Sjósundsmaður sem leitað var að út fyrir Langasandi við Akranes í gær fannst látinn. Þetta staðfestir lögreglan á Vesturlandi en maðurinn hafði verið ásamt öðrum við sjósund. Leit hófst eftir að hann skilaði sér ekki í land.
Útkall barst vegna málsins á níunda tímanum í gærkvöldi og tók þyrla Landhelgisgæslunnar um tíma þátt í leitinni. Um fimmtíu björgunarsveitarmenn komu að leitinni ásamt lögreglu og þyrluáhöfn Landhelgisgæslunar.
Aðgerðinni lauk um klukkan tvö í nótt, að sögn Ásmundar K.R. Ásmundarsonar, yfirlögregluþjóns hjá lögreglunni á Vesturlandi.
Björgunarsveitir leita nú að sjósundsmanni úti fyrir Langasandi við Akranes. Þyrla Landhelgisgæslunnar er á flugi á svæðinu og aðstoðar við leitina.
