Bílar

FÍB telur að olíufélög skuldi verðlækkun

Kristinn Ásgeir Gylfason skrifar
Runólfur Ólafsson Formaður FÍB
Runólfur Ólafsson Formaður FÍB

Félag íslenskra bifreiðaeigenda, FÍB telur að íslensku olíufélögin séu ekki að fylgja lækkuðu heimsmarkaðsverði á hráolíu á sama hátt og hækkunum á sömu hráolíu er gjarnan fylgt. Eins bendir FÍB á þá staðreynd á heimasíðu sinni að síðan hráolíuverð hefur lækkað um tæp 30% hefur eldsneytisverð lækkaðum 4,2% fyrir bensín og 4,7% fyrir dísel. Dönsk olíufélög hafa hins vegar lækkað bensín um 18,4% og dísel um 16,8% á sama tíma.

„Bensínverð á Íslandi og í Danmörku var svipað í báðum löndum snemma í júní. Núna er verðmunurinn á milli landanna yfir 55 krónur á hvern lítra af bensíni,“ segir á heimasíðu FÍB.

Rit sem sýnir þróun eldsneytisverðisían

Þá segir enn frekar að forstjóri Skeljungs, hafi sagt í fréttum RÚV þann 8. ágúst að olíufélögin hérlendis hafi tekið á sig mikið af þeim hækkunum sem urðu í kjölfar innrásar rússa í Úkraínu. Hann bendir einnig á að framlegðin á hverjum lítra sé sambærileg því sem var fyrir kórónaveirufaraldurinn.

„Eldsneytisverð vigtar þungt í vísitölu neysluverðs og þar með á verðbólgu. Olíufélögin hafa mikil áhrif á afkomu heimila og fyrirtækja langt umfram lítraverðið. Lækkun olíuverðs temprar verðbólgu en hátt verð kyndir verðbólgubálið,“ segir enn frekar í frétt á vef FÍB.

„Er komið að því að setja álagningarþak á eldsneytisverð hér á landi þar sem markaðnum er ekki treystandi til að skila verðlækkunum til neytenda,“ spyr greinarhöfundur á heimasíðu FÍB ennremur á heimasíðu FÍB.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.