar sem vatn úr Bagmati er hreinsað.AP/Niranjan Shrestha Hluti af vatninu í Bagmati er hreinsað í Guheswori, áður en það rennur að Pashupatinath hofi í Katmandú. Brenndum líkamsleifum er reglulega kastað í Bagmati ánna við Pashpupatinath-hofið í Katmandú. Það er á minjaskrá UNESCO.AP/Niranjan Shrestha Maður skoðar mjög mengaða ánna nærri Pashupatinath hofinu í Katmandú.AP/Niranjan Shrestha Vonir eru bundnar við að stíflur muni geta safnað rigningarvatni og notað það seinna meir til að hreinsa árfarveginn.AP/Niranjan Shrestha Þegar Bagmati rennur frá Katmandú er hún orðin svört.AP/Niranjan Shrestha
Nepal Umhverfismál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Of þung en annars hraust á Ozempic Innlent Skuldirnar bíði þegar frelsið taki við Innlent Gular viðvaranir á Suðurlandi, Suðausturlandi og Faxaflóa á morgun Innlent Slagsmálahundar afþökkuðu aðstoð lögreglu Innlent „Engu okkar er boðið að koma þarna og sjá“ Innlent Þrjátíu ár fyrir árásina á mann þingforsetans Erlent Nauðugur sá kostur að fresta atkvæðagreiðslunni Innlent Ákærður fyrir að pissa daginn eftir Fiskidaginn mikla Innlent Forsetavaktin 2024: Hver verður sjöundi forseti lýðveldisins? Innlent Færeyingar felldu frumvarp um fóstureyðingar Erlent Fleiri fréttir Myndband sýnir árás Diddy Færeyingar felldu frumvarp um fóstureyðingar Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Vill bjóða NATO að byggja nýjan flugvöll í Færeyjum Þorir að veðja bjór á að hún verði áfram forsætisráðherra Lokað á grein um barnadráp í Bretlandi Drápu fangaverði og hjálpuðu fanga að strjúka Sjá meira